ინდური ცეკვის შესწავლის მსურველებმა დაგვიკავშირდით
ტელეფონის ნომერზე:
2 29 24 58

понедельник, 31 января 2011 г.

სიახლეები ბოლივუდიდან

Zee Cine Awards - ის ჯილდო შაჰრუჰმა აიშვარიას ხელიდან მიიღო

სულ ცოტა ხნის წინ საუბარი იყო მათ შორის არსებულ წყენაზე, რისი მიზეზიც იყო აიშვარიას უარი შაჰრუჰის შეთავაზებაზე, რომ დაჯილდოებისათვის ერთობლივად გაეკეთებინათ საცეკვაო ნომერი სიმღერაზე "Kajra Re". აიშვარიას უარის არგუმენტი იყო შემდეგი, რომ მან ეს სიმღერა ფილმში "ბანტი და ბაბლი", შეასრულა აბიშეკთან და ამიტაბჰ ბაჩანთან ერთად და აქედან გამომდინარე ეს მათი "საოჯახო" სიმღერაა. ამიტომაც არ აპირებს შეასრულოს ეს ნომერი სხვასთან ერთად. თუმცა ამჯერად Zee Cine Awards - ის ჯილდო საუკეთესო მსახიობისათვის ფილმში "ჩემი სახელია ქჰანი", შაჰრუჰმა მიიღო აიშვარიას ხელიდან. იმედია ამით მათ შორის არსებულ წყენას წერტილი დაესვა.

კატრინა კეიფს ფარა ქჰანისათვის მადლობის გადახდა დაავიწყდა

ეს ალბათ ემოციების ბრალია.
ქალის საუკეთესო როლის ჯილდოს მიღების შემდეგ ფილმებისათვის: "TEES MAAR Кhаn" და "Rajneeti" კატრინა კეიფს Star Screen Awards 2011 – ის დაჯილდოებაზე ფარა ქჰანისათვის მადლობის გადახდა დაავიწყდა. მან მადლობა გადაუხადა მხოლოდ პრაკაშ ჯჰას ფილმისათვის "Rajneeti", თუმცა ჯილდო ორივე ფილმისათვის იყო.
ფარა აუდიტორიაში იჯდა და ცხადია გაკვირვებული დარჩა კ
ატრინას საქციელით. თავად კატრინამ მოგვიანებით გააცნობიერა თავისი შეცდომა.
როგორც მისი ახლობლები ხსნიან კატრინას შეცდომას, ეს იმით იყო გამოწვეული რომ კატრინა ჯილდოს წინასწარვე ელოდა ფილმისათვის "Rajneeti", ხოლო ფილმისათვის "Tees Maar Khan" – ჯილდო მისთვის მოულოდნელი იყო.

ალბათ გახსოვთ რომ ფარა ქჰანი პირველად არ არის მსგავს სიტუაციაში. იგივე მოხდა დიპიკას შემთხვევაში ფილმისათვის – "Om Shanti Om". რის შედეგადაც ფარა და დიპიკა წლებია არ ეკონტაქტებიან ერთმანეთს.

რიში კაპურმა და ნიტუ სინგჰმა ქორწინების იუბილე აღნიშნეს

ცნობილმა ბოლივუდურმა წყვილმა რიში კაპურმა და ნიტუ სინგჰმა აღნიშნეს ქორწინებიდან 31 წლის იუბილე.
–ისეთი შეგრძნება მაქვს თითქოს ახლა გავთხოვდი. ჩვენ დაბადებისა და ქორწინების თარიღებს ყოველთვის აღვნიშნავთ ხოლმე ტორტითა და ყვავილებით. ამჯერადაც გავჭერით ტორტი და დიჯეიმ შეასრულა სიმღერა ჩვენთვის– ყვება ნიტუ სინგჰი.
კითხვაზე, თუ რა არის აუცილებელი პირობა წარმატებული ქორწი
ნებისათვის, ნიტუ სინგჰი ამბობს, რომ აუცილებელია იყოს ნდობა, გონებრივი შეთავსება და პატიოსნება. ეს წარმატებული ქორწინების არსებითი კომპონენტებია.

ამირ ქჰანი ბერლინის ფესტივალის ჟიურის წევრი იქნება

ამირ ქჰანი ერთ–ერთი იმ მსახიობთაგანია რომელიც ნელა, მაგრამ მიზანმიმართულად და სწორად იკვლევს გზას საერთაშორისო კინოში.
მსახიობი ბერლინის 61–ე კინოფესტივალის ჟიურიში მიიწვიეს, რომელიც თებერვლის თვეში გაიმართება.

ჟიური შვიდი კაცისაგან შედგება, იზაბელ როსელინის ხელმძღვანელობით და ის გადაწყვეტს ფესტივალის გამარჟვებულების ვინაობას, რომელთაც გადაეცემათ ოქროს და ვერცხლის დათვები.

пятница, 28 января 2011 г.

რამდენიმე ინტერვიუ და მიმართვა ინდური კინოს მოყვარულებისადმი

ინტერვიუ დათო ბეჟიტაშვილთან
ბოლივუდის საქართველოში სტუმრობასთან და საერთოდ ინდურ კინემატოგრაფთან დაკავშირებით



საინტერესო ინტერვიუ დათო ბეჟიტაშვილთან
ინდური კინოსა და ზოგადად კინოს შესახებ




სიუჟეტი კ/თ რუსთაველი"–ს შესახებ



ბ-ნ დათო ბეჟიტაშვილის მიმართვა ინდური კინოს მოყვარულებს

ჩემო ძვირფასებო!
მერწმუნეთ ძალიან განვიცდი როდესაც ამ სიტყვებს გწერთ, მაგრამ რეალობა ასეთია:
3 აპრილიდან გარკვეული პერიოდით ტ/კ "კავკასიას" ეთერში აღარ გავა ინდური ფილმები, ხოლო მაღაზია "პლანეტა ბოლივუდი" იცვლის პროფილს და მხოლოდ სახლში მიტანით მოემსახურება ერთგულ მაყურებელს.
კ/თ "ახმეტელი", ანსამბლი "სიტარა", ტელეკომპანიები: "ევრიკა" და "კავკასია,", მაღაზია "პლანეტა ბოლივუდი"... რამდენი სიამოვნება და სიხარული გვახსოვს იმ დღეების...
ნოსტალგია დიდია, მაგრამ დრო მიდის და აუცილებელია აუწყო ფეხი და არ ჩამორჩე. 14 წელზე მეტია ჩვენ ერთად მოვდივართ და დღემდე მოგვიყვანა ინდოეთისადმი თითოეული ჩვენგანის უსაზღვრო სიყვარულმა. ამ ფონზე ამ გადაწყვეტილებების მიღება არ იყო იოლი. მიზეზები უამრავია და ახლა ჩამოთვლით თავს არ შეგაწყენთ.
ბოლო დროს ჩვენი მაყურებელი მოაკლდა კინოთეატრს და მაღაზიას.
ჩემი, ნინოს და ჩვენი მეგობრების უამრავი მცდელობის მიუხედავად სურათი არ იცვლებოდა.
XXI -ე საუკუნის მიღწევამ - ინტერნეტმა ამ ეტაპზე მთელ მსოფლიოში დიდი დარტყმა მიაყენა კინოინდუსტრიას. ამას თუ დავუმატებთ ჩვენი მოსახლეობის მძიმე ეკონომიკურ მდგომარეობას, მაშინ ყველაფერი ნათელი გახდება.
მე მესმის თქვენი... იმედია თქვენც გამიგებთ... თუმცა ამით არ მთავრდება ყველაფერი. პირიქით უამრავი საინტერესო გეგმები გვაქვს და დარწმუნებული ვარ თქვენი თანადგომით კვლავ ყველაფერი კარგად იქნება.
გეგმები მრავალფეროვანია:
ამ ზაფხულს, საქართველოში გადავიღებთ პირველ ინდურ-ქართულ ფილმს, რომელიც ინდოეთის და საქართველოს ეკრანებზე ერთდროულად გამოვა და რომელშიც რამდენიმე თქვენი საყვარელი ინდოელი მსახიობი მიიღებს მონაწილეობას. (ვინაობას ჯერ-ჯერობით არ ვასახელებ). მოსამზადებელი სამუშაოები უკვე დაწყებულია.
აგრეთვე თვეში ორჯერ სხვადასხვა დარბაზებში მოეწყობა ინდური საღამოები, რომლებიც იქნება მყარი გარანტია იმისა რომ ჩვენ ერთმანეთს არ დავკარგავთ. "პლანეტა ბოლივუდი" თვეში ორჯერ, სახლში მიტანით შემოგთავაზებთ ბოლივუდის საუკეთესო ჰიტებს. მალე ამუშავდება ინტერნეტ-ტელევიზია "პლანეტა ბოლივუდი", რომელიც ყოველდღიური ურთიერთობის საშუალებას მოგვცემს. მაისის ბოლოს კი ინდოეთის მთავრობის დახმარებით თბილისში გაიმართება ინდური ფილმების კინოფესტივალი.
როგორც ხედავთ გეგმები უამრავია, თუმცა მათი განხორციელების ერთადერთი გარანტია არის თქვენი გვერდში დგომა და აქტიურობა, რომელიც უნდა გამოხატოთ ჩვენი საიტის ხშირი სტუმრობით და თქვენი მოსაზრებებისა და კომენტარების დატოვებით, ჩვენს ჯგუფებსა და ფორუმებში გამოხმაურებით. მგონი ძალიან ბევრს არ გთხოვთ.
მე თქვენ ყველას გიცნობთ და პერსონალურად გიხდით მადლობას გვერდში დგომისათვის როგორც წარსულში, ასევე მომავალში.
მე თქვენთვის არასოდეს მიღალატია და არც მომავალში გიღალატებთ. პირიქით, უამრავ სიხარულს და სიამოვნებას გპირდებით, ოღონდ მომეცით ძალა და ზურგი გამიმაგრეთ.
მე ყოველთვის ყურადღებით ვკითხულობ თქვენს კომენტარებს. ამ წერილზეც ძალიან საინტერესო იქნება თქვენი მოსაზრებები.
განსაკუთრებული მადლობა კი, ნინო კრავეიშვილს, რომლის უანგარო და ფასდაუდებელი შრომის შედეგია, რომ ჩვენი საიტი და ჯგუფები საინტერესო და მრავალფეროვანია.
უდიდესი პატივისცემით, მადლიერებით და სიყვარულით, მუდამ თქვენი - დავით ბეჟიტაშვილი

четверг, 27 января 2011 г.

ბოლივუდი საქართველოში ფილმის გადაღებას გეგმავს

ინდური საპროდიუსერო კომპანიის წარმომადგენლები თბილისში გამთენიისას ჩამოფრინდნენ. ისინი გადაღებისთვის საჭირო გარემოს შეისწავლიან. ინდოეთიდან ჩამოსული დელეგაცია დღესვე შეხვედრებს გამართავს მთავრობის წევრებთან, მათ შორის ეკონომიკისა და კულტურის მინისტრებთან.
ფილმის საქართველოში გადაღების იდეა 2010 წლის ოქტომბერში, ინდოეთში საქართველოს დელეგაციის ვიზიტის დროს გაჩნდა. მაშინ ეკონომიკის მინისტრი ვერა ქობალია ინდური კინოს ცნობილ ვარსკვლავს ამირ ქჰანს სახლშიც ესტუმრა. შეხვედრ
ისას მსახიობმა საქართველოში ჩამოსვლისა და მისი მონაწილეობით ფილმის გადაღებისთვის მზადყოფნაც კი გამოთქვა. ამის შესახებ არაერთხელ გაჟღერდა ტელევიზიით და საიტებზეც ვრცლად დავწერე.
საქართველოში ჩამოსულ სტუმართაგან ერთ–ერთი პროდიუსერი ნარენდრა ბაჯაჯია. ის არის ცნობილი ფილმების "Jai Veeru", "Aggar", "The Train", "Rocky " და "Bandhan" პროდიუსერი. ასევე რუპ ნაიკი და კიდევ რამდენიმე პროდიუსერი.
ბოლივუდელ სტუმრებს ჩამოჰყვა ლეილა სოფოევა - შეთავაზებული კოორდინატორი (ქართულ-ინდური ბიზნესი).

–ბოლივუდში ბოლო დრო
ს ძალიან პოპულარული გახდა ფილმების სხვადასხვა ქვეყნებში გადაღება. ამით ჩვენც დავინტერესდით და დავუკავშირდით ყველაზე დიდ საპროდიუსერო კომპანიებს, რომლებიც ბოლივუდური ფილმების გადაღებაზე მუშაობენ - განაცხადა ორი თვის წინ ვერა ქობალიამ. მისივე თქმით, ბოლივუდური ფილმის საქართველოში გადაღება ტურიზმის განვითარებას და ახალი სამუშაო ადგილების შექმნას შეუწყობს ხელს, რადგან ასეთ შემთხვევაში ქვეყანაში ფილმზე მომუშავე რამდენიმე ათას პირს მოუწევს ჩამოსვლა.
არვიცი რამდენად რეალურად უ
ნდა მიგვაჩნდეს ბოლივუდის საქართველოთი დაინტერესება და სერიოზული პროექტის განხორციელება, თუმცა კულტურისა და ძეგლთა დაცვის მინისტრს, ნიკოლოზ რურუას ბოლივუდური ფილმის საქართველოში გადაღება "სავსებით რეალურად" მიაჩნია.
–ჩვენი ლანდშაფტი მრავალფეროვანი, ფილმის კეთებისთვის საჭირო პირობები კი იაფია, ამიტომაც ბოლივუდური ფილმის საქართველოში გადაღება სავსებით რეალურია, - განუცხადა რურუამ ჟურნალისტებს აღნიშნულ საკითხზე კომენტირებისას.

среда, 26 января 2011 г.

26 იანვარი – ინდოეთის რესპუბლიკის დღეა

რესპუბლიკის დღე არის ინდოეთში ერთ–ერთი მნიშვნელოვანი დღესასწაული და ის ყოველ წელს 26 იანვარს აღინიშნება გრანდიოზული პარადით და ეროვნული ცეკვებითა და სიმღერებით, ყველა კუთხისათვის დამახასიათებელი თავისებურებებითა და კოსტიუმებით და მთლიანობაში ეს ყველაფერი ინდოეთის ერთგვარი მთლიანობის სიმბოლოს ქმნის.
ინდოეთის ეროვნული კონგრესის ლაჰორის სესიაზე, 1929 წლის 31 დეკემბერს და 1930 წლის 1 იანვარს გაიმართა, ააფრიალეს სამფერი დროშა და დაადგინეს რომ ყოველი წლის 26 იანვარს იზეიმებდნენ რესპუბლიკის დღეს.
1950 წლის 26 იანვარს კი ეს ინდოეთის კონსტიტუციის მიღ
ებით შევიდა ძალაში.
რაც შეეხება ინგლისელი კოლონიზატორებისაგან განთავისუფლებას, 1947 წლის 15 აგვისტოს მიაღწიეს და ამიტომაც ამ დღეს აღნიშნავენ ინდოეთის დამოუკიდებლობის დღეს.
ეს დღე მსოფილიოს ყურადღების ცენტრში ექცევა და ალბათ არცერთ ქვეყანას არ შეუძლია ისეთი მრავალფეროვნების წარმოჩენა, როგორსაც აქ ვხვდებით. იქნება ეს კულტურული ტრადიციებისა თუ სხვადასხვა კუთხის მრავალფეროვანი კოსტიუმების დემონსტრირება, ცეკვებსა და სიმღერებზე რომ არაფერი ვთქვათ.

понедельник, 24 января 2011 г.

სიახლეები ბოლივუდიდან

კატრინა კეიფი ისევ იმატებს წონაში

როგორც ცნობილია მსახიობმა ფილმისათვის "Tees Maar Khan" შესამჩნევად დაიკლო წონაში. როგორც წყარო იუწყებოდა მსახიობი მკაცრ დიეტაზე იყო და სიმღერაში "Sheila Ki Jawani" ის შესანიშნავად გამოიყურებოდა. სიმღერა გაჰიტდა კიდეც.
ამჯერად კი მომავალი ფილმისათვის "Mere Brother Ki Dulhan", რომელიც იაშ რაჯ ფილმზის პროექტია, მსახიობი ისევ იმატებს წონაში.
მ ფილმში ის იმრან ქჰანთან ერთად ითამაშებს.

სალმან ქჰანმა იგნორირება გაუკეთა ვივეკ ობეროის და მის ოჯახს

როგორც ჩანს ურთიერთობა სალმან ქჰანსა და ვივეკ ობეროის შორის ჯერ კიდევ არ დამთბარა.
ახლახანს "Screen Awards"–ს დაჯილდოებაზე სალმან ქჰანმა იგნორირება გაუკეთა ვივეკ ობეროის, მის მეუღლეს, პრიანკა ალვას და ვივეკის დედას.

სალმანი როგორც წესი ხელის ჩამორთმევით ესალმებოდა ირგვლივ მყოფთ და ვივეკის ოჯახიც გაღიმებული სახით უყურებდა მას, მოლოდინით რომ მათაც მიესალმებოდა, თუმცა სალმანი ასე არ მოიქცა.
როგორც ჩანს მას ჯერ კიდევ აღუძრავს უსიამოვნო მოგონებებს ვივეკის დანახვა.

აჰრუჰი და კარინა კაპური ერთად ახალ პროექტში

ეს იქნება 80-ანი წლების ერთ–ერთი ჰიტის "Angoor" –ის რიმეიქი.
ფილმის რეჟისორი იყო გულზარი და მთავარ როლებში სანჯივ კუმარი და მოუშუმი ჩატერჯი თამაშობდნენ.

ამჯერად მათ ნაცვლად შაჰრუჰ ქჰანი და კარინა კაპური შეასრულებენ მთავარ როლებს.
ფილმს გადაიღებს როჰიტ შეტი. ფილმის "Golmaal 3"–ს დასრულების შემდეგ მოულოდნელი იყო ყველასათვის მისი განცხადება ამ ფილმის რიმეიქის გაკეთების შესახებ. რატომღაც ყველა ფიქრობდა რომ მისი ჩანაფიქრი ისევ ფილმის "Golmaal" მეოთხე ნაწილს ეხებოდა.
ფილმზე ისეთი მსახიობების მოწვევა როგორებიცაა შაჰრუჰი და კარინა მეტყველებს იმაზე რომ როჰიტ შეტის გადაწყვეტილი აქვს მხოლოდ ვარსკვლავებთან იმუშაოს.
ისეთი კლასიკური ნაწარმოების როგორიც "Angoor" არის რიმეიკის შექმნა ცხადია დიდ რისკსა და ძალისხმევას მოითხოვს. იმედი ვიქონიოთ რომ ფილმი გაამართლებს.

понедельник, 17 января 2011 г.

ამიტაბჰ ბაჩანი: ცვილი და ფოლადი – პირველი ქართულენოვანი წიგნი ბოლივუდის ლეგენდის შესახებ!

ბოლივუდის ცოცხალ ლეგენდად აღიარებულ მსახიობს თაყვანისმცემლები ნებისმიერი ასაკის ადამიანებს შორის ჰყავს. ის ერთნაირად უყვარს ძველი და ახალი თაობის ინდური კინოს მოყვარულთ.
მსახიობის შესახებ ალბათ, მეტ-ნაკლებად ყველამ იცის უცხოური საიტებიდან თუ ინფორმაციის სხვა წყაროებიდან, მაგრამ ქართულ ენაზე მოწოდებული ინფორმაცია მსახიობის შესახებ თითქმის არ არსებობს არც პრესაში და არც ტელევიზიაში.
წიგნი - "ამიტაბჰ ბაჩანი: ცვილი და ფოლადი", რომლის ავტორიც ყველასათვის ცნობილი ინდოლოგი, ბ-ნი დათო ბეჟიტაშვილია, ქართულ ენაზე გამოცემული ერთადერთი წიგნია. აქამდე ბოლივუდის არცერთი მსახიობის შესახებ არ გამოცემულა მსგავსი წიგნი. მასში თავმოყრილია უამრავი დეტალი მსახიობის პირადი ცხოვრებისა თუ კარიერის შესახებ და ეს ყველაფერი იმდენად საინტერესოდ არის მოწოდებული, რომ დარწმუნებული ვარ წიგნს ნებისმიერი სიამოვნებით წაიკითხავს, მიუხედავად იმისა არის თუ არა ის, ამ ლეგენდარული მსახიობის თაყვანისმცემელი.
როგორც თავად წიგნის ავტორი წერს შესავალში: "ამ წიგნის წაკითხვის შემდეგ თქვენ გახდებით ყველაზე ინფორმირებული ადამიანი ამიტაბჰ ბაჩანის შესახებ". მათთვის ვისაც არ წაუკითხავს წიგნი, გთავაზობთ რამდენიმე, ჩემი აზრით საინტერესო თავს წიგნიდან

ამიტაბჰ ბაჩანი
ადამიანი ინდუსტრია
"დანამდვილებით ერთი რამ ვიცი მხოლოდ: მინდა თამაში, ვიდრე მეთამაშება. სახასიათო როლებს მაშინ დავთანხმდები, როცა მთავარზე აღარ მიმიწვევენ. თუ აღარც ასეთი როლები იქნება, მასიურ სცენებში მივიღებ მონაწილეობას," – სწორედ ასე გამოუტყდა ერთხელ კინემატოგრაფს სიყვარულში ამიტაბჰ ბაჩანი.
ამიტაბჰ ბაჩანი თანამედროვე ინდური კინოს უმსხვილესი ფიგურა და ყველაზე კაშკაშა მოვლენაა. მარტო მისი სახელიც კი წარმოადგენს ბრენდს, ხარისხის ნიშანს, მის მიერ ჩატარებული საქველმოქმედო აქციის და იმ საქონლის გაყიდვის სტაბილური წარმატების გარანტიას, რომელსაც იგი ტელევიზიაში სარეკლამო რგოლებით წარუდგენს ხოლმე მყიდველს. ამიტაბჰი ყოველთვის შორს დგას ინტრიგების, კულისების მიღმა ორთაბრძოლებისა და აბსურდული ურთიერთობებისაგან, რომლებიც ეკრანის კერპებისთვისაა დამახასიათებელი. მასზე არ ვრცელდება კინომოყვარულთა ჭირვეული არმიის გემოვნებათა ცვლილება.
ბოლივუდის ყველაზე პოპულარულმა მსახიობმა კარგა ხანია უკან მოიტოვა დრო.
ინდური პოეზიის კლასიკოსის ჰარივანშრ რაი ბაჩანის ვაჟმა, ამიტაბჰმა, ყველაფერი იღონა, რათა ჰინდი კინოში თავისი ღირსეული ნიშა დაეკავებინა და პირველი რამდენიმე ფილმის ჩავარდნის შემდეგ, როცა თავად მსახიობის კარიერაც საფრთხის ქვეშ აღმოჩნდა, მისმა სახელ–დიდებამ საბოლოოდ მაინც მიაღწია დამსახურებულ სიმაღლეს. დღეს ის 66 წლის გახლავთ და უწინდებურად პოპულარობის ზენიტში იმყოფება.
ბაჩანი ნამდვილი ვარსკვლავია, ხალხის სათაყვანებელი გმირი და მისი ადგილის დაკავება კინემატოგრაფიულ, პოლიტიკურ და მას–მედიის ცისკიდურზე ჯერ–ჯერობით ახალგაზრდათაგან ვერავინ შეძლო.

როცა ის ინდოეთში რომელიმე პოპულარულ ტელეშოუში სტუმრის სტატუსით გამოდის, ქვეყნის მოსახლეობას მორიგი ეპიდემიის დროს სასწრაფო ვაქცინაციის აუცილებლობას უხსნის ან მრავალფეროვანი პროდუქციის რეკლამას ეწევა – ნებისმიერი ინდოელი, მისი ხილვისას, აღფრთოვანებით ყვირის: "ეს ხომ ამიტაბჰია!"
ბაჩანის ცხოვრებისეულ გზაზე მომხდარა ყველაფერი, რაც შეიძლება ჩვეულებრივ ადამიანს გადახდეს თავს. მასზე თავსდატეხილი მოვლენები რამდენიმე ათეულ ტელესერიალს ეყოფოდა მასალად. ჰქონდა აღმაფრენებისა და უკიდურესად მტკივნეული ჩავარდნების პერიოდები, გადაიტანა მრავალგზისი მუხანათობა და თავდასხმა ყვითელი პრესის მხრიდან, მერე კი მკვეთრად დაასრულა კარიერა პარლამენტში, ჩათრეული აღმოჩნდა მსხვილ პოლიტიკურ სკანდალში, ლეგენდარულ სურათ "მებარგული"/ "Coolie" - ს გადაღებების დროს მიღებული ტრამვის გამო სიკვდილის პირას იმყოფებოდა, გადაიტანა ფატალური უბედური შემთხვევა და მტანჯველი ავადმყოფობის შემდეგ კვლავ ჩადგა მწყობრში, დააარსა საკუთარი კორპორაცია, მნიშვნელოვანი ფინანსური ზარალი მიიღო და გაკოტრების ზღვარზე აღმოჩნდა... მაგრამ უდიდესთა შორის უდიდესმა ყველა ცხოვრებისეულ ქარიშხალს გაუძლო და დღეს უწინდებურად მყარად დგას ფეხზე. მსახიობის გამაოგნებელი შრომისუნარიანობა დიდი ხანია საარაკოდ იქცა და ათასგვარი ლეგენდითაა გარემოსილი, ტყუილად ხომ არ უწოდებენ მას "One Man Industry" (ადამიანი–ინდუსტრია).
–როგორ ახერხებთ ყველგან და ყველაფრის მოსწრებას? როდისღა გძინავთ? – გაოცებულები ეკითხებიან მას ჟურნალისტები.

–ყველაფერი რიგზეა, ინტერვიუს დროს ვახერხებ ხოლმე გამოძინებას, – დასცინის კორესპოდენტებს ამიტაბჰი.

2000 წელს ინდოეთის კინემატოგრაფისტთა ეროვნულმა ასოციაციამ ამიტაბჰი საზეიმოდ გამოაცხადა ათასწლეულის ვარსკვლავად. ამ გამოკითხვის შედეგებით ბაჩანმა უამრავ ჰოლივუდელ ვარსკვლავს გაუსწრო, რომლებიც, შესაძლოა, ბევრად უფრო პოპულარულები არიან დასავლეთში, მაგრამ ეგზომ განუმეორებელი – არა. –ამიტაბჰის თითოეული როლი მოცარტის სიმფონიას წააგავს, – ამბობს მის შესახებ ახალი თაობის ერთ–ერთი წამყვანი რეჟისორი სანჯაი ლილა ბჰანსალი, რომელმაც ამ ცოტა ხნის წინ ბაჩანთან ერთად ჰიტი – "black" / "უაკანასკნელი იმედი" შექმნა. ნიჭიერი რეჟისორების ხელში ცვილივით დამყოლი, მათი შემოქმედებითი ჩანაფიქრის თავიდანვე ალღოს ამღები, ამიტ–ჯი პრინციპულ საკითხებში ფოლადივით მტკიცე, ურყევი რჩება და არანაირ კომპრომისებზე არ მიდის. მისი გმირის, ჰირას სიტყვები ფილმიდან "ობოლი" / "Laawaris": "ძაღლის კუდივით ვარ. შეიძლება ფილადის მილში გამაძვრინო, მილი გაიღუნება, კუდი კი არ გამოსწორდება",– საუკეთესოდ ასახავს თავად ამიტაბჰ ბაჩანის ცხოვრებისეულ კრედოს.
ბედის ირონია კი იმაში მდგომარეობს, რომ როცა მშობლებმა ვაჟს სახელად ამიტაბჰი დაარქვეს, რაც ბენგალურად "მარადიულ სინათლეს" ნიშნავს, წარმოდგენაც არ ჰქონდათ, რამდენად ახლოს აღმოჩნდნებოდნენ ჭეშმარიტებასთან.

მკვდარ ზონაში

ტრაგედია 1982 წელს ბანგალორში მანმოჰან დესაის ფილმ "მებარგული"/ "Coolie" გადაღებების დროს დატრიალდა. ორთაბრძოლის უამრავ სცენათაგან ერთ–ერთის გადაღების დროს ბაჩანმა, რომელსაც ყოველთვის თავი მოჰქონდა იმით, რომ თავის ფილმებში ტრიუკებს შეძლებისდაგვარად თავადვე ასრულებდა, სიფხიზლე მოადუნა, ერთ–ერთი მორიგი დარტყმა ვერ მოიგერია (მოგვიანებით ეს სცენა ფილმში სპეციალური შენელებული კადრით აღინიშნა) და კრიტიკულ მდგომარეობაში მყოფი ჰოსპიტალ "Breach Candy"- ში აღმოჩნდა.
–პანიკაში მყოფი ჯაია პალატის წინ იდგა და ექიმების ფაციფუცს ადევნებდა თვალს, რომლებიც ჩემს გაცოცხლებას ცდილობდნენ, – იხსენებდა ამიტაბჰი.
–უცებ მან დაიძახა: "არ დანებდე! ახლახან დავინახე, როგორ შეუთამაშდა ფეხის თითი, გემუდარები, არ დანებდე!
ექიმებმა ფეხის მასაჟის კეთება დამიწყეს და მეც საიქიოდან ამ ქვეყანას დავუბრუნდი.
ამიტაბჰ ბაჩანმა კლინიკური სიკვდილი გადაიტანა და დიდი ხნის მანძილზე კომაში იმყოფებოდა. პრესაში, როგორც ასეთ შემთხვევებშია ხოლმე მიღებული, პანიკის ნამდვილი ტალღა აგორდა. მსახიობის ჯანმრთელობის მდგომარეობის ამსახველი ბიულეტინები ყველა ინდური გაზეთის პირველ გვერდზე იბეჭდებოდა და სრულიად ინდოეთის რადიოთი ყოველ ერთ საათში გადაიცემოდა.
იმ ხანებში ინდოეთის პრემიერ–მინისტრი ინდირა განდი სპეციალურად ჩავიდა მუმბაიში საწოლს მიჯაჭვული ამიტაბჰის მოსანახულებლად, ხოლო ბაჩანის თაყვანისმცემელთა უზარმაზარი არმია დღედაღამ საავადმყოფოსთან მორიგეობდა და ზეცას ლეგენდარული კერპის გადარჩენას ევედრებოდა.
ამ უბედურების მასშტაბურობაზე უკეთ მეტყველებს ის ფაქტი, რომ ამიტაბჰის ავადმყოფობის დღეებში ეკრანებზე გამოსული ანგლოინდური გრანდიოზული კინოპროდუქცია "განდი", თემის დიდმნიშვნელოვნების მიუხედავად, ინდოელ მოსახლეობაში წარმატებით არ სარგებლობდა. რეჟისორს ამ ფილმმა საზღვარგარეთ უამრავი ჯილდო, მათ შორის "ოსკარის" პრემიაც მოუტანა, მაგრამ ინდოეთში ხალხმა ვიდრე ამიტაბჰის სიცოცხლეს საფრხე ემუქრებოდა, კინოთეატრებში სიარულზე უარი თქვა.
როგორც ცნობილი ამერილკელი კრიტიკოსი ელიოტ სტეინი ადასტურებს: "წლის მთავარი მოვლენა ინდოეთში "განდი" კი არა, ამიტაბჰის თავსდატეხილი უბედური შემთხვევა იყო. ერთი თვის განმავლობაში ასეულ ათასობით ადამიანი მისი გადარჩენისთვის ტაზრებსა და მეჩეთსი ლოცულობდა. საავადმყოფოდან გამოსულმა ბაჩანმა დალოცა უზარმაზარი ბრბო, რომელიც მის მისასალმებლად იყო მოსული".
გამოჯანმრთელება მძიმედ მიმდინარეობდა. უკიდურესად მტკივნეული გადახვევები, ურთულესი ოპერაცია ტრაქეის გადაადგილებაზე და კიდევ, საოცრად მტანჯველი "მშრალი კანონი" – ერთი წვეთი სითხე მთელი კვირის განმავლობაში... იყო მომენტი, როცა ექიმებმა ცხელ გულზე "ახარეს", რომ ყავარჯნების გარეშე გადაადგილებას ვერასოდეს შეძლებდა.
–ხმა რომელიც ჩემში ყოველთვის სიკვდილის ასოციაციას იწვევს, გაქანებული მანქანის მუხრუჭების ღრჭიალია, – იხსენებს ამიტაბჰი.
–სწრაფი მოძრაობა, ლითონების საგნების ხმაური და ბოლოს – სამარისებული სიჩუმე. ეს ხმა დღემდე თან დამდევს. ხმის ამოღება მინდოდა, მაგრამ მხოლოდ უხმო ჩურჩული ამომდიოდა.
საავადმყოფო სხვა სამყარო იყო, სადაც ყველანი თანასწორები არიან: მზარეულები, მსახიობები, ბიზნესმენები... ყველანი ერთ დიდ ოჯახს წარმოვადგენდით., საერთო მტერს – სიკვდილს რომ ვუმკლავდებოდით. დღეს რომ მეზობელ საწოლზე ავადმყოფი იწვა, ხვალ ის ადგილი შეიძლებოდა ცარიელი ყოფილიყო. ამაზე არავინ ლაპარაკობდა.

მახსოვს, ერთხელ ექვსი წლის ბიჭი მოიყვანეს. მთლად დაბინტული იყო და წამლების მიღებაზე უარს ამბობდა. ექიმები მის დაყოლიებას ცდილობდნენ, რათა არ ეტირა, რადგან ხმაური მაწუხებდა. ბავშვმა რომელიც ჩემი თაყვანისმცემელი გამოდგა, არ დაიჯერა, რომ მეც იმავე საავადმყოფოში ვიწექი. ექიმებმა ჩემთან მოიყვანეს და ეს ერთგვარად სასაცილოც იყო, რადგან მე ვერ ვლაპარაკობდი ის კი ვერ ხედავდა. გვერდით მომიწვინეს და მან იგრძნო ჩემი სიახლოვე. ყურში ჩავჩურჩულე და ტირილი შეწყვიტა, დაიჯერა, რომ მე – მე ვარ.
ბიჭი შეეცადა თავის ტკივილზე მაღლა დამდგარიყო და იმ წუთებში მივხვდი, რომ თვითონაც ბავშვივით ვიქცეოდი.

ექიმების ძალისხმევამ, ამიტის სიმამაცემ და გაძლეობამ თავისი შედეგი გამოიღო და ორი ხანგრძლივი, უსასრულო თვის შემდეგ, საავადმყოფოდან გამოწერილი ამიტაბჰი დელის გარეუბანში მიემგზავრება, რათა ქალაქგარეთ მდებარე საკუთარ ფერმაში გამოშუშდეს. სიარული უწინდებურად მხოლოდ ყავარჯნებით შეუძლია. ოჯახი მის გვერდით იმყოფება. მსახიობმა თან თავისი ყველა ფილმი წაიღო, რათა ყოველდღე ენახა ვიდეოთი. მას სურს იცოდეს, შესაძლებელია თუ არა განუმეორებლის განმეორება და ყოველ დილით, ბევრად ადრე, ვიდრე ჯაია და ბავშვები გაიღვიძებენ, მძღოლს თხოვს, ფერმის ყველაზე შორეულ კუთხეში წაიყვანოს. იქ ის შეეცდება იმ ეპიზოდების აღდგენას, რამაც თავის დროზე დიდება მოუტანა. ის ფლეიერზე საკუთარ სიმღერებსაც უსმენს, ცდილობს კვლავ შეიგრძნოს თავისი გმირები, ახლა ასეთი მახლობლები რომ გახდნენ მისთვის.
–თავიდან ეს წარმოუდგენლად მეჩვენებოდა, –ამბობს ბაჩანი, – ხელ–ფეხი არ მემორჩილებოდა. შინ იმედგაცრუებული ვბრუნდებოდი, მაგრამ ყოველ დილით ყველაფერს ისევ თავიდან ვიწყებდი. ვცდილობდი, რაც შეიძლებოდა მეტი ნაბიჯი გადამედგა უყავარჯნებოდ, ყოველდღიურად ვიმეორებდი და ვსრულყოფდი სცენებს. საღამოობით ხმას ვავარჯიშებდი, ფილმებიდან ჩემს მონოლოგებს ვისმენდი და მათ განმეორებას, ხმამაღლა წარმოთქმას ვცდილობდი... ალბათ სასაცილოდ მოჩანდა ამიტაბჰი, რომელიც შუაგულ ოთახში გაჰკიოდა ფრაზებს, – მწარე ირონიით შენიშნავს მსახიობი.
1983 წელს ამიტაბჰი გადასაღებ მოედანზე გადის და მუშაობას ზუსტად იმ მომენტიდან, "მებარგულის" იმ ავადსახსენებელი ეპიზოდიდან იწყებს, რომელზეც შეჩერდა. ფილმის გადაღებაში ჩამოვარდნილმა ასეთმა ხანგრძლივმა შესვენებამ ვერაფერი დააკლო თვითონ სურათს და ფილმმა მოსახლეობაში არნახული წარმატება მოიპოვა.

–პრესა და ზოგიერთი ავისმოსურნე ამას სარეკლამო ტრიუკს უწოდებდა, – კბილებში სცრის ამიტაბჰი, რომელსაც დღემდე უჭირს ამის გახსენება.

–ძალიან მწყინდა, რადგან ეს ულმობელი ტყუილი იყო. ამას მხოლოდ იმიტომ ვაკეთებდი, რომ მინდოდა საკუთარი თავისთვის დამემტკიცებინა – ცხოვრებიდან ჩემი ამოშლა, უსარგებლო ნივთივით გადაგდება, ასე იოლი არ გახლდათ. ეს ჩემი პირადი ტრიუმფი იყო, რაც საკუთარ თავთან ჭიდილს ნიშნავდა.
ყოველი წლის 2 აგვისტოს ჯაია მეუღლეს ყვავილების თაიგულს და ღია ბარათს ჩუქნის წარწერით: "დაბადების დღეს გილოცავ!" და ალბათ მისი დაუცხრომელი მხარდაჭერა, სიყვარული და თავგანწირვა რომ არა, მსოფლიო კინემატოგრაფი ამიტაბჰ ბაჩანს მისი უნიკალური ნიჭის გაფურჩქვნის ხანაშივე დაკარგავდა.

17th Star Screen Awards 2011– ის გამარჯვებულები

საუკეთესო მსახიობი, მაყურებელთა აზრით – შაჰრუჰ ქჰანი (My Name Is Khan)
საუკეთესო მსახიობი ქალი მაყურებელთა აზრით – კატრინა კეიფი (Raajneeti,Tees Maar Khan )
საუკეთესო მსახიობი ჟიურის აზრით – სალმან ქჰანი (Dabangg)
საუკეთესო მსახიობი ქალი ჟიურის აზრით – ვიდია ბალანი (Ishqiya)

საუკეთესო რეჟისორი – ვიკრამ ადიტია მოტვანი (Udaan)
საუკეთესო ფილმი – "Udaan"
Ramnath Goenka– ს სახელწოდების ჯილდო – ფილმს "My Name Is Khan"
პერსპექტიული რეჟისორის ჯილდო – მანიშ შარმა (Band Baaja Baraat)
პერსპექტიული მსახიობი – რანვირ სინგჰი (Band Baaja Baraat)
პერსპექტიული მსახიობი ქალი – სონაქში სინჰა (Dabangg)
საუკეთესო მეორეხარისხოვანი მამაკაცის როლი – არშად ვარსი (Ishqiya)
iyსაუკეთესო მეორეხარისხოვანი ქალის როლი – შერნაზ პატელი (Guzaarish)
საუკეთესო კომედიური ჟანრის მსახიობი – სანჯაი მიშრა (Phas Gaye Re Obama)
საუკეთესო უარყოფითი როლი – რონიტ როი (Udaan)
მსახიობების საუკეთესო ანსამბლი – "Peepli [Live]"
საუკეთესო მსახიობი ბავშვი – აიან ბორადია (Udaan)
საუკეთესო სცენარი – არჯუნ რაჯაბაი და პრაკაშ ჯჰა (Raajneeti)
საუკეთესო კადრგარეთ მომღერალი – რაჰატ ფატეჰი – Dil to baccha (Ishqia)



საუკეთესო კადრგარეთ მომღერალი ქალი – შრეია გოშალი (Bahara (I Hate Luv Storys)



და მამთა შარმა - Munni badnaam hui (Dabangg)

საუკეთესო ქორეოგრაფიისათვის პრიზიც ამ ნომრისათვის დაიმსახურა ფარა ქჰანმა



საუკეთესო ოპერატორი – სუდიპ ჩატერჯი (Guzaarish)

საუკეთესო სპეცეფექტები –შრინივას მოჰანი (Robot)

ფილმით "SAAT KHOON MAAF" პრიანკა ჩოპრამ ბოლივუდის მსახიობები "შეაშინა"

ვიშალ ბჰარდვაჯის ახალი, უკვე გახმაურებული ფილმი, "SAAT KHOON MAAF" (შვიდი პატიებული მკვლელობა"), რომლის სარეკლამო ვიდეოები დიდი ხანი არ არის რაც გამქვეყნდა, უკვე მზადაა მუმბაის კინოთეატრების სრულიად "დასაპყრობად".
პირველ რიგში ფილმი მაყურებელთა ყურადღებას მსახიობთა შემადგენლობით იპყრობს, მასში პრიანკა ჩოპრას გვერდით მონაწილეობენ ისეთი მსახიობები, როგორებიცაა: "ჯონ აბრაჰამი, ირფან ქჰანი, ნასირუდინ შაჰი, ნილ ნიტინ მუკეში და კიდევ ბევრი ცნობილი სახე, გარდა ამისა უკვე დავწერე საიტზე, რომ ფილმში რუსი მსახიობი, ალექსანდრე დიაჩენკო თამაშობს.
ფილმი არის ერთგვარი ნაზავი დრამის, თრილერისა და "შავი კომედიის" და გადაღებულია ბონდის ცნობილი რომანის "სუზანას შვიდი ქმარი" მიხედვით.
ფილმში პრიანკა მთავარ გმირ ქალს თამაშობს, რომელსაც ფილმის მიხედვით შვიდი ქმარი ეყოლება.
მსახიობმა ისეთი დამაჯერებლობით
ითამაშა ეს რომ "შეაშინა" ბოლივუდის მსახიობები რომანის გმირთან მსგავსებით.

სონამ კაპურის თქმით, ფილმის სარეკლამო რგოლის ნახვამ მასზე ძალიან იმოქმედა.
კუნალ კაპურმა, რომელსაც ჰქონდა ბედნიერება ეთამაშა პრიანკასთან ერთად ფილმში "დონი 2", თქვა, რომ ნანახის შემდეგ გადაწყვიტა, რაც შეიძლება "შორს დაიჭიროს" თავი მსახიობისაგან.
ძალიან საინტერესო ფილმები გველოდება წინ და ვადევნოთ თვალი, საიტზე შეძლებისდაგვარად მოგაწვდით სიახლეებს ყველა გამოსულ ფილმზე.
გთავაზობთ ფილმის სარეკლამო ვიდეომასალას და ფოტოებს



среда, 12 января 2011 г.

რიტიკ როშანი 37 წლის გახდა!

10 იანვარს, ბოლივუდის ვარსკვლავი რიტიკ როშანი 37 წლის გახდა.
მსახიობი რომლის კარიერაც ჯერ კიდევ ბავშვობისას, 80–ან წლებში დაიწყო ბოლივუდურ ფილმებში , თავის დებიუტს მოგვიანებით აკეთებს ფილმში: "Kaho Naa… Pyaar Hai" (2000), რომელიც გამოსვლისთანავე ჰიტად იქცევა, მსახიობისათვის კი ფილმს მოაქვს ჯილდო, საუკეთესო მამაკაცის როლისა და საუკეთესო დებიუტისათვის.
რიტიკ როშანის ბოლო ნამუშევარი, ფილმი "Guzarish", რომლის რეჟისორიც არის სანჯაი ლილა ბჰანსალი 2010 წლის ნოემბერში გამოვიდა და კრიტიკოსების დადებითი შეფასებები მოიპოვა. თუმცა შემოსავლების მიხედვით ფილმმა არც ისე გაამართლა მოლოდინი.
37 წლის იუბილე მსახიობს ტრადიციულად მიულოცეს ბოლივუდის ვარსკვლავებმა. მათ შორის უამრავ ნაცნობ სახეს ნახავთ.
გთავაზობთ ვიდეო და ფოტო მასალას



აქვე ვისარგებლებ შემთხვევით და საიტის ყველა სტუმარის სახელით, დაბადების დღეს ასევე მივულოცავ ბ–ნ დავით ბეჟიტაშვილს.
მას წარსდგენა ნამდვილად არ სჭირდება, მითუმეტეს ინდური კინოს მოყვარულთა წინაშე.
ბ–ნი დათო და რიტიკ როშანი ერთ დღეს (10.01.74) არიან დაბადებულები.
ორივეს წინსვლასა და შემოქმედებით წარმატებებს ვუსურვებ!

სხვა სტატიები

Related Posts with Thumbnails