კიდევ ერთი დღე ინდოეთთან ერთად

20 ივნისს ბარათაშვილის სახლ-მუზეუმში საქართველო-ინდოეთის კულტურულ ურთიერთობათა ასოციაცია "ბჰარატის" მიერ ინდოეთისა და ინდური კულტურის მოყვარულთათვის კიდევ ერთი ინდური საღამო გაიმართა.
ღონისძიებას ესწრებოდა ინდოეთის ელჩი საქართველოსა და სომხეთში, ბ-ნი აჩალ კუმარ მალჰოტრა მეუღლესთან ერთად.
ელჩმა მისასალმებელი სიტყვით მიმართა საღამოს სტუმრებს.

შესრულდა ქართული და ინდური სიმღერები და ცეკვები.
ქართული მხრიდან ღონისძიებაში მონაწილეობდნენ საპატიო სტუმრები: "ჩოხოსნები" - გოგი დოლიძის ხელმძღვანელობით, რესპუბლიკის სახალხო არტისტი თემურ წიკლაური და სხვ.ინდური ცეკვა და სიმღერა წარმოადგინა ასოციაციასთან არსებულმა სიმღერისა და ცეკვის ანსამბლმა "ლაკშმი", რომელთა შესრულებულმა საცეკვაო ნომრებმა დამსწრეთა დიდი მოწონება დაიმსახურა.

ბავშვებმა წაიკითხეს ინდოელი მწერლისა და საზოგადო მოღვაწის რაბინდრანათ თაგორის ლექსები ინდურ და ქართულ ენებზე.
ღონისძიების საპატიო სტუმრებს შორის განსაკუთრებით მინდა ავღნიშნო ინდური კულტურისა და კინოს მოყვარულთათვის კარგად ნაცნობი დათო ბეჟიტაშვილი, რომელიც ერთ-ერთი დამფუძნებელი იყო ასოციაცია "ბჰარატი"-ს, როცა ის პირველად დაარსდა 1991 წელს.

ღონისძიებაზე გამოფენილი იყო ინდოელი მხატვრების რეპროდუქციები.
ღონისძიების ბოლოს ელჩს ასოციაციის წევრმა ანუკი ჭუმბურიძემ სამახსოვრო საჩუქრად გადასცა მის მიერ დახატული პორტრეტი.

სიახლეები ბოლივუდიდან

ამიტაბჰ ბაჩანმა თავი შეუძლოდ იგრძნო

ბოლო ხანებში ამიტაბჰ ბაჩანი მუშაობდა თითქმის შეუსვენებლად, ჯერ ფილმის "Bbuddah Hoga Tera Baap" გადაღებებზე, რომლის რეჟისორი პური ჯაგანათჰია და შემდეგ ამ ფილმის რეკლამირებაზე. მსახიობმა მონაწილეობა მიიღო სატელევიზიო თოქ-შოუებსა თუ რადიოსა და პრესკონფერენციებში. ეს კი უარყოფითად აისახა მის ჯანმრთელობაზე. თითქმის 70 წელს მიღწეულ ვარსკვლავს მოუხდა შესვენება გაეკეთებინა, როდესაც მან ტკივილი იგრძნო ყელისა და გულის არეში. ექიმებმა მას ანტიბიოტიკები გამოუწერეს რათა მოეხსნათ ინფექცია და ურჩიეს დასვენება.
მსახიობმა დაარწმუნა თავისი თაყვანისმცემლები, რომ არაფერი საგანგაშო არ მომხდარა და ღელვის მიზეზიც არ არსებობს. განაცხადა, რომ თავს უკეთ გრძნობს და სულმოუთქმელად ელოდება როდის განაგრძობს მუშაობას თავის ახალ ფილმზე "Aarakshan" საიფ-ალი ქჰანთან და დიპიკა პადუკონისთან ერთად

საიფ-ალი კჰანი და კარინა მალე დაქორწინდებიან

გასულ წელს საიფ-ალი ქჰანმა და კარინა კაპურმა გააკეთეს განცხადება, რომ ისინი დაქორწინდებიან როგორც კი დაასრულებენ მუშაობას ფილმზე "აგენტი ვინოდი", რომელშიც ორივე მსახიობი მონაწილეობს. ახლახან კი გავრცელდა ინფორმაცია, რომ წყვილს არ სურს მოიცადოს 2011 წლის დასასრულამდე (ფილმის გამოსვლამდე) და მათ გადაწყვიტეს ახლო მომავალში დაუკავშირონ ერთმანეთს თავი საქორწინო კავშირით. მათი ოჯახების შეხვედრა, რაც ადრე მათთვის წარმოადგენდა პრობლემას, უკვე შედგა. რამდენიმე თვის წინ გავრცელდა ჭორი, რომ კარინას პრობლემები ჰქონდა საიფის შვილებთან - სარასთან და იბრაჰიმთან, რომლებიც მათთან რეზიდენციაში მოდიან. თუმცა მსახიობმა უარყო ეს ჭორები და განაცხადა, რომ მას ძალიან კარგი ურთიერთობა აქვს საიფის შვილებთან. სარა და იბრაგიმი საიფის შვილებია მისი პირველი ქორწინებიდან მსახიობ ამრიტა სინგჰთან. წყვილი 2004 წელა გაიყარა.
საიფისა და კარინას ახლობლები და მეგობრები გაოცებულნი არიან იმ ძლიერი გრძნობით რაც ამ წყვილს შორის არის, მიუხედავად იმისა რომ მათ შორის ასაკობრივი სხვაობა 10 წელია.
აქვე მინდა ავღნიშნო, რომ საიფსა და მის პირველ მეუღლეს შორისაც დიდი სხვაობა იყო ასაკში. ამრიტა 12 წლით დიდი არის საიფზე.

კარიშმა კაპური ეკრანზე ბრუნდება

კარიშმა კაპური ეკრანებზე არ გამოჩენილა ბოლო 5 წლის მანძილზე.
ბოლოს ის 2006 წელს ნახა მაყურებელმა ფილმში "Mere Jeevan Saathi".
ახლახან კი დადასტურდა ინფორმაცია, რომ უამრავ წინადადებათაგან მან აირჩია ვიკრამ ბჰატის შემდგომი პროექტი, სახელწოდებით "Dangerous Ishq". ეს არის ეროტიკული თრილერი, რომელსაც 3D ფორმატში გადაიღებენ. სიუჟეტი შედგება სამი სხვადასხვა ბედისაგან, მათ შორის ერთი ასაკოვანი ადამიანის, რომელსაც ახალგაზრდა ცოლი ღალატობს თავისი ასაკის ახალგაზრდა კაცთან.
სამხრეთელი მოდელი და მსახიობი განეშ ვენკატრამანი შეასრულებს სავარაუდოდ კარიშმას საყვარლის როლს, ხოლო ასაკოვანი მეუღლის როლში ვიკრამ ბჰატი ვერავის ხედავს საკუთარი თავის გარდა.
ალბათ იცით, რომ სანამ რეჟისორი გახდებოდა ის მსახიობი იყო.
პირველი 3D- პროექტის, "Haunted" წარმატების შემდეგ მან გადაწყვიტა 3-D ფორმატი სრულიად ახალ საფეხურზე აეყვანა.
ერთ-ერთ ინტერვიუში ახალი ფილმის შესახებ ბჰატი ხაზს უსვამს, რომ ფილმი ორიენტირებილი იქნება ქალთა აუდიტორიაზე და მთავარი პერსონაჟის შემსრულებელ მსახიობად მხოლოდ კარიშმას ხედავს. გადაღებები დაიწყება სექტემბერში რაჯასტანის შტატში.

ბიპაშა ბასუ და მადჰავანი ერთად ახალ რომანტიულ კომედიაში

ბიპაშა ბასუ ამჟამად მუშაობს წყვილში მადჰავანთან ერთად ("Tanu Weds Manu"), რეჟისორ აშვინ ჩაუდჰარის ფილმში. ეს არის რომანტიული კომედია, რომელში მონაწილეობაც მადჰავანს შესთავაზეს მისი ბოლო ბლოკბასტერის "Tanu Weds Manu" -ს წარმატების შემდეგ.


ბიპაშა კი თავის მხრივ ჯონ აბრაჰამთან დაშორების შემდეგ ახალი სასიყვარულო ეკრანული ისტორიის ნაწილი გახდება.
მადჰავანს ძალიან მოეწონა ფილმის იდეა და ასევე მოხარული იყო რომ ფილმში ბიპასა ითამაშებს მთავარ ქალის როლს.
ისინი ერთმანეთს არ იცნობენ, ერთად არასოდეს უთამაშიათ. თავად ბიპასაც დიდი ხანია არ მიუღია მონაწილეობა რომანტიულ კომედიაში.
მსგავსი ჟანრის ფილმებში "Mere Yaar Ki Shaadi Hai" და "Bachna Ae Haseeno", მსახიობმა მხოლოდ მეორეხარისხოვანი როლები განასახიერა.
ფილმი გამოვა ივლისში და აშვინ ჩაუდჰარი ამ ფილმის დასრულების შემდეგ შეუდგება ახალი პროექტის "Ghayal Returns" გადაღებებს.
რეჟისორი საზღვარგარეთ მოგზაურობს და მიუწვდომელია კომენტარებისათვის.

სიახლეები ბოლივუდიდან

კაპილ შარმა რეკჰას ცხოვრებაზე ფილმს გადაიღებს

ბოლივუდის ვარსკვლავის, რეკჰას კარიერა 70-ან წლებში დაიწყო, როდესაც ის უბრალოდ "გლამურულ თოჯინას" წარმოადგენდა რეჟისორებისათვის და არავინ აღიარებდა მის მსახიობურ ნიჭს. მიუხედავად იმისა, რომ ის სამხ რეთ ინდოეთიდან იყო კარიერა მან ბოლივუდში გაიკეთა. მის კარიერაში კი გადამწყვეტი აღმოჩნდა ფილმი «Do Anjaane» (1976) ამიტაბჰ ბაჩანთან ერთად, რის შემდეგაც ისინი კიდევ ბევრ ფილმში გადაიღეს ერთად. უამრავი ჭორი თუ მართალი ირეოდა ერთმანეთში ამ ეკრანული წყვილის სასიყვარულო ურთიერთობის შესახებ, რომელიც ფილმ «Silsila»-ს ეკრანებზე გამოსვლის შემდეგ საბოლოოდ დასრულდა. ამიტაბჰ ბაჩანმა გააკეთა არჩევანი, რომ მისთვის ჯაია უფრო მთავარი იყო. მსახიობის გზა კინოინდუსტრიის სამყაროში და მისი პირადი ცხოვრება არ იყო ადვილი და ბევრ სკანდალსაც უკავშირდებოდა. ეს ყველა ინდური კინოს თაყვანისმცემლისათვის არის ცნობილი და საიტზეც არაერთხელ დავწერე ამის შესახებ. მსახიობმა გადაიტანა ბევრი აღმასვლაცა და დაცემაც.

რეჟისორმა კაპილ შარმამ (ის ცნობილი ანილ შარმას ძმაა) გადაწყვიტა მიაგოს პატივი მსახიობის დამსახურებას და სურს გადაიღოს ფილმი, რომელიც ასახავს ამ შესანიშნავი მსახიობის ცხოვრებას. როგორც გავრცელდა ვარაუდები რექჰას როლზე მოიაზრებიან ბიპაშა ბასუ ან რანი მუქერჯი. კაპილ შარმამ უკვე დაასრულა მუშაობა ამ ფილმისათვის სცენარზე და ამით ალბათ კიდევ ბევრ საიდუმლოს აეხდება ფარდა ამ სკანდალური მსახიობის ცხოვრებისეული დეტალებიდან. პირველ პლანზე ცხადია წამოწეული იქნება მსახიობის დამოკიდებულება ამიტაბჰ ბაჩანთან, ვინოდ მეჰრასთან და კირან კუმართან. ვფიქრობ ძალიან საინტერესო ფილმი გამოვა და ბოლივუდიც ხშირად მიუბრუნდება ცნობილი კუმირების რეალური ცხოვრების ისტორიებს. ფილმის სამუშაო სახელწოდებაა «Sitaare».

სონუ სოდი მთავარ ბოროტმოქმედს განასახიერებს

ბოლივუდის ყველაზე მომხიბვლელი ბოროტი "სახე" სონუ სოდი ძალიან მოხარულია ითანამშრომლოს სუპერვარსკვლავ რაჯნიკანტთან ფილმში "Rana".
სონუ სოდი მთავარ ბოროტმოქმედს ითამაშებს ამ ფილმში, რომელსაც რეჟისორი რავიკუმარი იღებს.

ეს არის ისტორიული ექშენი, რომელსაც საფუძვლად უდევს ჰოლივუდური ბლოკბასტერი "300 სპარტანელი". ფილმზე უკვე საუბრობენ, როგორც ყველაზე ძვირადღიღებულ ინდურ კინოპროექტზე დღეისათვის.

ეს არის ერთდროულად Eros International и Ocher Studios - (რაჯნიკანტის ქალიშვილის, სუნდარის საპროდიუსერო სახლის ნამუშევარი). ფილმში მთავარ როლს თამაშობს დიპიკა პადუკონი, მუსიკა ეკუთვნის რაჰმანს. ეს იქნება სამენოვანი ფილმი.
როგორ მიიღო სონუ სოდიმ ასეთ პროექტში მონაწილეობის შანსი?
-მე დიდი თაყვანისმცემელი ვარ სუპერვარსკვლავ რაჯნიკანტის. ორი თვით ადრე ის იყო მუმბაიში და მიმიწვია შეხვედრაზე. შემომთავაზა, რომ უნდა მეთამაშა მთავარი ბოროტმოქმედის როლი ფილმში "Rana". მე მაშინვე დავეთანხმე, ისე რომ არც მინახავს ფილმის სცენარი. ის კი გადამეხვია. მოგვიანებით რავიკუმარმა მომცა ჩემი როლის მოკლე აღწერა, თუმცა მე ნებისმიერ შემთხვევაში მე მოვაწერდი ხელს ამ კონტრაქტს - თქვა მსახიობმა.
ამჟამად მსახიობი დაკავებულია ორ ბოლივუდურ პროექტში, სამ ტელუგუ ფილმში და ერთ ტამილურ პროექტში. თუმცა, როგორც თავად ამბობს მისი პრიორიტეტი იქნება ფილმი "Rana".
-ითამაშოს მთავარი როლი ასეთი რეჟისორის ფილმში, ყველა ინდოელი მსახიობის ოცნებაა - განაცხადა მსახიობმა.

სამი ახალგაზრდული ფილმი ერთ დღეს გამოვა

შაჰიდ კაპურის მონაწი ლეობით ახალი პროექტი, რომელიც 9 სექტემბერს გამოვა ეკრანებზე კონკურენციას გაუწევს ორ ახალ საინტერესო ფილმს. ესენია: "Rockstar" რანბირ კაპურის მონაწილეობით და "Mere Brother Ki Dulhan" იმრან ქჰანის მონაწილეობით.
ორივე პროექტი "Rockstar" -ც და "Mere Brother Ki Dulhan" ახალგაზრდულია და მათ შესაძლებელია საკმაოდ სერიოზულად შეუშალონ ხელი ფილმს "Mausam" .

შესაძლოა ორ კჰანს შორის ურთიერთობა დათბეს

შაჰრუჰ კჰანის ყველაზე ძვირადღირებული ბლოკბასტერის "Ra. One"-ს პრომოს ჩვენებისას ერთი სასიამოვნო ფაქტი გახდა ცნობილი. ბოლივუდის ორ "ყოვლისშემძლე" ქჰანს, მგონი სურს დაივიწყოს პირადი უთანხმოება. როცა საქმე ეხება პროფესიონალიზმს ორივე ქჰანი პოულობს ერთმანეთისათვის კეთილს სიტყვებს. შაჰრუჰმა ნახა სალმანის ფილმის "Ready" პრომო, რის შემდეგაც ბოლივუდის მეფემ გამოთქვა ასეთი აზრი: -მე ვფიქრობ ფილმში ორი სიმღერა ძალიან კარგია და დასამახსოვრებელია. ჩემი შვილები, ისევე როგორც ყველა ელოდება ამ ფილმის პრემიერას. ჩემი შვილები დაესწრებიან პრემიერას. ეს შეიძლება ითქვას კარგი სიახლეა ბოლივუდის მოყვარულთათვის და შესაძლოა ბავშვებმა შესძლონ შეცვალონ ამ ორ მსახიობს შორის არსებული ურთიერთობა.

კაჯოლი იაშ ჩოპრას ახალ პროექტში

იაშ ჩოპრა გეგმავს თავის შემდგომ რეჟისორულ პროექტში გააცოცხლოს ფილმ "მოუტაცებელი საპატარძლოს" მაგია.

კაჯოლი ახლახან შენიშნეს "იაშრაჯფილმზის" სტუდიაში და წყარო გვამცნობს, რომ ეს არ იყო ვიზიტი შემთხვევითი.

გავრცელდა ინფორმაცია, რომ მსახიობი მიიღებს მონაწილეობას ფილმში, რომელშიც შაჰრუჰ ქჰანი და კატრინა კეიფი მონაწილეობენ. არის კიდევ ე რთი მნიშვნელოვანი როლი ამ ფილმში და კაჯოლი, როგორც ამ კინოსტუდიის საყვარელი მსახიობი, განიხილება ამ როლზე. დაიწერა, რომ ჩოპრას ძალიან უნდა დაითანხმოს კაჯოლი ამ ფილმში შაჰრუჰის მეწყვილედ. მას უყვარს ეს ორი მსახიობი და მათი ეკრანული წყვილი. რეჟისორი გრძნობს, რომ მათ შეუძლიათ შექმნან იგივე ჯადოქრობა ეკრანზე რაც ადრეულ ფილმებში. არსებობს ვარაუდი, რომ თუმცა ფილმში კატრინა თამაშობს ქალის მთავარ როლს, სავარაუდოდ კაჯოლი შეასრულებს მეორე ქალის როლს და შექმნის სასიყვარულო სამკუთხედს ფილმში. კინოპროდიუსერი, რომელმაც გადაიღო ისეთი ფილმები, როგორებიცაა "შეშლილი გულები", "სასიყვარულო კავშირები" და ა.შ. უბრუნდება რეჟისორის სავარძელს შვიდი წლის შემდეგ ახალი რომანტიკული ფილმით. მისი უკანასკნელი რეჟისორული პროექტი იყო ფილმი "ვირი და ზარა", რომელიც 2004 წელს გამოვიდა.

შემდგომი ცვილის ფიგურა კარინა კაპურის იქნება

ლონდონში, მადამ ტიუსოს მუზეუმში ამიტაბჰ ბაჩანის, სალმან ქჰანის, შაჰრუჰ ქჰანის, რიტიკ როშანისა და აიშვარია რაის ცვილის ფიგურების გვერდით მალე მიემატება კარინა კაპურის ფიგურაც.

კარინა არ მალავს თავის სიხარულს ამ ფაქტთან დაკავშირებით. ამჯერად მას ამირ ქჰანთან ერთად იღებენ რიმი კაგტის ფილმში.

სალმან კჰანი მაყურებლის რჩეულია

ბოლო ხანებში მაყურებლის მიერ ყველაზე აღიარებულ მსახიობად სალმან ქჰანი სახელდება. ფილმების "Dabangg" და "Ready" მათ ეკრანებზე მხოლოდ სალმანის ნახვა სურთ. ეკრანზე გამოსვლიდან პირველივე კვირაში ფილმმა "Ready" დიდი შემოსავალი მოიტანა. ის უკვე ჭარბობს ფილმის "სამი იდიოტი"- ს და ცოტათი ჩამორჩება ფილმის "Dabangg" შემოსავალს. სალმანმა გამოიმუშავა თამაშის თავისი სტილი, საუბრის თავისებური მანერა, თავისი ეკრანული გარეგნობა. ის ცდილობს არ დაკმაყოფილდეს მიღწეულით და შემოიტანოს კარიერაში რაღაც ახალი.

ვივეკ ობეროი დაქორწინებამ შეცვალა

თუ აქამდე ვივეკ ობეროი ძალიან ბევრ ფილმში შემჩნეული იყო კოცნის სცენებში, თან არა მხოლოდ ერთ, არამედ რამდენიმე ფილმის გმირთანაც კი, ახლა უკვე მსახიობმა თავაზიანად თქვა უარი დელიში ერთ-ერთ საზეიმო შეხვედრაზე, როდესაც მას მისი ფანი მიუახლოვდა და კოცნა შესთავაზა.

- მან მიმიზიდა თავისკენ და მთხოვა მეკოცნა მისთვის. მე წუთით დავიბენი. მე მსიამოვნებს ჩემი ფანატების ხილვა, მაგრამ ეს მეტისმეტია - განაცხადა მსახიობმა.
ჯერ მხოლოდ შვიდი თვე გავიდა რაც 34 წლის მსახიობი დაქორწინდა პრიანკა ალვაზე, მაგრამ როგორც თავად ამბობს ქორწინებამ ის სრულიად შეცვალა.

-მე ძალიან სკეპტიკურად ვიყავი განწყობილი ქორწინებასთან დაკავშირებით და მეშინოდა ამ ნაბიჯის. თუმცა როცა მე შევხვდი პრიანკას სიტუაცია სრულებით შეიცვალა. მე სხვა ადამიანი გავხდი და ეს ყველაფერი მისი დამსახურებაა - ხაზი გაუსვა მსახიობმა. ასევე დაამატა, რომ ის კარიერის აღმავალ გზაზეადა ეს აღმასვლა დაიწყო მას შემდეგ რაც დაქორწინდა. პრიანკა მისი წარმატების თილისმაა. -ეს ნამდვილად კარგი წელია ჩემთვის. მე მოვაწერე ხელო კონტრაქტს 5 ახალ სხვადასხვა ჟანრის ფილმზე. მე ვითამაშებ როგორც რომანტიკული ჟანრის ფილმებში ასევე კომედიებში. მე ვარ ჩემი კარიერის ნათელ წერტილში და ეს ყველაფერი ჩემი წარმატებების მომტანი ლედის, თუ როგორ უნდა ვთქვა "ლედი ობეროის" დამსახურებაა. მსახიობი სულმოუთქმელად ელოდება მაყურებელმა ნახოს მისი თამაში ფილმ "Krrish"-ის გაგრძელებაში და თვლის, რომ მისი როლი ამ ფილმში ძალიან საინტერესოა. მსახიობმა აღიარა, რომ მათ სურთ გააჩინონ შვილები. -თუმცა ამ მომენტში პრიანკას უკვე ჰყავს ერთი ბავშვი - მე, - გაიხუმრა ვივეკმა.

ნარმადა აჰუჯას სადებიუტო ფილმის გადაღებები გადაიდო

გოვინდას ქალიშვილმა - ნარმადა აჰუჯამ პროგნოზების მიხედვით ხმამაღალ დებიუტს გააკეთებს ბოლივუდურ ფილმში "Manchali" , თუმცა ამჯერად ის დეპრესიულ დგომარეობაშია იმის გამო რომ ფილმის გადაღებები გადაიდო. ფილმში მისი პარტნიორი მოკრივე ვიჯენდრა სინგჰი უნდა იყოს. ნარმადას იმედი აქვს რომ მისი დებიუტიც ისევე წარმატებული იქნება, როგორც სონაქში სინჰასი ფილმში "Dabangg".
უკვე ყველაფერი მზად იყო ფილმის გადაღებების დაწყებისათვის, მაგრამ პროდიუსერებმა გაურკვეველი მიზეზების გამო გადადეს ფილმის გადაღებები. იყო ვარაუდები იმის შესახებ, რომ პრობლემები შეიქმნა ვიჯენდრა სინგჰის გამო, რომელიც ახლახან დაქორწინდა, თუმცა შეფერხებების მიზეზად ასახელებს კრივს.
ნარმადამ მამას სთხოვა გამოეყენებინა თავისი კავშირები, რომ ისევ აღსდგეს ფილმის გადაღებები.

ახალი თაობა ბოლივუდში

რანბირი და იმრანი უკვე ვარსკვლავებად იქცნენ და მაყურებელთა გულების დასაპყრობად ბოლივუდში ახალი თაობა, ეგრეთწოდებული "ვარსკვლავთა შვილები" წამოვიდა.
ახლა, როცა კჰანები (შაჰრუჰი და ამირი) გადავიდნენ "დამრიგებელთა" როლებში, ხოლო მათი შემდგომი თაობა უკვე ვარსკვლავებად იქცა, ბოლივუდის გადასაღები მოედანი ეთმობა გაცილებით ახალგაზრდა ვარსკვლავებს, რომელთა უმრავლესობა უკვე მზადაა კინოში დებიუტისათვის.
გადავავლოთ თვალი ახალგაზრდა სახეებს.

ალია ბჰატი

ალია მაჰეშ ბჰატისა და მსახიობ სონი რაზდანის ქალიშვილია.
ის ჯერ 17 წლისაა, თუმცა უკვე შედგება მისი დებიუტი ფილმში - ”Student Of The Year”, სიდჰარტ მალჰოტრასთან და ვარუნ დჰავანთან ერთად.
ფილმის პროდიუსერები არიან კარან ჯოჰარი და შაჰრუჰ კჰანი, შესაბამისად ფილმი "Dharma Productions"- ისა და "Red Chillies Entertainment" -ის გაერთიანებული ბანერით გამოვა.
ფილმში არც ისე დიდ როლებს შეასრულებენ შაჰრუჰ კჰანი და კაჯოლი.
ცნობილი გახდა, რომ ფილმი რაღაცით ჰგავს ცნობილ ჰიტს - ”Kuch Kuch Hota Hai”.
ფილმის გადაღებები დაიწყება ივნისში, თუმცა უკვე დაირხა ჭორი, რომ ალია ბჰატი ხვდება თავისი მომავალი ფილმის პარტნიორს ვარუნ დჰავანს.
ვარუნი რეჟისორ დევიდ დჰავანის ვაჟია.
ფოტოზე: ალია მამასთან - მაჰეშ ბჰატთან და პუჯა ბჰატთან ერთად


ზოია მორანი


პროდიუსერ კარინ მორანის ქალიშვილი, ზოი მორანი მზადაა თავისი დებიუტისათვის შაჰრუჰ კჰანის სტუდიის ახალ პროექტში “Always Kabhi Kabhi”, რომლის რეჟისორია როშან აბასი.
ახალბედა მსახიობს ადრეც უმუშავია ფილმის "OM SHANTI OM" გადაღებებისას რეჟისორ ფარა კჰანის ასისტენტად.

აჰანა დეოლი

აჰანა ჰემა მალინისა და დჰარმენდრას ქალიშვილი და იშა დეოლის დაა.
მას შემდეგ, რაც მან უარი თქვა დევ ანანდისა და კიდევ რამდენიმე რეჟისორის წინადადებაზე, ამჯერად როგორც იქნა თანხმობა განაცხადა და ითამაშებს აპარნა სენის ფილმში.
ცნობლია, რომ ფილმი წარმოადგენს რომეოსა და ჯულიეტას სიყვარულის თანამედროვე ვერსიას. მისი პარტნიორი ფილმში იქნება პრატეიკ ბაბარი. ფილმის პროდიუსერი ჰემა მალინია.
აჰანას ადრეც უნდა ეთამაშა რეჟისორ ვიკრამადიტი მოტვანის ფილმში, მაგრამ ის პროექტი რაღაც დროის განმავლობაში გაყიულია.
ასევე ცნობილია, რომ აჰანა დაინტერესებული იყო რეჟისურით და სანჯაი ლილა ბჰანსალის ასისტენტიც იყო.
აქვე, ალბათ დაგაინტერესებთ ის ფაქტიც, რომ აჰანას სახელს უკვე ოთხი წელია უკავშირებენ ადიტია როი კაპურის სახელს (London Dreams, Action Replay, Guzaarish).

საჩი გაურავი

კუმარ გაურავის ქალიშვილი და სანჯაი დატის დისშვილი - საჩი მალე თავის დებიუტს გააკეთებს კინოში.
23 წლის დებიუტანტი მუშაობს მოდელად და დაკავებულია ტანსაცმლის დიზაინით. თუმცა გამუდმებით ოცნებობს ბოლივუდში კარიერაზე.
თუ კინოში კარიერა არ გამოდგება წარმატებული საჩი გეგმავს ისევ ტანსაცმლის დიზაინს დაუბრუნდეს.
ცნობისათვის საჩი აცმეს თავის ბიძას და ბიცოლას, სანჯაისა და პრია დატს.

აკშარა ჰასანი

აკშარა კამალ ჰასანისა და სარიკას უმცროსი ქალიშვილია.
მშობლებისა და უფროსი დის კვალზე ისიც მზადა მოსინჯოს საკუთარი ძალები როგორც მსახიობმა.
ვარაუდობდნენ, რომ აკსარა რეჟისორი გახდებოდა, რადგან ის იყო რეჟისორ რაჰულ დჰოლაკის ასისტენტი ერთ-ერთი ფილმის გადაღებებისას, რომელშიც დედამისი, სარიკა თამაშობს.
დამწყები მსახიობი ასევე წარმოადგენდა ინდოეთს, საბალეტო ცეკვების კონკურსზე და გეგმავს წარმოადგინოს ინდოეთი ოლიმპიურ თამაშებზე 2012 წელს.

ტაიგერ შროფი

ჯეკი შროფისა და აეშას შვილის ნამდვილი სახელი ჯაი ჰემანტია, თუმცა რატომღაც მას სურს რომ ტაიგერს ეძახდნენ.
ჭორების მიხედვით სუბჰაშ გჰაი, რომელმაც ჯეკი შროფს კინოში ასე ვთქვათ "საგზური" მისცა, ახლა მისი 19 წლის ვაჟის ტაიგერის დებიუტსაც განახორციელებს.
თუმცა არცერთი მხარე არ ადასტურებს ამ სიახლეს. თავად ტაიგერიც ამბობს რომ არ გეგმავს კინოში გადაღებას.
ისღა დაგვრჩენია დაველოდოთ.

საქში ქჰანა


19 წლის საქშის, ვინოდ ქჰანასა და კავიტას შვილს, ყოველთვის უნდოდა კინოში გადაღება. ამისათვის ის წავიდა აშშ-ში სადაც ნიუ-იორკის უნივერსიტეტში სწავლობდა რეჟისურას. თუმცა პირველი სემესტრის დასრულებისთანავე მან ძალიან მოიწყინა სახლისაგან შორს და დაბრუნდა მუმბაიში.
არც ისე დიდი ხნის წინ მან დაამთავრა როშან ტანეჯის სამსახიობო კურსები.
საქში აღიარებს, რომ სურდა მსახიობობა მას შემდეგ, რაც 8 წლის ასაკში პირველად ითამაშა სკოლის სპექტაკლში.
ბოლივუდური სტანდარტების გათვალისწინებით საქშიმ ასევე შეისწავლა ცურვა, ცხენზე ჯდომა და საბრძოლო ხელოვნება.

როკი დეოლი

სანი დეოლი მზადაა კინოს სამყაროში გზა დაულოცოს თავის ვაჟს, კარანს, რომელსაც რატომღაც სახელად როკი აქვს არჩეული.
არც ისე დიდი ხნის წინ როკი შევიდა სტელა ადლერის სამსახიობო ხელოვნების სკოლაში, მუმბაიში. თავისი ვაჟის დებიუტის მომზადებისათვის სანი ელოდებოდა ფილმის ”Yamla Pagla Deewana” გამოსვლას. ასე რომ არავის არ გაუკვირდება როცა ძალიან მალე გამოცხადდება პრემიერა ფილმისა სადაც მთავარ როლს როკი შეასრულებს.

არჯუნ კაპური

პროდიუსერ ბონი კაპურისა და მისი პირველი მეუღლის, მონის ვაჟის - არჯუნის დებიუტი შედგება იაშ ჩოპრას ფილმში.
ადრე ბონის სურდა, რომ შვილს დებიუტი გაეკეთებინა პრაბჰუ დევის პროექტში, მაგრამ არჯუნმა მოულოდნელად მიიღო შემოთავაზება იაშისაგან და დათანხმდა კიდეც.
არჯუნი იყო იაშის ასისტენტი ფილმის "ნიუ-იორკი"-ს გადაღებებზე, ასევე ნიკჰილ ადვანის ასისტენტი ფილმების "გამარჯობა სიყვარულო" და "დადგება კი ხვალკინდელი დღე?"-ს გადაღებებისას.
ასევე იყო პროდიუსერი მამამისის რამდენიმე პროექტისა.

ტანუჯ ვირვანი

რატი აგნიზოტრის 23 წლის ვაჟი, ტანუჯ ვირვანიც მალე წარსდგება მაყურებლის წინაშე ჯო რაჯანის ჯერ კიდევ დაუსათაურებელი პროექტით.
ტანუჯმა დაამთავრა კიშორ ნამიტ კაპურის სამსახიობო ხელოვნების სკოლა და მოცემულ მომენტში სამ მოკლემეტრაჟიან ფილმში გამოჩნდება. სამივე ფილმში, რომელთა ხანგრძლივობა 15-20 წუთია, ის წარმოგვიდგება როგორც სცენარისტი, რეჟისორი, მონტაჟიორი და ამასთან თავადაც ასრულებს მათში როლებს.
ტანუჯი მანამდე იყო რეჟისორ დევიდ დჰავანის ასისტენტი, ასევე მუშაობდა გადასაღებ მოედანზე ფილმების, "ჩაიფიქრე სურვილი" (რეჟისორი - გლენ ბარეტო) და "ცეკვის შანსი" (რეჟისორი - კენა გჰოშა) გადაღებებისას.
დებიუტი კი მისი უნდა შემდგარიყო რავი ჩოპრას ფილმში “Purani Jeans” ჟიზელ მონტეიროსთან ერთად, მაგრამ რავი ჩოპრას ჯანმრთელობასთან პრობლემების გამო ფილმი ჯერ კიდევ არ ჩაშვებულა წარმოებაში.

ვარუნ დჰავანი

რეჟისორ დევიდ დჰავანის ვაჟი, ვარუნი სიდჰარტ მალჰოტრასთან და ალია ბჰატთან ერთად, როგორც ზემოთ ავღნიშნე ითამაშებენ ფილმში "წლის სტუდენტი".
ვარუნი იყო კარან ჯოჰარის ასისტენტი ფილმის "ჩემი სახელია ქჰანი"-ს გადაღებებისას.

ვაიბჰავ ანანდი


მსახიობისა და რეჟისორის ვიჯაი ანანდის ვაჟის, ვაიბჰავის დებიუტი შედგება თავისი მამის სტუდიის პროექტში.
როგორც ცნობილია ფილმი იქნება ტრილერი, ვაიბჰავი, ანუ ვიბჰუ, როგორც მას შიბნაურულად უწოდებენ, თავად არის სცენარის ავტორი.
ის იყო ასისტენტი ისეთი რეჟისორებისა, როგორებიცაა, რავი ჩოპრა და სურაჯ ბარჯატია.

სიახლეები ბოლივუდიდან

სონალ ჩაუჰანი ამიტაბჰ ბაჩანთან ერთად ფილმში "Bbuddah"

2011 წელს სონალ ჩაუჰანი თავის მეორე ფილმს დაასრულებს მსახიობის ამპლუაში. ეს არის ფილმი სახელწოდებით "Bbuddah - Hoga Tera Baap", რომლის რეჟისორია პური ჯაგანადჰი. ფილმში მთავარ როლს ამიტაბჰ ბაჩანი თამაშობს. ასევე ვიხილავთ მსახიობ სონუ სიდს.

-მე ვიყავი პურის პირველი არჩევანი ფილმისათვის "Bbuddah", - გვიყვება მსახიობი,
- მე მას შევხვდი ჰაიდარაბადში და მან შემომთავაზა ეს როლი, თუმცა მანამდე მე ნამდვილად მინდოდა მასთან მუშაობა და ეს როგორც იქნა მოხდა. მე დამირეკეს მისი ოფისიდან და მითხრეს, რომ პურის სურს გამოგზავნოს ჩემთვის სცენარი და ასევე მას სურს ჩემთან ფილმზე საუბარი. დანარჩენი უკვე ისტორიაა. მე ვთამაშობ გოგონას, რომელიც სწავლობს კოლეჯში და მას გააჩნია თავისი აზრი და სტილი. მე გამიმართლა, რომ ჩემს მეორე ფილმში მე ვიმუშავებ ბ-ნ ამიტაბჰთან ერთად.
ადამიანები ფიქრობდნენ, რომ ფილმ "Jannat"-ის შემდეგ მე ვკარგავდი დროს რომ აღარ ვიღებდი ფილმებში, მაგრამ დღეს, როდესაც ვუყურებ ამ ყველაფერს, ვფიქრობ გავაკეთე სწორი არჩევანი, არ მეთამაშა ფილმებში უბრალოდ ფულის გულისთვის. ამ ფილმში მე ვითამაშებ ბ-ნ ამიტაბჰთან და ვფიქრობ ღირდა ლოდინად.
ყოველთვის როცა ვხედავ ბ-ნ ამიტაბჰს, ვცდილობ ვუთხრა რაღაც, მაგრამ ვერ ვახერხებ. არ მეგონა თუ ასეთი რამ ვინმეს მიმართ დამემართებოდა. მე არ ვეკუთვნი იმ ადამიანებს რომლებიც ნერვიულობენ და იბნევიან ადამიანთა გარემოცვაში, მაგრამ რა მემართება მის მიმართ არვიცი, მინდა ვკითხო რაღაც და ვმუნჯდები.
ფილმის გამოსვლისადმი მიძღვნილ ღონისძიებაზე აბჰიშეკი და აიშვარიაც იყვნენ. ისინი დიდხანს არ დარჩენილან რადგან გადაღებებზე მიდიოდნენ და მე ძალიან მცირე ურთიერთობა მქონდა აბჰიშეკთან, მაგრამ ვიცი, რომ ის ჯენტლმენია. აიშვარია მას მხარს უჭერს ყველაფერში და ეს პროფესიონალურია.
ყოველდღიურად მე ვსწავლობ რაღაც ახალს. აიშვარია გვიყვებოდა თავისი ფილმების "Raavan" და "Jodhaa Akbar"-ის გადაღებებზე. მოგვიყვა, რომ იყო ისეთი პერიოდები, როცა ძალიან ძნელი იყო გადაღებები, მაგრამ მიუხედავად ამისა ისინი იღებდნენ მაინც და არ აქცევდნენ ყურადღებას ამინდის პირობებს. ძალიან სასიამოვნოა, როცა ვხედავ ვიღაცას ასე შეყვარებულს თავის სამუშაოზე.

ამიტაბჰ ბაჩანი ყოველთვის სხვადასხვა როლებს თამაშობს ფილმებში, მაგრამ ამ ფილმში მისი როლი რაღაც სხვაა ვიდრე ის, რასაც მანამდე თამაშობდა. მაყურებელს მოეწონება. ჩვენ მანამდე არ გვინახავს ასეთი ამიტაბჰ ბაჩანი ეკრანზე. ის ნამდვილად გაუწევს კონკურენციას ახალგაზრდა გმირებს რადგან დაუჯერებლად კარგად გამოიყურება.

ვიდია ბალანი ფილმში "Dum Maro Dum"

აქამდე ჯერ კიდევ კითხვის ნიშნის ქვეშ იყო, მიიღებდა თუ არა მონაწილეობას ვიდია ბალანი როჰან სიპის ფილმში "Dum Maro Dum", თუმცა დადასტურდა, რომ მსახიობი ნამდვილად მონაწილეობს ფილმში და ის აბიშეკ ბაჩანის გმირის მეუღლეს თამაშობს. საინტერესოა ის ფაქტი, რომ ვიდია არ იყო პირველი არჩევანი და თავიდან ეს როლი შესთავაზეს აიშვარია რაის. ამიტომ კითხვა რატომ შეიცვალა აიშვარია ვიდია ბალანით, ისევ აქტუალური რჩება.
როდესაც ჰკითხეს რეჟისორ როჰან სიპის ამ ფაქტის შესახებ, მან განაცხადა რომ ვიდია სიამოვნებით დათანხმდა ამ როლს.
შესაძლოა ვიდიასათვის როლის გადაცემა ერთი მხრივ კარგი გადაწყვეტილებაა, თუ გავითვალისწინებთ იმ ხიბლს, რომელიც მისსა და აბიშეკის გმირებს ჰქონდა ეკრანზე ფილმში "Paa". მსგავსი ჰიტი რეალურ წყვილს, აიშვარიასა და აბიშეკს არ ჰქონიათ. მათი ერთობლივი ფილმები "Dhai Akshar Prem Ke", "Kuch Naa Kaho", "Umrao Jaan" და "Raavan" რატომღაც ჩავარდა გაქირავებაში.

ახალი ფილმების გამოსვლის თარიღები

Yash Raj Films-ის სტუდიის ახალი ფილმის "Mere Brother Ki Dulhan" გამოსვლის თარიღი დადგინდა.
ფილმი ეკრანებზე გამოვა 2011 წლის 9 სექტემბერს. ფილმის პროდიუსერია ადიტია ჩოპრა, ხოლო ფილმში მთავარ როლებს კატრინა კეიფი, იმრან ქჰანი და ალი ზაფარი თამაშობენ.

ეს არის მუსიკალურ-რომანტიკული კომედია, რომელიც ემყარება ჩრდილოეთ ინდოეთში, ერთ საშუალო ფენის ოჯახში მომხდარ მოვლენებს. ერთი ძმის ჩამოსვლა მეორის ქორწილზე მთელ სიუჟეტს ამოაბრუნებს და ჩვენ მოწმენი გავხდებით ბევრი მხიარულების, რომანტიკის და რათქმაუნდა იმრანის გმირის სასიყვარულო სიუჟეტის სარძლოს მიმართ.
კიდევ ერთი ფილმის გამოსვლის თარიღის შესახებ მინდა მოგაწოდოთ ინფორმაცია. როგორც ჩაფიქრებული იყო რიმა კაგტის ფილმი "Delhi Belly", რომლის პროდიუსერია ამირ ქჰანი, შაჰრუჰის ფილმთან "Don-2"-თან ერთად არ გამოვა ეკრანებზე. ამირ ქჰანმა შეცვალა გეგმები და ფილმის პრემიერა გადაიდო. ფილმი, რომლის სახელიც ჯერ არ არის შერჩეული, 24 დეკემბერს უნდა გამოსულიყო "Don-2"-თან ერთად. ცხადია კონკურენცია უზარმაზარი იქნებოდა, რაც ასეთი მცირებიუჯეტიანი ფილმისათვის არ იქნებოდა ხელსაყრელი, ამიტომაც ფილმის პრემიერა გადაიდო მიუხედავად იმისა რომ ამირ ქჰანს ყველაფერი მზად ჰქონდა ფილმის გამოშვებისათვის.


პრიტი ზინტა დეოლებთან ერთად გამოჩნდება ახალ ფილმში

პრიტი ზინტა, რომელიც მაყურებელმა ბოლოს 2008 წლის ფილმში "Heroes" ნახა მაყურებელმა სამი დეოლის პარტნიორი იქნება ანილ შარმას ახალ ფილმში "Masters".
ამას წინანდელ ინტერვიუში პრიტიმ ახსენა, რომ მალე დაიწყებს მუშაობას ორ ბოლივუდურ ფილმზე. ერთ-ერთი მათგანი იქნება "Masters", მაღალბიუჯეტიანი 3D ტრილერი, რომლის ექშენ-სცენების დადგმისათვის მაღალპროფესიონალი სპეციალისტებია მოწვეული ჰოლივუდიდან.
ფილმში ასევე მოწვეულია პრიანკა ჩოპრა.

შესაძლოა ფილმში მეოთხე დეოლიც იქნას მიწვეული რადგან შარმა ასევე განიხილავს აბჰაი დეოლის კანდიდატურასაც ერთ-ერთ მთავარ როლზე.
დეოლების საოჯახო ფილმებში ( "Apne" (2007), "Ямала Pagla Deewana" (2011)) აბჰაი არ გადაუღიათ, ასე რომ შარმას ეს პროექტი ამ მხრივ პირველი იქნება.
ფილმის გადაღების შესახებ პირველად 2008 წლის დასაწყისში იყო ნახსენები ფილმ "Apne"-ს წარმატების შემდეგ, მაგრამ სხვადასხვა მიზეზების გამო პროექტი არ შედგა და დეოლები ფილმ "Yamla Pagla Deewana" -ს გადაღებებში ჩაერთო.
ამჯერად კონტრაქტები ხელმოწერილია და გადაღებები ლას-ვეგასში იგეგმება.