სიახლეები ბოლივუდიდან

კარინა კაპური, რომელმაც ჯერ იმუშავა ამირ კჰანთან ერთად, შემდეგ კი მის ძმიშვილთან, იმრანთან ერთად, ფილმში "Ek Main Aur Ek Tu", თვლის, რომ ამირი ერთგვარი საზომია ბოლივუდური კინოინდუსტრიის.
-იმრანი მხოლოდ ახლა იწყებს. მასთან მუშაობა ძალიან სახალისოა. მე ვთვლი, რომ ის შესანიშნავი მსახიობია და იმედი მაქვს მომავალში ისევ გვექნება თანამშრომლობის შესაძლებლობა.
მსახიობმა, რომელიც ორი ახალი პროექტის, "Ek Main Aur EK Tu" და "Agent Vinod"-ს გამოსვლას ელოდება, აღნიშნა, რომ მოცემულ მომენტში მისი პრიორიტეტი არის ფილმი "Ek Main Aur EK Tu".

”Dhoom 3” ერთ-ერთი იმ ფილმთაგანია, რომლის მიმართაც უდიდესია ინტერესი. ფილმის რეჟისორია ვიჯაი კრიშნა აჩარია, პროდიუსერი - ადიტია ჩოპრა.
ფილმში მონაწილეობენ ამირ კჰანი, კატრინა კეიფი, აბიშეკ ბაჩანი, უდაი ჩოპრა, რიმი სენი.
ეს პირველი ფილმია, სადაც ამირ კჰანსა და კატრინა კეიფს ერთად ვიხილავთ ეკრანზე.
ფილმში ამირ კჰანი თამაშობს მთავარ როლს კატრინა კეიფთან ერთად, აბიშეკ ბაჩანი და უდეი ჩოპრა კი ისევ თავიანთ პოლიციელების როლებს თამაშობენ. რიმი სენი ისევ აბიშეკის მეუღლის როლშია.
ფილმის მუსიკა ეკუთვნის პრიტამს.

ვივეკ ობეროი ამჯერად მუშაობს ფილმზე ”Kismat Luv Paisa Dilli” მალიკა შერავატისთან ერთად.
მსახიობისათვის ეს ფილმი იმით იქნება გამორჩეული, რომ ვივეკს ამ ფილმში მოუწევს გადაღებების დროს გაიხადოს საზოგადოების წინ.
ერთი ღამის გიჟური და გაუთვალისწინებელი მოვლენების ფონზე ვივეკის გმირს თავისი სიცოცხლის გადასარჩენად სრულიად გახდა უწევს. სირთულეს წარმოადგენს ისიც, რომ სცენის გადაღება მოხდება დელში, გვიან ღამით საკმაოდ სიცივეში.
მსგავსი სცენა ვივეკს არ ჰქონია, ამიტომაც მსახიობი განსაკუთრებულად ემზადება ამ სცენის გადასაღებად. იმისათვის რომ საბოლოოდ შესულიყო როლში, რომელსაც ასრულებს ვივეკი პენჯაბელების ოჯახშიც კი ცხოვრობდა. ვივეკი თავის ოჯახთან ერთად ერთი თვის განმავლობაში იცხოვრებს დელში, მანამ, სანამ ფილმზე მუშაობას დაასრულებს.


ბოლივუდის ახალბედა მსახიობმა პრატეიკ ბაბარმა და ბრიტანელმა მოდელმა, რომელიც უკვე ბოლივუდის მსახიობთა სიას ეკუთვნის, ემი ჯეკსონმა ბოლო ხანებში, მას შემდეგ რაც ერთად ითამაშეს ფილმში, ”ek deewana tha”, ღიად დააფიქსირეს თავიანთი სიმპათიები ერთმანეთის მიმართ.
პრატეიკი ყველგან თან ახლავს ემის სხვადასხვა ღონისძიებებზე და წარადგენს მას ყველას წინაშე, ვინც კინოს სამყაროდანაა.
ბოლოდროინდელი სიახლეები გვამცნობენ, რომ წყვილი თავიანთი ურთიერთობის ახალ საფეხურზე ავიდა და ერთად ცხოვრება გადაწყვიტეს. გაჟღერდა, რომ პრატეიკი გადავიდა ემისთან სახლში და ისინი ერთად ცხოვრობენ.
მალე ორივეს ნახვა შეგვეძლება ფილმში ”Ek Tha Tiger”.
იმედია წყვილი ურთიერთობის შემდეგ საფეხურზეც გადავა და კიდევ ერთი ბოლივუდური ოჯახი გვეყოლება.

ამ წლის პირველი ბოლივუდური ქორწილი იყო რიტეშ დეშმუკჰისა და ჯენელია დესუზას ქორწილი, რომელზეც მთელი ბოლივუდური შემადგენლობა ესწრებოდა.
სტუმრების რიცხვში იყვნენ: კაჯოლი, აჯაი დევგანი, აბიშეკ ბაჩანი, ჯაია ბაჩანი, შაჰრუჰ კჰანი, სოფი ჩაუდჰარი, კარან ჯოჰარი, სუნილ შეტი, შაჰიდ კაპური, საჯიდ ნადიადვალა მეუღლესთან ერთად.

სავარაუდოდ ასევე ბოლივუდის დიდი ნაწილი შეიკრიბება კიდევ ერთ ბოლივუდურ ქორწილში.
ჯენელია დე სუზასა და რიტეშ დეშმუკჰის ქორწილის შემდეგ, რომელიც 3 თებერვალს შედგა, შემდეგი გრანდიოზული ქორწილი იქნება დევიდ დჰავანის ვაჟის, ფილმის - ”Desi Boyz” რეჟისორის, როჰიტის და მოდელიერ ჯანვი დესაის ქორწილი, რომელთა ურთიერთობაც 7 წლის მანძილზე გაგრძელდა.
მოსაწვევები უკვე დაგზავნილია 12 - 13 თებერვლისათვის.
წყვილი გასულ წელს დაინიშნა შვიდწლიანი რომანის შემდეგ. მათ ექნებათ მეჰენდის, სანგიტის ცერემონიალი და შემდეგ ქორწილი და მიღება, რომელიც გაიმართება გოაში.
დევიდ დჰავანი გოაში იღებს ფილმს ”Chashme Buddoor” და ამავდროულად ქორწილისათვის სამზადისსაც ადევნებს თვალს. ეს როჰიტის არჩევანი იყო ქორწილი გადაეხადათ გოაში. მას სურდა უბრალოდ რეგისტრაცია და მოკრძალებული ღონისძიება მცირე რაოდენობით სტუმრებზე გათვლილი, მაგრამ მისმა მშობლებმა და მისმა ძმამ, ვარუნმა, (რომლის დებიუტიც ახლა შედგება კარან ჯოჰარის ახალ პროექტში) კარგად იციან კინოინდუსტრია და ამიტომაც ურჩიეს ძმას მოეწყო ნამდვილი პენჯაბური ქორწილი.
თავად როჰიტი ამბობს, რომ ძალიან ბედნიერია რადგან ქორწინდება ქალზე, რომელსაც უკვე თითქმის შვიდი წელია ხვდება.
-იმედი მაქვს ქორწილი კიდევ უფრო უკეთეს ფილმმეიკერად მაქცევს. მე ახლახან შემისრულდა 28 წელი, ყველაფერი ისე სწრაფად ხდება.

ავტორიტეტულმა ონლაინ-ჟურნალმა მამაკაცებისათვის askmen.com გამოაქვეყნა თავისი ყოველწლიური ტოპ-გამოკითხვის შედეგები - ”ვინ არიან 2012 წლის ყველაზე სასურველი ქალები”. ამ სიაში ინდოელი მსახიობები, პრიანკა ჩოპრა და ფრეიდა პინტოც მოხვდა.
ორ ბოლივუდურ ფილმზე მუშაობის დამთავრების შემდეგ პრიანკა ჩოპრამ შეიძლება ითქვას, რომ კიდევ ერთი წარმატებული წინადადება მიიღო. ის იქნება პირველი ბოლივუდელი მსახიობი, რომელმაც CAA (Creative Artists Agency) სააგენტოსთან კონტრაქტს მოაწერა ხელი. ეს სააგენტო ლოს-ანჯელესშია და საკმაოდ კრიტიკულია არჩევანში. სააგენტოს უკავშირდება ისეთი სახელები, როგორებიცაა ჯორჯ კლუნი, მერილ სტრიპი, ბრედ პიტი, სანდრა ბალოკი, ჯულია რობერტსი და უილ სმიტი. წარსულში რამდენიმე ბოლივუდის მსახიობმა მიმართა ამ სააგენტოს, მაგრამ მათ თავაზიანად ეთქვათ უარი.
მსახიობმა, რომელიც ”krrish 3"-ს გადაღებებზეა ჰაიდარაბადში, დაადასტურა ეს ინფორმაცია.
ბოლო ფილმში ”agneepath" შესრულებული როლისათვის ბევრი დადებითი გამოხმაურება მიიღო პრიანკა ჩოპრამ.
-მე ვიცოდი, რომ ფილმი დადებითად იქნებოდა შეფასებული, მაგრამ იმ გამოხმაურებებმა, რომელსაც ჩვენ ვიღებთ, განსაკუთრებულმა შექებამ ჩემს მიმართ ცოტა გამაკვირვა, - ამბობს მსახიობი.
მსახიობმა ასევე დაასრულა მუშაობა ფილმზე ”TERI MERI KAHAANI", რომელშიც შაჰიდ კაპურთან ერთად თამაშობს. ამჯერად კი ერთდროულად ორ ფილმზე მუშაობს.
"KRRISH 3"-ს პარალელურად ასევე მინდა დავასრულო ფილმის "BARFI" გადაღებები.

ცნობილი მოდელის და შემდგომში მსახიობისათვის, მუგდა გოდსესათვის თავისი დებიუტი ფილმში ”FASHION" ერთ-ერთ წარმატებულ როლად იქცა.
მოგვიანებით მსახიობმა ითამაშა ფილმებში:”Jail”, ”All The Best”, ”Help”, თუმცა ეს ფილმები გაქირავებში ჩავარდა. მსახიობი ახალ იმედებს ამყარებს ფილმზე”Gali Gali Chor Hai” მსახიობებთან აკშაი კჰანასთან და სამხრეთელ შრია სარანთან ერთად.
მუგდა თვლის, რომ ფილმის წარმატება დამოკიდებულია მთლიანი შემოქმედებითი ჯგუფის მუშაობაზე.


ბოლივუდის ვარსკვლავის სანჯაი დატის მეუღლე - მანიატა დატი ამბობს, რომ მათი რომანი უკვე უკან დარჩა მას შემდეგ, რაც შვილები გაჩნდნენ და სახლის მშვიდი გარემო მისთვის ყველაზე რომანტიული ადგილია. თუმცა ის მაინც გამოთქვამს სურვილს გარკვეული დრო გაატაროს მეუღლესთან ერთად.
-ოჯახური ვახშამი - ეს ოცნებაა. რადგანაც მე უკვე ორი შვილი მყავს, ცხადია ვეღარ ვიფიქრებ რომანტიკულ განმარტოებაზე მეუღლესთან ერთად. ასე რომ რომანტიკული ვახშამი მეუღლისა და შვილების გარემოცვაში - ეს უკვე არის რომანი, - ამბობს მანიატა.
წყვილი დაქორწინდა 2008 წლის თებერვალში და 2010 წლის ოქტომბერში მათ ტყუპები გაუჩნდათ.

ბოლივუდური სიახლეები

ცნობისმოყვარეობა აიშვარია რაისა და აბიშეკ ბაჩანის ქალიშვილის მიმართ ცხადია უზარმაზარია. მოევლინა თუ არა ახალშობილი სამყაროს ინტერნეტ სივრცეში გავრცელდა ფოტომონტაჟი, სადაც აიშვარიას ხელში ჩვილი უჭირავს.

ამჯერად კი ტვიტერზე გავრცელდა ფოტო, რომელზეც აიშვარია ხელში პატარა ბავშვითაა გამოსახული.
ფოტოსურათი ცხადია არც ამჯერადაა ნამდვილი, იგულისხმება რომ ფოტოზე

აიშვარია თავის ქალიშვილთან, ერთად არ არის. ამის დასადასტურებლად უამრავი მტკიცებულება შეიძლება მოვიყვანოთ, მაგალითად, პირველ რიგში ის, რომ აიშვარიამ მშობიარობის შემდეგ საკმაოდ მოიმატა წონაში, რაც აშკარად საგრძნობი იყო მისი რიტეშ დეშმუკჰისა და ჯენელია დესუზას ქორწილში გამოჩენისას, ამ ფოტოზე კი აიშვარია გამხდარია.

გარდა ამისა ბავშვიც გაცილებით დიდია, ვიდრე მისი ქალიშვილი უნდა იყოს ამჟამად.

და კიდევ, ამიტაბჰმა ტვიტერზე დაწერა, რომ ბავშვს დედის თვალები აქვს. ამ ბავშვის თვალებსა და აიშვარიას თვალებს შორის კი მსგავსებას ვერ ვხედავ.
ტვიტერზე გავრცელდა ინფორმაცია, რომ სავარაუდოდ ბავშვი აიშვარიას

ძმიშვილია.
ნებისმიერ შემთხვევაში სიმართლე ისაა, რომ ჩვენ ჯერ ბავშვის შესახებ თითქმის არაფერი ვიცით და არც ფოტო გვინახავს.

რეჟისორ ვიკრამ ბჰატის ფილმის «Raaz 3» გადაღებების პირველი დღიდანვე, ძალიან მჭიდრო სამუშაო გრაფიკის გამო მსახიობს, ბიპაშა ბასუს მცირედი დროც კი არ ჰქონდა დასვენებისათვის. საბოლოო ჯამში კი ამან ის შედეგი გამოიღო, რომ მსახიობი ლოგინად ჩავარდა მაღალი ტემპერარტურისა და კონიუქტივიტის გამო და მთელი კვირის განმავლობაში გამოეთიშა სამუშაოს. ყველა მიმდინარე გადაღება, მათ შორის ზემოთხსენებული ფილმისაც, რომელშიც ბიპაშა ბასუ იმრან ჰაშმისთან ერთად თამაშობს, შეჩერებული იქნა.

თუმცა გამოჯანმრთელების შემდეგაც როცა დაუბრუნდა დაგროვებულ სამუშაოს რამდენიმე დღის განმავლობაში შეუსვენებლად მოუხდა მუშაობა.
ფილმი ” Raaz 3 ” ემოციონალური დრამაა 3 დ ფორმატში. მსახიობი აღიარებს: მიუხედავად იმისა, რომ მჭიდრო გრაფიკის გამო თითქმის არ სძინებია გადაღებების განმავლობაში, მას მოსწონს ახალ ფორმატში გადაღებები.

სწორედ ასეთი გრაფიკის გამო მსახიობმა ვერ შეძლო პირადად მიეღო ჯილდო ”Fittest Bollywood Celebrity”-ზე და იძულებული გახდა მხოლოდ ვიდეოზარით

შემოფარგლულიყო გადასაღები მოედნიდან.
-ვერაფრით გამოვნახე დრო დაჯილდოებაზე დასწრებისათვის, მაგრამ ფიტნესის სიყვარულისათვის ჯილდოს მიღება კიდევ უფრო დიდი მიღწევაა, ვიდრე ფილმში როლის შესრულებისათვის. ვთვლი, რომ თუკი ადამიანები აღნიშნავენ ჩემს მიერ გაწეულ პროპაგანდას ფიტნესისა და ცხოვრების ჯანსაღი წესისათვის, ეს შესანიშნავია.

მსახიობის ახალი ფილმის ”Jodi Breakers” მიმართ დიდია ინტერესი და ბიპაშა თვლის, რომ 2012 წელი მისთვის წარმატებულად განვითარდება.

-როგორც ჩანს 2012 წელი ჩემთვის იქნება წარმატებული. დარწმუნებული ვარ მაყურებელი დადებითად შეაფასებს ჩემს როლს და მუშაობას ფილმში.

ახალი თაობის კუმირი რანბირ კაპური აცხადებს რომ, ფილმის გადაღების პროცესი ნებისმიერ ჯილდოზე მნიშვნელოვანია.
ჯილდოები დიდ როლს თამაშობენ მსახიობის კარიერაში, რადგანაც ისინი აღნიშნავენ მსახიობის მიერ გაწეული შრომის აღიარებას. მაგრამ მაინც ვთვლი, რომ თავად ფილმის გადაღების პროცესი უფრო მნიშვნელოვანია, - გვიყვება 29 წლის მსახიობი, რომელსაც გაუმართლა ემუშავა თავის ერთ-ერთ ბოლო ფილმზე

”rockstar” რახმანთან, იმთიაზ ალისთან და უკვე გარდაცვლილ შამი კაპურთან ერთად. მის მიერ ფილმში შესრულებული როლი კრიტიკოსებისა და რიგითი მაყურებლის მიერ დადებითად იქნა შეფასებული. მსახიობმა წინასწარ განაცხადა, რომ არ ელოდება ამ ფილმისათვის რაიმე პრიზის აღებას.

-არამგონია რომ ეს მოხდეს, მაგრამ ბედნიერი ვიქნები თუ მოხდება - აღიარა მსახიობმა. ამჯერად მსახიობი კიდევ ერთ საინტერესო პროექტზე მუშაობს. ესაა ანურაგ ბასუს ფილმი ”Barfee”. ფილმი, რომელშიც რანბირს პარტნიორობას პრიანკა ჩოპრა და ილეანა გაუწევენ სავარაუდოდ ივნისის თვეში გამოვა.

მსახიობი ასევე ითამაშებს ლეგენდარული შემსრულებლის კიშორ კუმარის ცხოვრების შესახებ ბიოგრაფიულ სურათში და დიპიკა პადუკონისთან ერთად მას ვიხილავთ იანა მუკჰერჯის ფილმში "Yeh Jawaani Yeh Deewani".

პოლიტიკური სატირის, ფილმის "Gali Gali Mein Shor Hai" გადაღებები დროებით გადაიდო, რადგან მთავარი როლის შემსრულებელმა მსახიობმა აკშაი კჰანამ ზურგი დაიზიანა და ვინაიდან ტკივილები ძლიერი აღმოჩნდა გადამღები ჯგუფი მუმბაიში დაბრუნდა და გადაღებები გაურკვეველი დროით გადაიდო.
ფილმის რეჟისორმა მომხდარის მიზეზად დაასახელა ის, რომ ეს იყო ექშენ სცენა და მიუხედავად ტრავმისა აკშაი აგრძელებდა მუშაობას, თუმცა ტკივილები დღითიდღე მატულობდა. საბოლოო ჯამში იძულებულები გავხდით გადაღებების შეგვეწყვიტა და დავბრუნებულიყავით მუმბაიში. თავად მსახიობი, რომელიც იშვიათად ჩნდება ეკრანზე, ამბობს, რომ ძალიან ბევრ ფილმზე თქვა უარი.
-იმიტომ კი არა რომ, არ მინდოდა წლის განმავლობაში ბევრ ფილმში მიმეღო მონაწილეობა, უბრალოდ არ მინდა ვასოცირდებოდე ყველანაირი როლის შემსრულებელ მსახიობთან, - განაცხადა მსახიობმა თავისი ახალი ფილმის გამოსვლამდე ცოტა ხნით ადრე.
-ფილმში ” Gali Gali Mein Shor Hai" მე გადავიღე იმიტომ, რომ მომეწონა სცენარი და არ შემეძლო უარი მეთქვა მასში მონაწილეობაზე.

ეს იყო სპონტანური გადაწყვეტილება და მე შემიძლია ვთქვა, რომ ეს როლი საუკეთესოა ჩემს მიერ შესრულებულ როლებს შორის დღესდღეობით. ჩემი გმირი ჩვეულებრივი მამაკაცია საშუალო ფენიდან. სწორედ ამან მომცა მე ახალი ორიენტირი ჩემს კარიერაში.
ფილმი ეხება ინდოეთში კორუმპირებულ სისტემას. დღესდღეობით არ არის ადგილი, სადაც არ მეფობდეს კორუფცია, მაგრამ მე ვარ ამაყი, რომ წარმოვადგენ იმ ინდუსტრიის ნაწილს, რომელშიც არა აქვს კორუფციას ადგილი.
აკშაის წინა ფილმი იყო ფარა კჰანის "Tees Maar Khan", შემდეგი ფილმი იქნება "Chand Bhai", სადაც ის ითამაშებს ვიდია ბალანთან ერთად.

პაკისტანელი მომღერალი ალი ზაფარი მზადაა შეუერთდეს სექსუალური ბოლივუდელი მსახიობების რიგს თავისი ახალი ფილმით ”London Paris New York”.
მსახიობი, რომელიც წელზემოთ შიშველი გამოჩნდება ფილმში, ამბობს:
-მე არა ვარ წინააღმდეგი გავიხადო პერანგი ფილმში, თუ დარწმუნებული ვიქნები, რომ ეს სჭირდება ხელოვნებას, ყველაფერი უნდა იყოს სიუჟეტის და ჩემი პერსონაჟის შესაბამისად. მსახიობმა ასევე აღიარა, რომ მას ყოველთვის ხელთ ჰქონდა თავისი გიტარა.
-იყო სცენები, რომლებიც დიდ ემოციონალურ და ფიზიკურ დატვირთვას მოითხოვდა, თუმცა ჩვენ მივიღეთ დიდი სიამოვნება გადაღებებისაგან. მსახიობი თითქოსდა ცხოვრობს თავისი პერსონაჟების ცხოვრებით და ამიტომაც მინდა რომ ყოველი ჩემი გმირი იყოს განსხვავებული წინასაგან. ასე რომ მე გულითადად მომიხდა მუშაობა ჩემს თავზე და იმიჯზე. მუდმივად ვვარჯიშობდი და ბოლო 10 დღის განმავლობაში ვიყავი სპეციალურ დიეტაზე.

კითხვაზე როგორ გრძნობს თავს ახლა, როცა შეუერთდა იმ ვარსკვლავთა რიცხვს, რომლებიც თავიანთი შიშველი სხეულის დემონსტრირებას ახდენენ, მსახიობი ღიმილით გვპასუხობს:
-ეს ხომ პირველად არ ხდება, როცა მე ვიხდი პერანგს ეკრანზე. მე ეს ჯერ კიდევ ჩემი კლიპის ”Ek Pal” გადაღების დროს დამჭირდა.

ბოლივუდური სიახლეები

დევიდ დჰავანი ფილმის ”Chashme Baddoor” რიმეიქს იღებს

დევიდ დჰავანმა მუშაობა დაიწყო 1981 წლის ჰიტის ”Chashme Baddoor” რიმეიქის გადაღებაზე და ეძებს ალტერნატიულ სახელწოდებას ფილმისათვის.
ეს არის სამი სტუდენტის ისტორია.

ფილმი - კომედია

”Chashme Baddoor”

თავის დროზე ძალიან პოპულარული იყო და დაკომპლექტებული იყო საკმაოდ საინტერესო ვარსკვლავებით.

ამჯერად ფილმში ანუპამ კჰერი ითამაშებს სამმაგ როლს, ხოლო რაც შეხება სამი სტუდენტის მთავარ როლებს, ფილმში ვიხილავთ პაკისტანელ პოპ-ვარსკვლავს და მსახიობს ალი ზაფარს, რომელიც ითამაშებს წინამორბედ ფილმში ფარუკ შეიჰის მიერ განსახიერებულ როლს. ასევე სამხრეთელი სიდჰარტ ნარაიანი, რომელიც განასახიერებს რავი ბასვანის მიერ ნათამაშებ პერსონაჟს.
დევიდ დჰავანი კარგა ხანს ეძებდა მესამე პერსონაჟისათვის შესაფერ სახეს, რომელსაც ძველ ვერსიაში რაკეშ ბედი განასახიერებდა.რეჟისორის თქმით მას სჭირდებოდა სასაცილო და ამავე დროს ჭკვიანი სახე მესამე პერსონაჟისათვის და სწორედ ასეთ სახეს მიაკვლია. მესამე პერსონაჟს ფილმში ითამაშებს დივიენდუ შარმა, რომლის დებიუტიც შედგა ფილმში ”Pyaar Ka Punchnaama”.დივიენდუ შარმა დაიბადა 1983 წლის 19 ივნისს დელიში.

ამირ კჰანმა და კირან რაომ ახალშობილ შვილს აზად რაო კჰანი დაარქვეს

სოციალურ ქსელში, Facebook-ის გვერდზე ამირმა გამოქვეყნა ინფორმაცია იმის შესახებ, რომ ვაჟს დაარქვეს აზადი, ამირის დიდი ბაბუის ძმის, დამოუკიდებლობისათვის ლეგენდარული მებრძოლის მოლან აზადის პატივსაცემად.
-მივესალმები ყველას, მინდა შეგატყობინოთ, რომ ჩვენ ჩამოვყალიბდით ბავშვის სახელთან დაკავშირებით... მას ჰქვია აზადი. აზად რაო კჰანი. გადამწყვეტი სიტყვა სახელთან დაკავშირებით მე მივეცი კირანს და სწორედ მან შეურჩია ეს სახელი ბავშვს, იმ ადამიანის პატივსაცემად ვისაც ჩვენს ოჯახში პატივს სცემენ და ვისითაც ამაყობენ. აზადი - ნიშნავს თავისუფალს. ჩვენ მთელი გულით მადლობას ვუხდით ყველას მოლოცვებისთვის და კეთილი სურვილებისთვის. ახლა ჩვენს ოჯახში პატარს მოვლინებით ჩვენი ბედნიერება უსაზღვროა. სიყვარულით - ამირი.
1 დეკემბერს ამირსა და მის მეუღლეს კირან რაოს ვაჟი შეეძინათ. როგორც ცნობილია წყვილმა სუროგატი დედა გამოიყენა შვილის გასაჩენად.

ტაბუ - ტომ კრუზის არჩევანი ბოლივუდში

კითხვაზე ინდური კინოს წარმომაგდენლებიდან ვის ანიჭებს უპირატესობას ჰოლივუდის ვარსკვლავი, ტომ კრუზი, მან არჩევანი ტაბუზე შეაჩერა.
ინფორმაციის თანახმად ტომს ძალიან უნდა ტაბუსთან შეხვედრა, რომელმაც ამჟამად მონაწილეობა მიიღო პროექტში ”Life of Pi”, რომლის რეჟისორია გამოჩელინი ჩინელი რეჟისორი ანგ ლი.აღმოჩნდა რომ ტომ კრუზსაც ძალიან უნდა ამ რეჟისორის ფილმში თამაში და ის სიამოვნებით გაესაუბრებოდა ტაბუს ამ რეჟისორთან მუშაობისას მიღებულ გამოცდილებაზე.
ისინი მართლაც შეხვდნენ ერთმანეთს ტომ კრუზის ჩამოსვლასთან დაკავშირებით გამართულ საღამოზე და საკმაოდ დიდხანს საუბრობდნენ.

დჰანუშის პირველი ბოლივუდური ფილმი და 2011 წლის ყველაზე რეიტინგული სიმღერა ”Why this Kolavari Kolavari Kolavari Di”

სამხრეთინდოელი მსახიობი დჰანუში (ნამდვილი სახელი - პრაბჰ კასტური რაჯან) აპირებს ბოლივუდში გადაიღოს თავისი პირველი ფილმი ჰინდის ენაზე. ფილმის სახელწოდება ჯერ-ჯერობით ცნობილი არ არის. ამჟამად სცენარზე მიდის მუშაობა და როგორც პრესაში გამოჩნდა ინფორმაცია ამ ფილმში დჰანუში მთავარ როლზე რიტიკ როშანს იწვევს.

დჰანუში ცნობილი რეჟისორისა და პროდიუსერის კასტური რაჯას შვილია
მსახიობის ძმაც რეჟისორია, ხოლო მეუღლე - აიშვარია ასევე ცნობილი ვარსკვლავის რაჯნიკანტის უფროსი ქალიშვილია. დჰანუშსა და აიშარიას ჰყავთ ორი შვილი - იატრა და ლინგა.

დჰანუში ეროვნული პრემიის ლაურეატია ტამილურ ფილმში ”Aadukalam”, როლისათვის. მისი ფილმოგრაფია მოიცავს ჩვიდმეტამდე ფილმს.
მსახიობმა ახლახან დაამთავრა მუშაობა ფილმზე ”3”, რომელიც მისი მეუღლის სადებიუტო რეჟისორული ნამუშევარია.
სიმღერა ”Why this Kolavari Kolavari Kolavari Di” დჰანუშის შესრულებით სწორედ ამ ფილმიდანაა და წინასწარ შლიაგერადაც იქცა.

იზაბელ აჯანის ჰინდი ფილმში გადაიღებენ

ლეგენდარული ფრანგი მსახიობი იზაბელ აჯანი ითამაშებს მთავარ როლს პრიტი ზინტას ოჯახურ პროექტში ”Ishkq in Paris”, ფილმის რეჟისორია პრემ რაჯი.
იზაბელი შეასრულებს მთხრობელის როლს ფილმში და სწორედ ის წარადგენს მაყურებლის წინაშე ფილმის გმირებსაც და პარიზსაც.
”Ishkq in Paris” - ეს არის სიყვარულის მძაფრი ისტორია რომელიც გადაღებული იქნება პარიზის მოდის სამყაროს ფონზე.
როდესაც იზაბელ აჯანი დათანხმდა როლზე, მან დაიწყო ჰინდის შესწავლა, ის ფილმში შერეული ჰინდითა და ფრანგულით ისაუბრებს. ამჯერად ის ენის აქცენტებზე მუშაობს.
ფილმის გადაღებები დეკემბერში დაიწყო.
თავის მხრივ პრიტი სწავლობს ფრანგულ ენას, რადგან მას ფილმში ფრანგულად მოუწევს საუბარი. მსახიობი ძალიან გახარებულია, რომ მან შეძლო დაეთანხმებინა იზაბელ აჯანი ამ როლზე:
-იზაბელს მთელი მსოფლიო იცნობს, როგორც შესანიშნავ მსახიობს და დაუჯერებლად ლამაზ ქალს, ამიტომ როდესაც შევხვდი მას თავს ვგრძნობდი, როგორც მისი ფანი. მისი დათანხმება ბოლივუდურ კომერციულ ფილმში სათამაშოდ ეს არის ოცნება რომელიც ცხადად მექცა, - ამბობს მსახიობი.

რეჟისორი, პრემ რაჯი ამბობს, რომ ის ბედნიერია ისეთ ქალთან მუშაობით, როგორიც იზაბელ აჯანია.
-იზაბელი ერთ-ერთი ჩემი საყვარელი მსახიობთაგანია. ჩემთვის ეს რაღაც განსაკუთრებულია, ვიმუშაო დასავლეთის ერთ-ერთ უმშვენიერეს მსახიობთან. ეს ძალიან დიდი საქმეა, გარდა ამისა პირველად საერთაშორისო დონის მსახიობი ისაუბრებს ჩვენს ფილმში ჰინდის ენაზე.

აიშვარია და შაჰრუჰი ისევ ერთად გამოჩნდებიან სანჯაი ლილა ბჰანსალის ფილმში

უკვე ცნობილია, რომ ცნობილ რეჟისორს სანჯაი ლილა ბჰანსალის სურს, რომ მისმა საყვარელმა მსახიობმა, აიშვარია რაიმ მონაწილება მიიღოს მის ფილმში როგორც კი მზად იქნება ამისათვის.

თავის მხრივ აიშვარია რაიც ცდილობს რაც შეიძლება მალე ჩადგეს ფორმაში და გავრცელებული ინფორმაციით მან თანხმობა მისცა სანჯაის ფილმში მონაწილეობაზე.

ახლა უკვე ცნობილი ხდება, რომ ინფორმაცია რომელიც ადრე დავწერე და ვსაუბრობდი ბაჩანების რეზიდენციაში ”გასაიდუმლოებულ” მსჯელობას ფილმის შესახებ, ეხებოდა სწორედ ამ ფილმს. ეს არის პროექტი "Bajirao Mastani", ბჰანსალის დიდი ხნის ოცნების პროექტი, რომლის შესახებაც ის ჯერ კიდევ 2003 წელს საუბრობდა.

ბჰანსალის სურდა გაემეორებინა ფილმის ”Hum Dil De Chuke Sanam” მსახიობების ნაკრები, (სალმანი და აიშვარია), თუმცა ფილმში ამჯერად შაჰრუჰს შესთავაზეს მთავარი როლი.

ცნობილი გახდა რომ ბჰანსალი და შაჰრუჰიც შეხვდნენ და განიხილეს ეს პროექტი და შაჰრუჰიც ძალიან დაინტერესებულია განიხილოს ეს შემოთავაზება.

თუ ყველაფერი თანხმობით დასრულდება ეს ნამდვილი სიამოვნება იქნება ამ ორი მსახიობის ფანებისათვის, ნახონ მათი კუმირები ერთად ეკრანზე ისეთი მაგიური და ძვირადღირებული დეკორაციების ფონზე, როგორიც ახასიათებს ბჰანსალის ფილმებს.

პირველად ბოლივუდში

წაიკითხეთ და გაიგეთ ყველაფრის შესახებ რაც პირველად მოხდა ბოლივუდში.

მაშ ასე, პირველად -

შაჰრუჰ კჰანმა ითამაშა სუპერგმირი

ახალ პროექტში ”RA.ONE” შაჰრუჰმა პირველად ითამაშა სუპერგმირი. ეს ფილმი ბოლივუდის ყველაზე ძვირადღირებული პროექტია. ფილმის გმირის მხოლოდ კოსტიუმის ღირებულება, 10 მლნ რუპიას შეადგენს. კოსტიუმი ლოს-ანჯელესშია დამზადებული.

ფილმში მთავარ როლებს კარინა კაპური და არჯუმ რამპალიც თამაშობენ.

ფარა კჰანი ეკრანზე გადაინაცვლებს

46 წლის წარმატებული ქორეოგრაფი და რეჟისორი ცდილობს საკუთარი თავი მოსინჯოს როგორც მსახიობმა. ადრე მან ეპიზოდური როლი ერთხელ უკვე ითამაშა, თუმცა ამჯერად ფილმში რომლის რეჟისორიც სანჯაი ლილა ბჰანსალის დაა, ფარა მთავარ როლს ითამაშებს ბომან ირანისთან ერთად.

-როდესაც სანჯაიმ შემომთავაზა ეს როლი თავიდან მეგონა, რომ ხუმრობდა, თუმცა მოგვიანებით, როცა მან მომიყვა სცენარის შესახებ მივხვდი, რომ სცენარი დაწერილი იყო სწორედ ჩემთვის. ამიტომაც მივეცი თანხმობა, - განაცხადა ფარა კჰანმა.

იმრან კჰანი საწოლის სცენაში გადაიღეს

მსახიობის იმიჯი შეიძლება ითქვას შეიცვალა და ამირ კჰანის პროდიუსერულ ფილმში ”Delhi Belly” მსახიობი თამამ სცენებში გვხვდება. 28 წლის მსახიობს პირველად ვნახავთ ამ ფილმში კოცნის სცენაში დებიუტანტ მსახიობთან პურნა ჯაგანათჰთან. და ეს ყველაფერი არ არის, მაყურებელი კიდევ უფრო დამაინტრიგებელ სცენას უნდა ელოდოს ამ ფილმში.

სალმან კჰანი ითამაშებს კომპანია იაშრაჯფილმზის პროექტში

ბოლივუდში თავისი კარიერის მანძილზე სალმანი 80-ზე მეტ ფილმშია გადაღებული, მაგრამ მისი ახალი ფილმი ”Ek Tha Tiger”, რომელშიც ის კატრინა კეიფთან ერთად თამაშობს იქნება მისი იაშრაჯფილმზის სტუდიაში გადაღებული პირველი ფილმი.

-ადიტია ჩოპრამ არაერთხელ შემომთავაზა როლი, მაგრამ მე პირველად ვიგრძენი, რომ რომ როლი შემეფერებოდა,- აღიარებს სალმანი.

რანბირი გადაიღეს საცეკვაო ნომერში ფილმში ”Chillar Party” პირველად, როგორც მოწყვეული სტუმარი.
მსახიობი ძალიან ღელავდა რადგან მისი სახე ამ საცეკვაო ნომერშიშთაგონებული იყო მამამისის, რიში კაპურის პერსონაჟის სახით ფილმიდან ”ამარ, აკბარ, ანტონი”, ამიტომ მსახიობი თავად მონაწილეობდა ვიდეოს გადაღებების და მონტაჟის კონცეფციის შემუშავებაში.

ასევე პირველად:

ანუშკა შარმამ ფილმისათვის ”Ladies vs. Ricky Bahl” ჩაიცვა ბიკინი;

პრიტი ზინტამ ითამაშა განგსტერი;

სანი დეოლის დებიუტი შედგა ტელევიზიაში;

მამა-შვილმა პანკაჯ და შაჰიდ კაპურებმა გაიყვეს ეკრანი ფილმში ”mausam".

ინდური საღამო – საჩუქარი ინდური კულტურის მოყვარულთათვის

19 დეკემბერს ინდური კულტურის და კინოს მოყვარულთათავის საინტერესო ღონისძიება გაიმართა.
საღამოზე საკონცერტო ნომრები ინდური ცეკვისა და სიმღერის ანსამბლმა "ლაკშმიმ" წარმოადგინა და მაყურებელთა მოწონება და აპლოდისმენტები დაიმსახურა.
ღონისძიების ბოლოს შედგა 2011 წლის ინდური ფილმის "თამაში" პრემიერა.
ღონისძიებას ესწრებოდნენ სტუმრები, მათ შორის ყველა ინდური კულტურის მოყვარულისათვის ცნობილი სახე – დავით ბეჟიტაშვილი, რომელიც მიესალმა საღამოს სტუმრებს და ბევრი საინტერესო ეპიზოდი გაიხსენა წარსული საქმიანობიდან.

საღამოზე მადლობა ითქვა იმ ადამიანების მიმართ, ვისაც რაიმე წვლილი მიუძღვის საქართველოში ინდური კულტურისა და კინოს პოპულარიზაციის საქმეში.
სტუმართაგან ერთ–ერთს საჩუქრად გადაეცა ქართულენოვანი წიგნი ამიტაბჰ ბაჩანის შესახებ – "ამიტაბჰ ბაჩანი: ცვილი და ფოლადი", ავტორის (დავით ბეჟიტაშვილი) ავტოგრაფით.

ბევრი თბილი სიტყვა ჩაიწერა შთაბეჭდილებების რვეულში.

ნახეთ საღამოს ჩანაწერის სრული ვერსია

ცალკეული საკონცერტო ნომრები და ფოტომასალა

ბოლივუდური სიახლეები

ფილმ «Talaash» –ს შემდეგ «Rock On 2» –ს გადაიღებენ

ბოლოსდაბოლოს ეს სიახლე დადასტურდა. გადაიღებენ ძალიან პოპულარული ფილმის «Rock On» –ს გაგრძელებას «Rock On 2». გადაღებები დაიწყება მომავალ წელს და ფილმის რეჟისორი იქნება აბიშეკ კაპური. მას შემდეგ რაც ფილმი ეკრანებზე გამოვიდა (2008) მიუხედავად იმისა, რომ მოხიბლა მაყურებელი, იქცა საკულტო ფილმად ახალგაზრდებს შორის, მისი შემქმნელები მაინც სხვა ფილმებზე იყვნენ გადართულნი და ფილმის «Rock On 2» გადაღება მეორე პლანზე გადადეს.
გასულ წელს მათ გადაიღეს "Karthik Calling Karthik" , 2011 წელს მათ ჰქონდათ ისეთი პროექტები როგორებიცაა: "Game", "Zindagi Na Milegi Dobara" და "Don 2. თითოეული მათგანი განსაკუთრებულ ფილმს წარმოადგენდა ფარჰანისა და რიტეშისათვის, ისევე როგორც ფილმი "Talaash" (ამირ კჰანი და კარინა კაპური).

როგორც კი ამ ფილმის გადაღებები დასრულდება მომავალი წლის ივნისში, დაიწყება ფილმის – "Rock On 2" გადაღებები.
ფილმის მწარმოებლებს ჯერ–ჯერობით არაფერი განუცხადებით ფილმში მონაწილე მსახიობების შესახებ, მაგრამ სავარაუდოდ ფარჰან აჰტარი, არჯუნ რამპალი და პურაბ კოჰლი დაუბრუნდებიან თავიანთ როლებს. ისინი როკ – ჯგუფის წევრებს განასახიერებდნენ.

შაჰრუჰის მთავარი მოლოდინი ფილმის "Ra.One"–ს გამოსვლას უკავშირდებოდა

შაჰრუჰ კჰანი, როგორც თავად ამბობს, ერთ–ერთი იმ ადამიანთაგანია, ვინც ყოველდღიურად თავისი ოცნებებით ცხოვრობს. ამჟამად კი მისი ერთადერთი ოცნება რომლის რეალობად ქცევაც მას სურს, არის – ბოლოსდაბოლოს თავი დაანებოს მოწევას.
–მე ველოდები ფილმის "Ra.One"–ს გამოსვლას და ამის შემდეგ მე დავანებებ თავს მოწევას ერთხელ და სამუდამოდ, – თქვა მან.
ის სიამოვნებით საუბრობდა ჟურნალისტებთან ყველაფერზე რაც კი უკავშირდებოდა მისი ახალი ფილმის რეკლამას.რაც შეეხება ჭორებს მისი როლის შესახებ რეჟისორ როჰიტ შეტის რომანტიულ ფილმში, მსახიობმა უარყო და თქვა:
–მე მხოლოდ წავიკითხე როჰიტ შეტის სცენარი და ჯერ არაფერია დაზუსტებული. ამჟამად მე ძალიან დაკავებული ვიყავი ფილმით "Ra.One", მითუმეტეს რომ ჩემი პროდიუსერი ავად იყო. მე ვმუშაობდი, როგორც მსახიობი და როგორც პროდიუსერი ფილმზე. ვოცნებობდი გამეკეთებინა ფილმი, რომელიც იქნებოდა განსაკუთრებული.
კითხვაზე, დაამკვიდრებს კი ეს ფილმი ახალ ტენდენციას, შაჰრუჰი პასუხობს:
–რათქმაუნდა, ჩვენ დავამკვიდრებთ ახალ ტენდენციას. დროა საჭირო, რომ შეიქმნას ისეთი ფილმი როგორიცაა "Ra.One". როცა მე ვნახე ფილმი "Krrish", მე სერიოზულად დავინტერესდი VFX– ით (ნიშნავს, ვიზუალურ ეფექტებს), ახლა როცა შევქმენი და დავსრულე ჩემი ფილმი მე მინდა ის ვაჩვენო ჩემს მეგობარს, რიტიკს და გავიგო მისი აზრი ჩემს ფილმზე, – აღელვებით საუბრობს მსახიობი.

Playboy–ს მოდელი კენდისი ფილმში "Aazaan"

მაყურებელი ელოდება კენდის ბუჩერის დებიუტს დიდ ეკრანზე. ინტერნეტში მისი უამრავი შიშველი ფოტოს მოპოვებაა შესაძლებელი, თუმცა ამ ფილმისათვის მან სულ სხვა იმიჯი მიიღო.
–თუკი ფილმში თამაშობს ასეთი მოდელი ცხადია მაყურებელი ელოდება თამამ სცენებს, მაგრამ ეს ფილმი არ არის ეროტიკული ფილმი, ეს არის ჯაშუშური ტრილერი და მსახიობს არ დასჭირვებია მსგავს სცენებში გადაღება.
მაინც რა იყო მიზეზი ფილმის შემქნელებისათვის, რომ მთავარ როლზე მოეწვიათ მსახიობი, რომელსაც მსახიობიობის არანაირი გამოცდილება არა აქვს? ალბათ ამიტომაცაა საზოგადოების მხრიდან მოლოდინი იმისა, რომ კენდისს იხილავენ იგივე იმიჯით რაც მოსალოდნელია "პლეიბოის" მოდელისაგან.
მანამ, სანამ მაყურებელი ელოდება როგორი იქნება მისი როლი დიდ ეკრანზე, კენდისმა ბოლივუდში შემოაბიჯა რომანტიკული ვიდეორგოლით "Khuda Ke Liye".



ფილმში ნამდვილად იქნება რამდენიმე თამამი სცენა, რომელიც ძალიან ესთეტიკურად იქნება გაკეთებული.

ფილმში "ბაიკერები 3" ამირ კჰანთან ერთად კატრინა ითამაშებს

ძალიან ბევრი მსახიობი განიხილებოდა ამირ კჰანის პარტნიორის როლზე, ფილმში "ბაიკერები 3", რომელზეც ბოლოსდაბოლოს კატრინა კეიფი დამტკიცდა.
კატრინა ადრეც მუშაობდა "იაშრაჯფიმზში" ადიტია ჩოპრასთან და რეჟისორ ვიჯაი კრიშნა აჩარიასთან, თუმცა მსახიობს აღელვებდა რამდენიმე სცენა ახალი ფილმიდან. ფილმის გმირი აუცილებლად უნდა გამოჩენილიყო ბიკინში და კიდევ კატრინას გადაწყვეტილი აქვს – ეკრანზე არავითარი კოცნის სცენა! სწორედ ამის შესახებ განუცხადა მან ადიტია ჩოპრას, რომ არ იყო თანახმა რამდენიმე სცენის თამაშზე.
ყველაზე სასურველი პრეტენდენტი ამ როლზე კატრინა კეიფი იყო დაადიტიამ შეძლო დაერწმუნებინა კატრინა, რომ არ ღირს უარის თქმა ამ ფილმში მონაწილეობაზე, მითუმეტეს, რომ მასთან წყვილში ამირ კჰანი ითამაშებს. ამ ორმა ფაქტორმა დიდი გავლენა იქონია კატრინას გადაწყვეტილებაზე.
შაჰრუჰთან მას უკვე აქვს როლი იაშ ჩოპრას შემდეგ ფილმში, ამჯერად კი ის ამირ ქჰანთან ერთადაც ითამაშებს.
როდესაც ის შეხვდა ადიტია ჩოპრას, ორივენი კარგ განწყობაზე იმყოფებოდნენ ფილმის "Mere Brother Ki Dulhan" წარმატების შემდეგ. სწორედ მაშინ შესძლო ადიტიამ დაერწმუნებინა კატრინა, რომ ფილმს "ბაიკერები 3" შეუძლია მისი კარიერა ახალ საფეხურზე აიყვანოს. მათ ისაუბრეს და შეთანხმებას მიაღწიეს იმ სცენებზეც, რომელიც მსახიობს აღელვებდა, რათქმაუნდა სცენები არ ამოუღიათ, მაგრამ ისე შეცვალეს, რომ ორივე მხარე კმაყოფილია.
ამრიგად კატრინა კეიფი ერთადერთი მსახიობია ინდური კინოს ისტორიაში, რომელიც რომელიც "იაშ რაჯის ბანერის ქვეშ" მეოთხედ იმუშავებს.
თავად მსახიობი მიუწვდომელი გახდა კომენტარებისათვის. როგორც ჩანს ის ახლა კიდევ უფრო დაკავებული იქნება, რადგან მოუწევს ახალი საბრძოლო ხელოვნების შესწავლა. როგორც ცნობილია ფილმში "ბაიკერები 3" არის სამურაის ხმალით ბრძოლის სცენები.

წარმატებები ვუსურვოთ ფილმს და მსახიობს.

"Yash Raj Films"– ის ახალი ფილიალი


როგორც ცნობილია 2011 წელს "Yash Raj Films" – ის სტუდიის ხელმძღვანელობამ გამოაცხადეს ახლადშექმნილი ახალგაზრდული სტუდიის Y - Films–ის გახსნის შესახებ, რომელიც სრულიად დამოუკიდებლად იმუშავებს 1970 წელს რეჟისორ იაშ ჩოპრას მიერ დაფუძნებულ საყოველთაოდ ცნობილ "Yash Raj Films" –ის სტუდიისაგან. ახალმა სტუდიამ, რომელსაც ხელმძღვანელობს აშიშ პატელი უკვე ჩაუშვა წარმოებაში 3 ფილმი: "Luv ka The End" (რეჟისორი – ბამპი, როლებში შრადჰა კაპური და დებიუტანტი.ტაჰა შაჰი); "Mujhse Fraandship Karoge" (რეჟისორი – ნუპურ ასტჰანა, დებიუტანტი მსახიობები: საქიბ სალიმი, საბა აზადი, ნიშანტ დაჰია და ტარა დი სუზა) და "Virus Diwan" (რეჟისორი ბამპი).
ამჯერად კი ნოემბერში უდაი ჩოპრამ, იაშ ჩოპრას უმცროსმა ვაჟმა ლოს–ანჯელესში გახსნა "Yash Raj Films"– ის სტუდიის ფილიალი – "YRF Entertainment", რომელიც დაკავებული იქნება თავიანთი ფილმების წარმოებით და გაქირავებით აშშ–ში.
ნიუ–იორკში უკვე დაიწყო ახალი ფილმის "The Longest Week" გადაღებები.

საქართველოში ინდური ბლოკბასტერის გადაღებები იწყება

საქართველოში ინდური ბლოკბასტერის "ბილა 2"–ს გადაღებები იწყება. ბოლივუდისა და სტუდია "მეტროს" წარმომადგენლებს შორის შეხვედრა შედგა და ყველა ძირითადი დეტალი უკვე შეთანხმდა ამ საკითხთან დაკავშირებით.

სტუდია "მეტრო" გადამღებ ჯგუფს გადაღებებისათვის საჭირო აპარატურით უზრუნველყოფს.

ინდური ბლოკბასტერის გადაღებები თბილისში, ბორჯომსა და რუსთავში ხვალიდან დაიწყება და 10 დეკემბრამდე გაგრძელდება.

ჯორჯ ფაეი, პროდიუსერი:

–ეს იქნება "ბილა 2". მისი პირველი ნაწილი ძალიან ცნობილია ინდოეთში. მეორე ნაწილში გადავწყვიტეთ ევროპის ქვეყნებიც ჩაგვერთო და ყველგან ვეძებდით გადასაღებ ადგილებს. ჩამოვედით საქართველოშიც. ჩვენთვის ეს ქვეყანა მისაღებია. ძალიან მოგვწონს საქართველო.

რუპ ნაიკი, პროდიუსერი:

– ეს ფილმი არის მაფიის ბიზნესის შესახებ, რომელიც ძალიან საინტერესოდ ვითარდება. საქართველო იმიტომ ამოვირჩიეთ რომ ძალიან მრავალფეროვანი გარემოა. აქ არის მთები, ზღვა და ულამაზესი ხედები, თანამედროვე

ქალაქები, განსაკუთრებით მოგვწონს სვანეთი.

საქართველო ჩვენი ფილმისათვის ყველაზე შესაფერისი ადგილია