ინდური ცეკვის შესწავლის მსურველებმა დაგვიკავშირდით
ტელეფონის ნომერზე:
2 29 24 58

суббота, 24 декабря 2011 г.

ინდური საღამო – საჩუქარი ინდური კულტურის მოყვარულთათვის

19 დეკემბერს ინდური კულტურის და კინოს მოყვარულთათავის საინტერესო ღონისძიება გაიმართა.
საღამოზე საკონცერტო ნომრები ინდური ცეკვისა და სიმღერის ანსამბლმა "ლაკშმიმ" წარმოადგინა და მაყურებელთა მოწონება და აპლოდისმენტები დაიმსახურა.
ღონისძიების ბოლოს შედგა 2011 წლის ინდური ფილმის "თამაში" პრემიერა.
ღონისძიებას ესწრებოდნენ სტუმრები, მათ შორის ყველა ინდური კულტურის მოყვარულისათვის ცნობილი სახე – დავით ბეჟიტაშვილი, რომელიც მიესალმა საღამოს სტუმრებს და ბევრი საინტერესო ეპიზოდი გაიხსენა წარსული საქმიანობიდან.

საღამოზე მადლობა ითქვა იმ ადამიანების მიმართ, ვისაც რაიმე წვლილი მიუძღვის საქართველოში ინდური კულტურისა და კინოს პოპულარიზაციისაქმეში.
სტუმართაგან ერთ–ერთს საჩუქრად გადაეცა ქართულენოვანი წიგნი ამიტაბჰ ბაჩანის შესახებ – "ამიტაბჰ ბაჩანი: ცვილი და ფოლადი", ავტორის (დავით ბეჟიტაშვილი) ავტოგრაფით.

ბევრი თბილი სიტყვა ჩაიწერა შთაბეჭდილებების რვეულში.

ნახეთ საღამოს ჩანაწერის სრული ვერსია







ცალკეული საკონცერტო ნომრები და ფოტომასალა


















пятница, 25 ноября 2011 г.

ბოლივუდური სიახლეები

ფილმ «Talaash» –ს შემდეგ «Rock On 2» –ს გადაიღებენ

ბოლოსდაბოლოს ეს სიახლე დადასტურდა. გადაიღებენ ძალიან პოპულარული ფილმის «Rock On» –ს გაგრძელებას «Rock On 2». გადაღებები დაიწყება მომავალ წელს და ფილმის რეჟისორი იქნება აბიშეკ კაპური. მას შემდეგ რაც ფილმი ეკრანებზე გამოვიდა (2008) მიუხედავად იმისა, რომ მოხიბლა მაყურებელი, იქცა საკულტო ფილმად ახალგაზრდებს შორის, მისი შემქმნელები მაინც სხვა ფილმებზე იყვნენ გადართულნი და ფილმის «Rock On 2» გადაღება მეორე პლანზე გადადეს.
გასულ წელს მათ გადაიღეს "Karthik Calling Karthik" , 2011 წელ
ს მათ ჰქონდათ ისეთი პროექტები როგორებიცაა: "Game", "Zindagi Na Milegi Dobara" და "Don 2. თითოეული მათგანი განსაკუთრებულ ფილმს წარმოადგენდა ფარჰანისა და რიტეშისათვის, ისევე როგორც ფილმი "Talaash" (ამირ კჰანი და კარინა კაპური).

როგორც კი ამ ფილმის გადაღებები დასრულდება მომავალი წლის ივნისში, დაიწყება ფილმის – "Rock On 2" გადაღებები.
ფილმის მწარმოებლებს ჯერ–ჯერობით არაფერი განუცხადებით ფილმში მონაწილე მსახიობების შესახებ, მაგრამ სავარაუდოდ ფარჰან აჰტარი, არჯუნ რამპალი და პურაბ კოჰლი დაუბრუნდებიან თავიანთ როლებს. ისინი როკ – ჯგუფის წევრებს განასახიერებდნენ.

შაჰრუჰის მთავარი მოლოდინი ფილმის "
Ra.One"–ს გამოსვლას უკავშირდებოდა

შაჰრუჰ კჰანი, როგორც თავად ამბობს, ერთ–ერთი იმ ადამიანთაგანია, ვინც ყოველდღიურად თავისი ოცნებებით ცხოვრობს. ამჟამად კი მისი ერთადერთი ოცნება რომლის რეალობად ქცევაც მას სურს, არის – ბოლოსდაბოლოს თავი დაანებოს მოწევას.
–მე ველოდები ფილმის "Ra.One"–ს გამოსვლას და ამის შემდეგ მე დავანებებ თავს მოწევას ერთხელ და სამუდამოდ, – თქვა მან.
ის სიამოვნებით საუბრობდა ჟურნალისტებთან ყველაფერ
ზე რაც კი უკავშირდებოდა მისი ახალი ფილმის რეკლამას.რაც შეეხება ჭორებს მისი როლის შესახებ რეჟისორ როჰიტ შეტის რომანტიულ ფილმში, მსახიობმა უარყო და თქვა:
–მე მხოლოდ წავიკითხე როჰიტ შეტის სცენარი და ჯერ არაფერია დაზუსტებული. ამჟამად მე ძალიან დაკავებული ვიყავი ფილმით "Ra.One", მითუმეტეს რომ ჩემი პროდიუსერი ავად იყო. მე ვმუშაობდი, როგორც მსახიობი და როგორც პროდიუსერი ფილმზე. ვოცნებობდი გამეკეთებინა ფილმი, რომელიც იქნებოდა განსაკუთრებული.
კითხვაზე, დაამკვიდრებს კი ეს ფილმი ახალ ტენდენციას, შაჰრუჰი პასუხობს:
–რათქმაუნდა, ჩვენ დავამკვიდრებთ ახალ ტენდენციას. დროა საჭირო, რომ შეიქმნას ისეთი ფილმი როგორიცაა "Ra.One". როცა მე ვნახე ფილმი "Krrish", მე სერიოზულად დავინტერესდი VFX– ით (ნიშნავს, ვიზუალურ ეფექტებს), ახლა როცა შევქმენი და დავსრულე ჩემი ფილმი მე მინდა ის ვაჩვენო ჩემს მეგობარს, რიტიკს და გავიგო მისი აზრი ჩემს ფილმზე, – აღელვებით საუბრობს მსახიობი.

Playboy–ს მოდელი კენდისი ფილმში "Aazaan"

მაყურებელი ელოდება კენდის ბუჩერის დებიუტს დიდ ეკრანზე. ინტერნეტში მისი უამრავი შიშველი ფოტოს მოპოვებაა შესაძლებელი, თუმცა ამ ფილმისათვის მან სულ სხვა იმიჯი მიიღო.
–თუკი ფილმში თამაშობს ასეთი მოდელი ცხადია მაყურებელი ელოდება თამამ სცენებს, მაგრამ ეს ფილმი არ არის ეროტიკული ფილმი, ეს არის ჯაშუშური ტრილერი და მსახიობს არ დასჭირვებია მსგავს სცენებში გადაღება.
მაინც რა იყო მიზეზი ფილმის შემქნელებისათვის, რომ მთავარ როლზე მოეწვიათ მსახიობი, რომელსაც მსახიობიობის არანაირი გამოცდილება არა აქვს? ალბათ ამიტომაცაა საზოგადოების მხრიდან მოლოდინი იმისა, რომ კენდისს იხილავენ იგივე იმიჯით რაც მოსალოდნელია "პლეიბოის" მოდელისაგან.

მანამ, სანამ მაყურებელი ელოდება როგორი იქნება მისი როლი დიდ ეკრანზე, კენდისმა ბოლივუდში შემოაბიჯა რომანტიკული ვიდეორგოლით "Khuda Ke Liye".



ფილმში ნამდვილად იქნება რამდენიმე თამამი სცენა, რომელიც ძალიან ესთეტიკურად იქნება გაკეთებული.

ფილმში "ბაიკერები 3" ამირ კჰანთან ერთად კატრინა ითამაშებს

ძალიან ბევრი მსახიობი განიხილებოდა ამირ კჰანის პარტნიორის როლზე, ფილმში "ბაიკერები 3", რომელზეც ბოლოსდაბოლოს კატრინა კეიფი დამტკიცდა.
კატრინა ადრეც მუშაობდა "იაშრაჯფიმზში" ადიტია ჩოპრასთან და რეჟისორ ვიჯაი კრიშნა აჩარიასთან, თუმცა მსახიობს აღელვებდა რამდენიმე სცენა ახალი ფილმიდან. ფილმის გმირი აუცილებლად უნდა გამოჩენილიყო ბიკინში და კიდევ კატრინას გადაწყვეტილი აქვს – ეკრანზე არავითარი კოცნის სცენა! სწორედ ამის შესახებ განუცხადა მან ადიტია ჩოპრას, რომ არ იყო თანახმა რამდენიმე სცენის თამაშზე.
ყველაზე სასურველი პრეტენდენტი ამ როლზე კატრინა კეიფი იყო დაადიტიამ შეძლო დაერწმუნებინა კატრინა, რომ არ ღირს უარის თქმა ამ ფილმში მონაწილეობაზე, მითუმეტეს, რომ მასთან წყვილში ამირ კჰანი ითამაშებს. ამ ორმა ფაქტორმა დიდი გავლენა იქონია კატრინას გადაწყვეტილებაზე.
შაჰრუჰთან მას უკვე აქვს როლი იაშ ჩოპრას შემდეგ ფილმში, ამჯერად კი ის ამირ ქჰანთან ერთადაც ითამაშებს.
როდესაც ის შეხვდა ადიტია ჩოპრას, ორივენი კარგ განწყობაზე იმყოფებოდნენ ფილმის "Mere Brother Ki Dulhan" წარმატების შემდეგ. სწორედ მაშინ შესძლო ადიტიამ დაერწმუნებინა კატრინა, რომ ფილმს "ბაიკერები 3" შეუძლია მისი კარიერა ახალ საფეხურზე აიყვანოს. მათ ისაუბრეს და შეთანხმებას მიაღწიეს იმ სცენებზეც, რომელიც მსახიობს აღელვებდა, რათქმაუნდა სცენები არ ამოუღიათ, მაგრამ ისე შეცვალეს, რომ ორივე მხარე კმაყოფილია.
ამრიგად კატრინა კეიფი ერთადერთი მსახიობია ინდური კინოს ისტორიაში, რომელიც რომელიც "იაშ რაჯის ბანერის ქვეშ" მეოთხედ იმუშავებს.
თავად მსახიობი მიუწვდომელი გახდა კომენტარებისათვის. როგორც ჩანს ის ახლა კიდევ უფრო დაკავებული იქნება, რადგან მოუწევს ახალი საბრძოლო ხელოვნების შესწავლა. როგორც ცნობილია ფილმში "ბაიკერები 3" არის სამურაის ხმალით ბრძოლის
სცენები.
წარმატებები ვუსურვოთ ფილმს და მსახიობს.

"Yash Raj Films"– ის ახალი ფილიალი


როგორც ცნობილია 2011 წელს "Yash Raj Films" – ის სტუდიის ხელმძღვანელობამ გამოაცხადეს ახლადშექმნილი ახალგაზრდული სტუდიის Y - Films–ის გახსნის შესახებ, რომელიც სრულიად დამოუკიდებლად იმუშავებს 1970 წელს რეჟისორ იაშ ჩოპრას მიერ დაფუძნებულ საყოველთაოდ ცნობილ "Yash Raj Films" –ის სტუდიისაგან. ახალმა სტუდიამ, რომელსაც ხელმძღვანელობს აშიშ პატელი უკვე ჩაუშვა წარმოებაში 3 ფილმი: "Luv ka The End" (რეჟისორი – ბამპი, როლებში შრადჰა კაპური და დებიუტანტი.ტაჰა შაჰი); "Mujhse Fraandship Karoge" (რეჟისორი – ნუპურ ასტჰანა, დებიუტანტი მსახიობები: საქიბ სალიმი, საბა აზადი, ნიშანტ დაჰია და ტარა დი სუზა) და "Virus Diwan" (რეჟისორი ბამპი).
ამჯერად კი ნოემბერში უდაი ჩოპრამ, იაშ ჩოპრას უმცროსმა ვაჟმა ლოს–ანჯელესში გახსნა "Yash Raj Films"– ის სტუდიის ფილიალი – "YRF Entertainment", რომელიც დაკავებული იქნება თავიანთი ფილმების წარმოებით და გაქირავებით აშშ–ში.
ნიუ–იორკში უკვე დაიწყო ახალი ფილმის "The Longest Week" გადაღებები.

среда, 16 ноября 2011 г.

საქართველოში ინდური ბლოკბასტერის გადაღებები იწყება

საქართველოში ინდური ბლოკბასტერის "ბილა 2"–ს გადაღებები იწყება. ბოლივუდისა და სტუდია "მეტროს" წარმომადგენლებს შორის შეხვედრა შედგა და ყველა ძირითადი დეტალი უკვე შეთანხმდა ამ საკითხთან დაკავშირებით.
სტუდია "მეტრო" გადამღებ ჯგუფს გადაღებებისათვის საჭირო აპარატურით უზრუნველყოფს.
ინდური ბლოკბასტერის გადაღებები თბილისში, ბორჯომსა და რუსთავში ხვალიდან დაიწყება და 10 დეკემბრამდე გაგრძელდება.
ჯორჯ ფაეი, პროდიუსერი:

–ეს იქნება "ბილა 2". მისი პირველი ნაწილი ძალიან ცნობილია ინდოეთში. მეორე ნაწილში გადავწყვიტეთ ევროპის ქვეყნებიც ჩაგვერთო და ყველგან ვეძებდით გადასაღებ ადგილებს. ჩამოვედით საქართველოშიც. ჩვენთვის ეს ქვეყანა მისაღებია. ძალიან მოგვწონს საქართველო.

რუპ ნაიკი, პროდიუსერი:

– ეს ფილმი არის მაფიის ბიზნესის შესახებ, რომელიც ძალიან საინტერესოდ ვითარდება. საქართველო იმიტომ ამოვირჩიეთ რომ ძალიან მრავალფეროვანი გარემოა. აქ არის მთები, ზღვა და ულამაზესი ხედები, თანამედროვე
ქალაქები, განსაკუთრებით მოგვწონს სვანეთი.
საქართველო ჩვენი ფილმისათვის ყველაზე შესაფერისი ადგილია

среда, 5 октября 2011 г.

სიახლეები ბოლივუდიდან

რიტიკ როშანი ფილმის "Agneepath" სული და გულია

კარგა ხანია გამოვიდა სარეკლამო თრილერი ფილმისა "Agneepath". რეჟისორის, კარან ჯოჰარის თქმით პირველი პრომო დიდ შთაბეჭდილებას მოახდენს მაყურებელზე.
ფილმის პრომო ჩართული იქნა სალმან ქჰანის ფილმის ჩვენებისას.
–მე ძალიან მოხარული ვარ, რომ კომპანიამ დამრთო ამის ნება და აუდიტორიას საშუალება მიეცა ენახა ჩემი ფილმის პრომო. ჩემი საუკეთესო სურვილები ფილმ "Bodyguard"–ს გუნდს –განაცხადა კარანმა.
რამდენადაც მაყურებელმა უკვე იცის, რომ ეს არის ადრინდელი ჰიტის რიმეიქი, საინტერესო იქნება კარანის პასუხი შეკითხვაზე, რამდენად ჰგავს ეს ორი ფილმი ერთმანეთს.
–ეს არც არის რიმეიქი. ამ ორი ფილმის მიდგომა, შეხედულებები, გრძნობები აბსოლიტურად განსხვავებულია. ამ ორ ფილმს სხვადასხვა სამყარო აქვთ. მე ჩემს ფილმს პასუხს უფრო დავარქმევდი რეჟისორ მუკულ ანანდის კლასიკაზე. ფილმი მამაჩემის მიერ იყო წარმოებული და მე ვთვლი, რომ ერთ–ერთი საუკეთესო ფილმია, მათ შორის რაც ოდესმე შექმნილა. სწორედ ამიტომაც გადავწყვიტეთ გაგვეკეთებინა კიდევ ერთი ფილმი, რომელსაც დავარქმევდით იგივე სახელს და რომლითაც მივაგებდით პატივს ძველ ფილმს. ფილმის სული და გული იგივე რჩება. თუმცა ეს სრულიად სხვა ფილმია. გამოვიდა ძალიან კარგი და მიმზიდველი ფილმი – დაამატა რეჟისორმა.
ახალ ფილმში მთავარ როლს რიტიკ როშანი ასრულებს და რეჟისორი მას ახასიათებს, როგორც ფილმის "სულსა და გულს".
–როცა მან მიიღო ფილმის სცენარი, ძალიან დაინტერესდა როლით. როლი სწორედ მისი გავლენით დაიწერა და ის იყო ჩვენი ერთადერთი არჩევანი. უნდა გითხრათ, რომ მან მართლაც დიდი სამუშაო შეასრულა. დარწმუნებული ვარ ის ისევე კმაყოფილია, როგორც ჩვენ – ამბობს რეჟისორი.


მსახიობი სანჯაი დატი თამაშობს მთავარ ბოროტმოქმედს ფილმში და კარანი ამობობს, რომ უკეთესი არჩევანი არც შეიძლებოდა. თქვენ უნდა ნახოთ სანჯაი ფილმში და დარწმუნდებით. მან ყველა კადრში გადააჭარბა მოლოდინს. გპირდებით, თქვენ არცერთ ფილმში არ გინახავთ მსგავსი სანჯაი. მისი ცქერა ნამდვილი სიამოვნებაა.
ფილმი 2012 წლის იანვარში გამოვა.

ეშა ჰემას ითამაშებს ფილმში "Razia Sultan"


იშა დეოლის ეკრანზე დაბრუნება მოხდა ფილმით "Tell Me O Kkhuda". ამჯერად კი ჰემა მალინს ყველაფერი მზადა აქვს ქალიშვილის კარიერის წინ წასაწევად. მსახიობმა გადაწვიტა, რომ მისი ფილმის "Razia Sultan" რიმეიკში იშა მთავარ როლს ითამაშებს. ფილმი გაქირავებაში თითქმის 30 წლის წინ გამოვიდა და მასში მთავარ როლს ჰემა მალინი თამაშობდა. მიუხედავად იმისა, რომ ფილმს არც ისე დიდი წარმატება ხვდა წილად, ჰემა დარწმუნებულია მის პოტენციალში.


ფილმის რეჟისორი ჰემა არ იქნება, ის მხოლოდ ფილმის წარმოების საკითხებით იქნება დაკავებული.
მსახიობი ამბობს, რომ ფილმი მსხვილბიუჯეტიანი იქნება, ამიტომ ის ეძებს პროდიუსერს თავისი ამბიციური ფილმის დასაფინანსებლად.
–ფილმის "ჯოდჰა და აკბარი" წარმატებამ დაადასტურა, რომ ისტორიული კოსტიუმირებული ფილმები ისევ აინტერესებს
მაყურებელს თუ ისინი კარგადაა გაკეთებული.
ჰემა ამბობს, რომ სურათში იშა იბრძოლებს, იჯირითებს ცხენზე და ყველაფერს გააკეთებს, რასაც მოითხოვს ფილმი.

სონამ კაპურის კოცნის დებიუტი ფილმში "Mausam"


მიუხედავად სონამ კაპურის გაპროტესტებისა, მასსა და შაჰიდს შორის მხურვალე კოცნა ფილმში მაინც არის.
–ფილმში არ არის არანაირი კოცნის სცენა, – ამბობდა სონამი ადრე. იყო დრო, როცა სონამსა და შაჰიდს შორის არ იყო მეგობრული დამოკიდებულება და როგორც ჩანს როცა რეჟისორმა პანკაჯ კაპურმა შეატყობინა სონამს ფილმში ასეთი სცენის არსებობის შესახებ მან უარი განაცხადა და მკვეთრი პოზიცია დაიჭირა. მისმა უარმა დრამა გამოიწვია გადასაღებ მოედანზე. პანკაჯ კაპურმა მამამისს, ანილ კაპურსაც კი დაურეკა, მაგრამ ამაოდ. ბოლოს მსახიობმა დათმო და რეჟისორის მოთხოვნა შეასრულა.
შემდგომ, როცა გაურკვევლობები წარსულს ჩაბარდა, სონამმა ინტერვიუში განაცხადა, რომ ეს სცენა აუცილებელი იყო.

–სონამი ფანტასტიური მსახიობია. ის შესანიშნავად ჩაერთო შაჰიდ – პანკაჯის ტანდემში. თუ რაიმე პრობლემა იყო ყველაფერი მოგვარდა გადაღებების დროს, – განაცხადა ფილმის პროდიუსერმა შეტი ტალვარმა.
ეს კოცნის სცენა დებიუტი იყო სონამისათვის, ხოლო შაჰიდისათვის ის მეოთხე კოცნის სცენაა ეკრანზე, კარინა კაპურთან ფილმში "Jab We Met", პრიანკა ჩოპრასთან ფილმში "Kaminey" და ანუშკა შარმასთან ფილმში "Badmaash Company".

შაჰიდ კაპური და საიფ–ალი ქჰანი ერთმანეთს გაურბიან

როცა ურთიერთობები წყდება ყოფილი შეყვარებულები ერთმანეთს არა თუ გაურბიან, არამედ ცდილობენ მათი ახალი შეყვარებული არ შეეჩეხოს ყოფილს.
მსგავსი რამ ხდება კარინა კაპურის ყოფილ შეყვარებულს, შაჰიდ კაპურსა და საიფ–ალი კჰანს შორის. მიუხედავად "Mehboob" სტუდიაში გადაღებებისა ისინი ცდილობდნენ არ შეხვედროდნენ ერთმანეთს.

საიფს გადაღებები ჰქონდა ფეხსაცმლის რეკლამაში, რომელსაც ის და კარინა წარმოადგენენ, ხოლო შაჰიდი გადაღებებს აწარმოებდა ჟურნალისათვის მამამისთან პანკაჯ კაპურთან ერთად.
მათი გადასაღები ფურგონები ერთმანეთისაგან რამდენიმე მეტრის დაშორებით იყო განლაგებული. შაჰიდი პირველი მოვიდა გადაღებებზე. მას უნდა გადაეღო რამდენიმე კადრი მამამისთან და თავის მოტოციკლთან ერთად. ასე რომ ის ხშირად გადაადგილდებოდა თავის გადასაღებ ფურგონსა და გადასაღებ მოედანს შორის, სადაც ის მუშაობდა.

ასევე გადაადგილება უწევდა საიფ–ალი კჰანსაც, თუმცა მიუხედავად ამისა ეს ორი მსახიობი ერთმანეთს ერთხელაც არ შეხვედრია.
საინმტერესოა ასევე, რომ საიფ–ალი კჰანი არ იყო ერთადერთი მსახიობი, რომელთანაც შაჰიდს არ სურდა შეხვედრა.
იმავე სტუდიაში ასევე იღებდნენ სალმან კჰანს, რომელიც ინტერვიუს აძლევდა ფილმის "dabang" გამოსვლასთან დაკავშირებით. სალმანსა და შაჰიდს შორის უთანხმოება წარმოიშვა მათი ერთობლივი ტურნეს "Rock Stars"–ის შემდეგ, რომლის შემდეგაც ისინი ერთმანეთს ვერ ამჩნევენ.
თავად კარინა კაპური, რომელიც რეკომენდაციას დაჟინებით უწევს იმრანს კჰანს ფილმის
"Once Upon A Time In Mumbaai"–ს გაგრძელებისათვის, აშკარად აგრძნობინებს შაჰიდს, რომ მას არ სურს მასთან მუშაობა.

ბიპაშა ბასუ და პრიტი ზინტა აღფრთოვანებულები არიან ფილმით " bodyguard"

ფილმის სპეციალური ჩვენებას, რომელიც ახლო მეგობრებისა და სალმანის ოჯახის წევრებისათვის ჩატარდა, ესწრებოდნენ ბიპაშა ბასუ, პრიტი ზინტა და შირიშ კუნდერი.
სალმანის მეგობრები აღფრთოვანებულები დარჩნენ ფილმით. ჯონთან დაშორების შემდეგ ბიპაშას მეგობრული ურთიერთობა აქვს სალმანთან და ის ყველა ვარსკვლავურ ღონისძიებებში იღებს მონაწილეობას.
ფილმის ნახვის შემდეგ მან მიულოცა სალმანს ფილმის წარმატება.
–ვნახე ფილმი, ახალი ბლოკბასტერი სალმან კჰანისაგან. კარგია გყავდეს ისეთი მცველი, როგორიც სინგჰია, – განაცხადა მან.
ასევე აღფრთოვანებულია ბოლივუდის მეორე ვარსკვლავი პრიტი ზინტა.
–ახლა ვნახე ფილმი. სალმანისა და კარინას შესანიშნავი თამაში. შესანიშნავი და საოცარი სანახაობაა,– აღნიშნა პრიტიმ.

საიფ–ალი კჰანი: ახლა მე მინდა გავაკეთო კომერციული კინო

"Aarakshan" უკვე უკან დარჩა, თუმცა საიფი აღნიშნავს, რომ ფილმი დიდი და მძიმე სამუშაო იყო, თუმცა ამავე დროს თავისებური აღმოჩენაც იყო. ეს ფილმი განიხილებოდა სხვადასხვა თოქ–შოუებში და ფორუმებში. მიუხედავად იმისა, რომ ჩვენ ვცდილობდით დაგვერწმუნებინა ყველა, რომ ეს უსაფრთხო ფილმია და არ გამოიწვევს ნეგატივს არავისში, ფილმის ჩვენება აიკრძალა სამ შტატში, უტარ–პრადეშში, ანდჰრა–პრადეშში და პენჯაბში. მოგვიანებით ანდჰრა პრადეშსა და პენჯაბში აკრძალვა მოიხსნა უმაღლესი სასამრთლოს გადაწყვეტილებით, თუმცა ის ფაქტი, რომ ვერ შევძელით ერთდროულად ჩვენება მთელ ქვეყანაში ჩვენთვის ძალიან მტკივნეული იყო. მსგავსი რამ რომ შემთხვეოდა ჩემი წარმოების ფილმს, ალბათ სასტიკად განვიცდიდი. მე შემიძლია წარმოვიდგინო როგორ გრძნობდა თავს პრაკაშ ჯჰა (რეჟისორი და პროდიუსერი), – განაცხადა საიფმა.
–მიიღებთ მონაწილეობას პრაკაშის შემდეგ ფილმში?
–ჯერ არაფერია გადაწყვეტილი, ამჟამად მე იმედი მაქვს გავაკეთებ უფრო მეტად კომერციულ მასალას. ფილმები, რომლებიც მე მიყვარს ძირითადად ადამიანს დროებით წყვეტს პრობლემებისაგან, თუმცა დროდადრო სოციალურად მნიშვნელოვანი ფილმებიც მინდა გავაკეთო, ისეთი როგორიც ეს ფილმია (Aarakshan).
ამჟამად საიფის გეგმებში მხოლოდ "კოქტეილი" და "რბოლა 2" არის, რათქმაუნდა "აგენტი ვინოდი"–თან ერთად.
ასევე მალე გამოცხადდება კიდევ ორი ახალი პროექტის შესახებ, მათ შორის ერთი ოჯახური წარმოების ფილმი იქნება.
–ეს ბევრია – იცინის მსახიობი, – უმეტესი ნაწილი ამ ფილმების კომერციული ფილმებია.
მსახიობი ასევე განიხილებოდა მთავარ როლზე ახალი კომედიისათვის "Ghanchakkar", რომელსაც რეჟისორი რაჯკუმარ გუფთა იღებს (Aamir (2008) და "No One Killed Jessica").
–კი, ფილმის სცენარი განვიხილე და რაღაც დროის მანძილზე ვფიქრობდი. თუმცა მიუხედავად იმისა, რომ მაქვს სურვილი რაჯკუმარ გუფტასთან მუშაობის, ეს ფილმი არ არის ის, რაც მიყვარს და რაშიც ჩემს თავს ვნახავდი. მე არ ვაპირებდი ამის გამოქვეყნებას, რადგან არ მიყვარს გავლენის მოხდენა სხვა მსახიობების არჩევანზე. ეს საინტერესო სცენარია და ვიღაცას უფრო მოუხდება ვიდრე მე. იმედი მაქვს მე და გუფტა შევხვდებით და ვითანამშრომლებთ ახლო მომავალში სხვა პროექტში.

აბიშეკ ბაჩანი: ბევრი სამუშაო და არავითარი დასვენება

აბიშეკის გეგმები, დროებით გათავისუფლებულიყო ფილმ "Dhoom 3" –ის გადაღებებიდან და დრო გაეტარებინა თავის ოჯახთან ერთად – არ გამოვიდა.
ადრე მან განაცხადა, რომ Yash Raj Films –მა რომელსაც ფილმის "Dhoom 3"–ს გადაღებები ნოემბერში უნდა დაეწყო გადადო გადაღებები აბიშეკის თხოვნით, რომელსაც შვებულება სურდა გაეტარებინა აიშვარიას გვერდით. როგორც ცნობილია წყვილი ნოემბერში შვილს ელოდება.
მიუხედავად ჩოპრას თანხმობისა, გადაედო გადაღებები აბიშეკს მაინც არ გაუმართლა.
ფილმის გადაღებების გრაფიკს ვერ შეცვლიან ამირ კჰანის დატვირთული გრაფიკის გამო.
საბოლოოდ აბიშეკი დათანხმდა შვებულების გადადებასა და მუშაობის გაგრძელებაზე.
–ეს იყო პროფესიონალური გადაწყვეტილება მისი მხრიდან, როდესაც გაიგო რა პრობლემებსაც გადააწყდნენ ფილმის შემქმნელები. ამირ კჰანი ერთ ეტაპზე აკეთებს ერთ ფილმს და ის წინასწარ გამოყოფს ხოლმე თარიღებს. ამიტომ ის ვერაფერს შეცვლიდა.
ამრიგად აბიშეკს ერგო ორი თავისუფალი დღე ახალშობილის დაბადებისას. მსახიობი ამითაც კმაყოფილია.
ფილმი, რომელშიც ასევე უდეი ჩოპრაც მონაწილეობს ეკრანებზე 2012 წლის დეკემბერში გამოვა.

ფილმი «The Dirty Picture» კიდევ უფრო სკანდალური ხდება

რეჟისორ მილან ლუკჰრიას ფილმში "The Dirty Picture" ახალ რეალურ პერსონაჟებს ამატებენ. აქამდე სურათის ძირითადი ფიგურა იყო სილკ სმიტჰა, ახლახან ფილმში ჩართეს კიდევ ერთი ძლიერი რეალური პერსონაჟი, რომელმაც კიდევ უფრო გაზარდა და მრავალფეროვანი გახადა სიუჟეტის ხაზი. ეს არის 70–ანი 80–ანი წლების ჟურნალისტი დევიანი ჩაუბალი.
წინა თაობის მსახიობებს "ეშინოდათ" დევიანის, რადგან ის წერდა მსახიობების შესახებ ღიად, უყვარდა საქვეყნოდ გამოტანა შოკისმომგვრელი ფაქტებისა ცნობილ ადამიანებზე. იმ პერიოდში სილკ სმიტჰა თავისი როლების გამო სამხრეთულ კინოში დევიანისთვის წარმოადგენდა ერთგვარ საწერ თემას. ჟურნალისტი ღიად ესხმოდა თავს მსახიობს, თამამი როლების გამო.
ვიდია ბალანი თავიდანვე იყო ინფორმირებული ფილმში ახალი პერსონაჟის ჩართვის შესახებ, მოგვიანებით კი როცა მას აუხსნეს ვინ იყო დევიანი ჩაუბალი იმ დროისათვის, ვიდია განცვიფრებული დარჩა.
მან ახლა შეიტყო, რომ დევიანი იყო პირველი ჟურნალისტი ვინც, დჰარმენდრასა და ჰემა მალინის ქორწილი საზოგადოებისათვის "ხელმისაწვდომი" გახადა.
ცნობილია, რომ მხოლოდ რაჯეშ კჰანა იყო მასთან კარგ და მეგობრულ დამოკიდებულებაში.
ალბათ ძალიან საინტერესო იქნება ორი რეალური პერსონაჟის თვალის დევნება ფილმში "The Dirty Picture".

კარიშმა კაპური სუპერმოდელს ითამაშებს ვიკრამ ბჰატის ფილმში


კარიშმა კაპური ხუთწლიანი შესვენების შემდეგ მზადაა მონაწილეობა მიიღოს ვიკრამ ბჰატის 3D ფორმატის ფილმში, "Dangerous Ishq", სადაც ის სუპერმოდელს ითამაშებს, რომელიც თავის კარიერაზე უარს ამბობს საყვარელ ადამიანზე დაქორწინების გამო.
რეალურ ცხოვრებაში 37 წლის მსახიობი ორი შვილის დედაა. ის 2003 წელს ცოლად გაჰყვა ბიზნესმენ სანჯაი კაპურს და მთლიანად გადაერთო ოჯახურ ცხოვრებაზე.
ბჰატი აღნიშნავს:
–ფილმში კარიშმას პერსონაჟი არის სუპერმოდელი, რომელიც უარს ამბობს კარიერაზე რათა დაქორწინდეს საყვარელ ადამიანზე, თუმცა მის საქმროს იტაცებს მისი მტერი, რომელიც მოდელს მთელი მისი კარიერის მანძილზე თან სდევდა.

ფილმში კარიშმა ითამაშებს ყოფილ მანეკენთან, ამჟამად კი მსახიობთან, რაჯნეშ დუგალთან ერთად.

суббота, 3 сентября 2011 г.

"დარჩი ჩემთან..." – პირველი ქართული ფილმი, რომლის პრემიერაც ინდოეთში შედგება

ინდური კინოს მოყვარულთათვის ნებისმიერი კავშირი ინდოეთსა და საქართველოს შორის, ინდურ კინოსა და ქართულ კინოს შორის სასიხარულო და მისასალმებელია.
უდიდესი სიხარულით შეხვდა ქართველი მაყურებელი ქართულ ფილმს, "ყველაფერი კარგად იქნება", რომლის დიდი ნაწილიც ინდოეთში, კერძოდ გოაში გადაიღო რეჟისორმა ავთო ვარსიმაშვილმა. ეს პირველი შემთხვევა იყო ქართული კინოს ისტორიაში.
ასევე დიდი ინტერესით ადევნებს ქართველი ინდური კინოს მოყვარულები თვალს ქართულ–ბოლივუდური ურთიერთობების გაგრძელებას. როგორც ცნობილია ინდოელი პროდიუსერები არაერთხელ იმყოფებოდნენ საქართველოში და უახლოეს მომავალში გადაწყვეტილია სამი ინდური ფილმის ფრაგმენტების გადაღება ჩვენს ქვეყანაში.
ფილმის "ყველაფერი კარგად იქნება" ერთ–ერთი პროდიუსერი არის ინდური კინოს მოყვარულთათვის კარგად ნაცნობი დათო ბეჟიტაშვილი. სულ ცოტა ხნის წინ კი სწორედ მისი პროდიუსერობით დასრულდა ქართული მელოდრამის – "დარჩი ჩემთან..." გადაღებები.
ფილმის რეჟისორია ზაზა ურუშაძე.

ფილმში მთავარი როლის შემსრულებელ ლელა წურწუმიასთან და დებიუტანტ პაატა ინაურთან ერთად ქართველი მაყურებლისათვის ბევრი კარგად ნაცნობი და საყვარელი მსახიობი არის გადაღებული.
გარდა იმისა, რომ ფილმი მელოდრამაა სევდიანი სიუჟეტით, ინდური კინოს მოყვარულთათვის საინტერესო იქნება ის ინფორმაცია, რომ ეს იქნება პირველი ქართული ფილმი, რომლის ჩვენებაც გოას საერთაშორისო ფესტივალზე იგეგმება.
სპეციალურად ფილმისათვის დაიწერა სიმღერები, რომელთაც თავად ლელა წურწუმია ასრულებს. სიმღერებისათვის მუსიკა რუსა მორჩილაძემ დაწერა, ხოლო სიმღერის ტექსტები ეკუთვნის ირინა სანიკიძეს.

გთავაზობთ ფილმის საუნდტრეკს და ერთ–ერთ სიმღერას ფილმიდან




რაც შეეხება სქართველოს კინოთეატრებს, ფილმის თბილისური პრემიერა 30 სექტემბერს შედგება!
დაველოდოთ ფილმის თბილისურ პრემიერას და წარმატებები ვუსურვოთ ფილმს ჩვენი ქვეყნის გარეთ.

ნახეთ ფოტომასალა ფილმის გადასარები მოედნიდან


სხვა სტატიები

Related Posts with Thumbnails