ინდური კინო - პლანეტა ბოლივუდი

вторник, 11 января 2011 г.

რაჯ კაპურის პოპური

ნახეთ რაჯ კაპურის პოპური ანრი ჯოჰაძის შესრულებით

вторник, 4 января 2011 г.

ინდოელი რეჟისორების, აბასისა და მუსტანის ტანდემი, რომელთა ერთობლივი ნამუშევარი "Race" 2008 წლის ყველაზე შემოსავლიან სურათად იქცა, ისევ შეუდგა ახალი, მწვავესიუჟეტიანი ფილმის გადაღებას. ფილმის სახელწოდებაა "Players" და ეს იქნება ცნობილი ფილმის "The Italian Job" ბოლივუდური რიმეიქი.
ფილმში დაკავებული არიან ისეთი მსახიობები, როგორებიცაა: აბიშეკ ბაჩანი, ბობი დეოლი, ნილ–ნიტინ მუკეში, ბიპაშა ბასუ და სონამ კაპური.

გარდა ამისა პროდიუსერებმა ფილმში რუსი გენერლის მნიშვნელოვან როლზე, ცნობილი რუსი მსახიობი, ვიაჩესლავ რაზბეგაევი მოიწვიეს.
ვიაჩესლავ რაზბეგაევი 30–დე ფილმშია გადაღებული და ასევე არის რეჟისორი ერთ–ერთი ცნობილი სერიალისა. კინოსა და ტელევიზიის პარალელურად ამჟამად მუშაობს თეატრშიც.

გადაღებები რუსი მსახიობის მონაწილეობით დაიწყება თებერვალში, გოაში.
როგორი იყო ბოლივუდის წამყვანი მსახიობი ქალებისათვის 2010 წელი?

როგორი იყო 2010 წელი ბოლივუდის ქალბატონებისათვის?

თუ 2010 წელი ბოლივუდის ვარსკვლავთა მცირე ნაწილისათვის, მათ შორის რანი მუქერჯისა და პრიტი ზინტასათვის არ აღინიშნა არცერთი კინოპრემიერით, სამაგიეროდ რამდენიმე მათგანმა აქტიურად დაიპყრო ეკრანი.
2010 წელს ეკრანებზე განსაკუთრებით გაიმყარეს პოზიციები კატრინა კეიფმა, აიშვარია რაიმ, დიპიკა პადუკონიმ, კარინა კაპურმა, კანგანა რანაუტმა, პრიანკა ჩოპრამ, ვიდია ბალანმა და ბიპაშა ბასუმ.
თუმცა განსაკუთრებით უნდა აღინიშნოს კატრინა კეიფი, რომლის ასე ვთქვათ ბენეფისი შედგა ამ წელს. ის მაყურებლის წინაშე წარსდგა არა როგორც კარგი მსახიობი მხოლოდ, არამედ მან მილიონობით ადამიანის გული დაიპყრო მუსიკალური ნომრით "Sheila ki Jawaani".

კატრინამ დაამტკიცა თავისი შესაძლებლობები როგორც მსახიობმა და მოცეკვავემ.
რეჟისორ პრაკაშ ჯჰასთან მუშაობამ, ფილმში "Raajneeti", სადაც კატრინამ ინდირა განდის რძლის, სონია განდის პიროვნების ანალოგიური პერსონაჟი ითამაშა, ეკრანზე აჩვენა სიყვარულის, თავგანწირვისა და ერთგულების მაგალითი.
ამ ფილმის წარმატებამ კიდევ უფრო ასწია კატრინა მაღალ საფეხურზე.
არსებობდა ვარაუდი რომ ეს წელი იქნებოდა დიპიკა პადუკონის წელი, რადგან მისი მონაწილეობით ეკრანებზე უნდა გამოსულიყო 5 ფილმი.
თუმცა ამ ფილმებმა იმედი გაუცრუეს მაყურებელს, გარდა ერთი ფილმისა "HouseFull". დანარჩენი ფილმები " Karthik Calling Karthik", " Lafangey Parindey", "Break Ke Baad" , და " Khelein Hum Jee Jaan Sey" ჩავარდა გაქირავებაში.

მისი თამაში ნებისმიერ ამ ფილმში განსაცვიფრებლად ერთსახოვანია.
ბიპაშა ბასუმ ამ წელს მონაწილეობა მიიღო ისეთ ფილმებში, როგორებიცაა: "Pankh", "Lamha" და "Aakrosh". თუმცა მაყურებელმა დადებითად არ შეაფასა მისი ძალისხმევა. ამ ფილმების ჩავარდნის შედეგად მან ადრე მოპოვებული სექსუალური მსახიობი ქალის ტიტულის შენარჩუნებაც ვერ შეძლო.
ისევე როგორც ბიპაშასათვის ეს წელი წარუმატებელი აღმოჩნდა კარინა კაპურისთვისაც. დიდი ხნით თაროზე შემოდების შემდეგ გამოვიდა მისი ფილმი "Milenge Milenge", სადაც ის თავის ყოფილ შეყვარებულთან, შაჰიდ კაპურთან ერთად თამაშობს. მაყურებელს რატომღაც მოძველებულად მოეჩვენა ეს ფილმი.
ფილმში "We Are Family" კარინამ მართლაც მაქსიმალური ძალისხმევა გაიღო თუმცა არც ამ ფილმით დარჩენილა მაყურებელი აღფრთოვანებული.
რაც შეეხება კომედიურ ფილმს "Golmaal-3", აქ კი მაყურებელი ნამდვილად მოხიბლული დარჩა მისი თამაშით. ეს ფილმი 2010 წლის ფილმების ტოპ ათეულში შევიდა.

გარდა ამისა, ისიც მნიშვნელოვან მოვლენაში შეიძლება ჩაითვალოს, რომ კარინა კაპურს შეხვედრა ჰქონდა რუსეთის პრეზიდენტთან, დიმიტრი მედვედევთან.
პრიანკა ჩოპრა ამ წელს მხოლოდ ერთ ფილმში გამოჩნდა, ესაა "Anjaana Anjaani". წელს მან მეტი დრო ტელევიზიას დაუთმო. თუმცა ვერც ამ ფილმით და ვერც თავისი მცდელობებით რეალითი–შოუში "Khatron Ke Khilari" ვერ მიიპყრო მაყურებლის ყურადღება.
აიშვარია რაის მონაწილეობით 4 ფილმი გამოვიდა ეკრანებზე: "Raаvan", "Robot-Ethiran", "Action Replayy" и და " Guzaaris". ოთხივე ფილმში აიშვარია რაიმ აჩვენა თავისი უნაკლო თამაში თუმცა სალაროს შემოსავლების მხრივ მხოლოდ "Robot-Ethiran" გამოირჩეოდა, დანარჩენები ჩავარდა.
მისი თამაში კი სანჯაი ლილა ბჰანსალის ფილმში "Guzaarish" იქცა გადამწყვეტად მის კარიერაში ამ წელს.
შესაძლოა ის დასახელდეს წლის საუკეთესო მსახიობ ქალად, თუმცა თვლიან რომ მას დიდ კონკურენციას გაუწევს ვიდია ბალანი, რომლის მიერ შესრულებულმა სოფლის გოგონას როლმა კრიშნა ვარმას ფილმში "Ishqiya" დადებითი გამოხმაურება ჰპოვა.

კაჯოლმა შექება მიიღო ფილმებისათვის "My Name is Khan", "We Are Family» და ანიმაციური პროექტისათვის "Toonpoor Ka Superrhero", მაგრამ თავისი შესაძლებლობების მაქსიმუმს მან ვერ მიაღწია.

вторник, 28 декабря 2010 г.

სიახლეები ბოლივუდიდან

სიახლეებს დავიწყებ სასიამოვნო ინფორმაციით.

ბოლივუდის მსახიობმა ლარა დატამ და ტენისის ვარსკვლავმა მაჰეშ ბუპატჰიმ კარან ჯოჰარის შოუში განაცხადეს რომ ისინი დაქორწინდებიან 2011 წლის თებერვალში.

მას შემდეგ რაც წყვილი ერთად გამოჩნდა საზოგადოებაში ერთ–ერთ ჩვენებაზე, ძალიან ბევრს საუბრობდნენ მათ ურთიერთობაზე.
ამჯერად კი თავის შოუში კარანმა პირდაპირ ჰკითხა მათ ქორწინების თარიღის შესახებ. წყვილმა კი მაშინვე უპასუხა რომ ისინი დაქორწინდებიან 2011 წლის თებერვალში და რომ მათი ოჯახები ამჯერად თარიღის გადაწყვეტის სტადიაშია.
მაჰეშ ბუპატჰიმ 2010 წლის სექტემბერში შესთავაზა დაქორწინება ლარას. წყვილმა ისაუბრა ასევე მათ წარსულ ურთიერთობაზე.
მაჰეშ ბუპატჰი ითვლება ლარა დატასა და დინო მორეას დაშორების მიზეზად, ისევე როგორც თავად ლარა ითვლება მაჰეშისა და შვეტა ჯაიშანკარის გაყრის მიზეზად.

ეს შვეტა ჯაიშანკარია, მაჰეშის ყოფილი მეუღლე

პრიანკა ჩოპრა მსუბუქი ყოფაქცევის ქალის როლს შეასრულებს კარან ჯოჰარის ახალ პროექტში "Agneepath"

კარან ჯოჰარის ახალი პროექტის "Agneepath"–ის ირგვლივ უკვე დიდია ცნობისმოყვარეობა, რადგან ამავე სახელწოდების ცნობილი ფილმი, რომლის პროდიუსერიც კარანის მამა იყო ერთ–ერთი ჰიტი იყო 90–ან წლებში.

"Times of India" –სათვის მიცემულ ინტერვიუში კარანმა თქვა:

–ერთადერთი, რაც შემიძლია ვთქვა მოცემულ მომენტში ფილმის შესახებ ის არის, რომ ეს ფილმი რადიკალურად იქნება განსხვავებული იმ ფილმისაგან რომლის პროდიუსერიც მამა იყო. მამა ძალიან ამაყობდა იმ ფილმით და მე იმედი მაქვს ამ ფილმითაც კარგ ნამუშევარს ვაჩვენებ მაყურებელს.

წინა ფილმში თამაშობდნენ ისეთი მსახიობები, როგორიცაა ამიტაბჰი და მითჰუნი. ამტაბჰმა მიიღო ეროვნული პრემია მთავარი როლის შესრულებისათვის, ხოლო მითჰუნმა მეორეხარისხოვანი როლის შესრულებისათვის. ეს დიდი პასუხისმგებლობაა და მაგალითია მიბაძვისათვის ნებისმიერი მსახიობისათვის.
როგორც ჩანს კარანმა კარგად გადააკეთა ფილმის სცენარი და შემოგვთავაზებს რიმეიქს, რომელიც უფრო საინტერესო იქნება თანამედროვე თაობის მაყურებლისათვის.
პრიანკა ჩოპრა ამ ფილმში როგორც უკვე აღვნიშნე შეასრულებს მსუბუქი ყოფაქცევის ქალის როლს, რომლის სახელია – კაალი. ფილმში ასევე თამაშობს რიტიკ როშანი.

ნახეთ "Love U...Mr.Kalakaar" – ამრიტა რაოსა და ტუშარ კაპურის მონაწილეობით

2011 წლის თებერვალში კიდევ ერთი ლამაზი წყვილის დუეტს ვიხილავთ ახალ ფილმში – " Love U...Mr.Kalakaar".
ფილმის რეჟისორი და სცენარისტია მანასვი.

ეს არის ფილმი ორ განსხვავებულ ადამიანზე.
ტუშარ კაპურის გმირი – საჰილი, ეს არის მხატვარ–კარიკატურისტი, რომელშიც შთაგონებას იწვევს ყველაფერი რაც ირგვლივ აკრავს, ცა, მიწა, მათ შორის ქაღალდის ნაგლეჯიც კი...
ამრიტა რაოს გმირის – რიტუს სამყარო კი ბრუნავს მხოლოდ კრედიტების, ბრუნვების, შემოსავლებისა და ვადების ირგვლივ.
რა მოხდება მას შემდეგ რაც რიტუს შეუყვარდება საჰილი, სწორედ ამაზეა ფილმის სიუჟეტი აგებული.

კიდევ ერთ სამხრეთელ ვარსკვლავს გადაიღებენ ბოლივუდში

ნებისმიერი სამხრეთელი მსახიობი ოცნებობს ბოლივუდში გადაღებაზე.
ამჯერად კიდევ ერთ სამხრეთელ მსახიობ გოგონას ვიხილავთ ბოლივუდურ პროექტში.
მათ ვინც უყურებს სამხრეთულ კინოს იცის, რომ ილეანა დე კრუზი ერთ–ერთი ყველაზე მომხიბვლელი ახალგაზრდა მსახიობია ტოლივუდში. ის თამაშობს ცნობილ ტოლივუდურ პროექტში "Pokiri", რომელიც ბოლივუდური ფილმის "Wanted" ორიგინალი ვერსიაა.
ილეანას დებიუტი კინოში შედგა 2006 წელს და მას შემდეგ ის 15–დე ფილმში გადაიღეს.
ამჯერად მისი დებიუტი შედგება ანურაგ ბასუს ფილმში "Barfee", სადაც მთავარ როლებს რანბირ კაპური და პრიანკა ჩოპრა ითამაშებენ.
მსახიობ გოგონას მეორეხარისხოვანი როლისათვის დიდხანს ეძებდა რეჟისორი და რამდენიმე ვერსიასაც განიხილავდა, მათ შორის კატრინას, დიპიკასა, კანგანასა და ასინს. თუმცა ნახა რა ილენას ფოტოები, მიხვდა რომ ის იდეალურად ერგებოდა როლს.
ამჯერად ილეანა დაკავებულია "სამი იდიოტი"–ს სამხრეთულ ვერსიაში და ასევე კიდევ ერთ პროექტში "Nenu Naa Rakshasi", რანი დაგუბატისთან ერთად.

четверг, 23 декабря 2010 г.

რუსეთის პრეზიდენტი ბოლივუდს ესტუმრა

სულ ცოტა ხნის წინ როდესაც ჩვენი ეკონომიკის მინისტრი ქ–ნი ვერა ქობალია ქართულ დელეგაციასთან ერთად ბოლივუდს ესტუმრა და საქმიანი შეთავაზებებით ბოლივუდის ვარსკვლავს ამირ ქჰანსაც კი ესტუმრა შინ, ცოტა გამიკვირდა კიდეც, თუმცა დღეს უფრო საინტერესო ინფორმაცია გავრცელდა.
ამჯერად ვერა ქობალიას "კვალდაკვალ", უკვე რუსეთის პრეზიდენტი მედვედევიც ესტუმრა ბოლივუდს მუმბაიში ვიზიტის დროს და შაჰრუჰ ქჰანის ახალი ფილმის "Ra. one" - ს გადაღებებს დაესწრო.
–ეს ძალიან თბილი და მეგობრული შეხვედრა იყო. პრეზიდენტმა დადებითად შეაფასა მუსიკის მნიშვნელოვანი როლი ინდურ კინოში – აღნიშნა კარინა კაპურმა, რომელიც ასევე ესწრებოდა შეხვედრას.
შაჰრუჰმა და კარინამ სპეციალურად პრეზიდენტისათვის შეასრულეს ცეკვა.
პრეზიდენტი შეხვდა კინოსტუდია "იაშრაჯფილმზის" დელეგაციას: იაშ ჩოპრას, რამეშ სიპის, რაკეშ როშანს, მუკეშ ბჰატს, რანდირ კაპურს და ასევე ამიტ ქჰანას.
ამ შეხვედრის ორგანიზატორი იყო რუსეთის საელჩო და შეხვედრა მიზნად ისახავდა ბოლივუდთან კულტურული ურთიერთობების გაუმჯობესებას.
ამ ხანმოკლე შეხვედრაზე ორივე მხარემ შეძლო დადებითი ემოციების გაზიარება და როგორც ამიტ ქჰანამ თქვა, გაჩნდა ერთობლივი პროექტების განხორციელების იდეა.
–გადაღებები იწარმოებს ორივე ქვეყანაში და გააღრმავებს მათ შორის კულტურულ ურთიერთობებს. სასიამოვნოა, როცა რუსეთის პრეზიდენტი თავადაა კულტურული ურთიერთობების კონსოლიდაციის ინიციატორი– განაცხადა ამიტ ქჰანამ.
რაკეშ როშანი ამბობს:
–რუსეთის პრეზიდენტმა შსაძლებლობა მოგვცა გადაღბები ვაწარმოოთ მის ქვეყანაში და განვახორციელოთ ფილმების მარკეტინგისა და პრომოუშენის პროგრამები.