კაჯოლი და აჯაი დევგანი მულტიპლიკაციურ პროექტში

კაჯოლი და აჯაი დევგანი 50 კომპიუტერულ გმირთან ერთად გადაიღებენ პირველ ანიმაციურ სათავგადასავლო ფილმში "Toonpur Ka Superhero".
ამ კინოლენტის შექმნა მათ გადაწყვიტეს თავიანთი გოგონას ნისის გამო.
აჯაი ეკრანზე გამოჩნდება ადიტიას, ხოლო კაჯოლი პრიიას როლში.
მათ ჰყავთ ორი შვილი.
ერთხელ როდესაც აჯაი ბრუნდება ტუნპურში და ხედავს რომ იქ ბოროტებაა გამეფებული, იწყებს ბრძოლას მის წინააღმდეგ. ის უმკლავდება ბოროტებას და ამყარებს კანონსა და წესრიგს ტუნპურში.
კაჯოლი თავის მეუღლესთან ერთად უკვე არის გადაღებული 5 ფილმში: "Hulchul", "Gundaraj", "Pyar To Hona Hi Tha", " Dil Kya Kare", "Raju Chacha", ასევე "U Me Aur Hum". ეს უკანასკნელი აჯაი დევგანის სარეჟისორო დებიუტია.
ფილმი "Toonpur Ka Superhero", იმითაც არის აღსანიშნავი რომ კაჯოლი პირველად გამოჩნდება ეკრანზე დედასთან, ტანუჯასთან ერთად.
ისინი შესაბამისად ითამაშებენ დედა–შვილის როლს.

რაქჰი სავანტის წინააღმდეგ სისხლის სამართლის საქმე აღიძრა

ნოემბერში, უტარ–პრადეშის შტატის პოლიციამ აღძრა სისხლის სამართლის საქმე მსახიობ რაქჰი სავანტის წინააღმდეგ.
რაქჰი სავანტი არის ცნობილი რეალითი–შოუს "Rakhi Ka Insaaf" –ის წამყვანი.
მას ბრალს სდებენ 24 წლის რაქშმან პრასადს სიკვდილში, რომელიც თავის ნათესავებთან და 16 წლის მეუღლესთან ერთად მონაწილეობდა ამ შოუში. ინდოეთის სისხლის სამართლის კოდექსის 306 მუხლით – თავის მოკვლისაკენ ბიძგი.
ლაკშმანის დედის განცხადებით რაქჰი სავანტმა თავის შოუში, მცდელობით – გადაეწყვიტა ლაკშმანისა და ვინიტას ოჯახური პრობლემები, რამდენჯერმე მას მხდალი და იმპოტენტი უწოდა. ამის შემდეგ კი ყველა მისკენ უთითებდა და დასცინოდა და შეურაცყოფდა. ლაკშმანი ჩაიკეტა თავის თავში, გამოაცხადა შიმშილობა და საბოლოოდ გამოფიტვისგან გარდაიცვალა საავადმყოფოში. ლაკშმანი და ვინიტა 2010 წლის თებერვალში დაქორწინდნენ, მაგრამ ვერ გამონახეს რა საერთო ენა, ერთი თვის შემდეგ დაშორდნენ.
თავად რაქჰი სავანტმა ჟურნალისტებს შემდეგი განუცხადა:
–მე ჩემს შოუში ძალით არავინ მომყავს. ყველა მოდის თავისი სურვილით, მიზიარებს თავის პრობლემებს და მთხოვს, ვიპოვოთ გამოსავალი სიტუაციიდან. კანონები მე არვიცი, ვიქცევი ისე როგორც მკარნახობს სინდისი.
შოუს სახელწოდება "Rakhi Ka Insaaf", ჰინდიდან რომ ვთარგმნოთ, ნიშნავს – რაქჰის მართლმსაჯულებას.

ინდური დილა – საზოგადოება "ინდურ სახლში"

19 ნოემბერს, საზოგადოება "ინდური სახლის" სარეპეტიციო დარბაზში ნამდვილი ინდური განწყობა იგრძნობოდა.
აქ ყველაფერი იყო: სურნელოვანი ჩხირების სურნელი, ინდური მუსიკა, ცოცხალი ყვავილების გირლიანდები, ფერადი სანთლები, ინდური ტკბილეული, ყავა, ჩაი... და კიდევ გამოფენილი ინდური კოსტუმები თუ უამრავი სხვა სიმბოლიკა რაც ინდოეთისა და მისი კულტურის მოყვარულებს თავს ცოტა ხნით სასურველ და საყვარელ გარემოში აგრძნობინებდა.
აქ იყვნენ საზოგადოება "ინდური სახლის" როგორც მასპინძლები, ასევე სტუმრები, ქართველებიც და ინდოელებიც.
მიზეზი ამ დილაადრიანი შეკრებისა იყო ის, რომ საზოგადოება "ინდური სახლი" ტელევიზიიდან ელოდებოდა სტუმრებს სიუჟეტის მოსამზადებლად.
საიტზე უკვე ავღნიშნე "ინდური სახლის" მცირე წარსულის შესახებ და დავწერე ისიც, რომ სულ რაღაც ერთი თვეა რაც "ინდურ სახლთან" თანამშრომლობს ქ–ნი თამარ კურდღელია.
შეიქმნა ინდური სიმღერისა და ცეკვის ჯგუფი, რომლის საფუძველზეც შემდეგ უნდა ჩამოყალიბდეს ანსამბლი.
გოგონები შეისწავლიან როგორც ინდურ კლასიკურ ცეკვას, ასევე თანამედროვე ცეკვებსაც ბოლივუდური ფილმებიდან.
ქ–ნ თამრიკოს, რომელიც ძირითადად კლასიკურ ცეკვას შეასწავლის გვერდით უდგანან ძველი "სიტარას" მოცეკვავეები. (ინდური კინოს მოყვარულებს კარგად ახსოვს ეს ანსამბლი, რომელიც კ/თ "ახმეტელში" ფუნქციონირებდა).
ამჯერად ქ–ნი თამარის თხოვნით (თამარ კურდღელიას კონტრაქტი აქვს ტ/კ "რუსთავი 2"–თან), "ინდური სახლი" დაუკავშირდა ტ/კ "რუსთავი 2"–ს დილის გადაცემას და შესთავაზა ერთ–ერთ გადაცემაში გაჟღერებულიყო "ინდური სახლის" შესახებ.
სტუმრებს "ინდური სახლის" ხელმძღვანელი, ქ–ნი რუსუდან თოდაძე და თამარ კურდღელია შეხვდნენ ინდური სახლის სხვა მასპინძლებთან ერთად.
შესრულდა საცეკვაო ნომრები ძველი კლასიკისა თუ თანამედროვე ბოლივუდური ფილმებიდან, რამდენიმე სიმღერა ჩვენი საყვარელი ფილმებიდან.
იყო საუბარი ბოლივუდზე და ქართულ–ბოლივუდურ ურთიერთობებზე.
სპეციალურად მოწვეულმა სტუმარმა ყველა მსურველს მოუხატა ხელები ხნით – ულამაზესი ფიგურებით და სურვილი გამოთქვა თანამშრომლობა გააგრძელოს ინდურ სახლთან.
სხვადასხვა ინდური სამოსით რამდენიმეჯერ შეიმოსა მშვენიერი კორესპოდენტი– ანი გიუნტერი, რომელსაც შემდგომ, პირად საუბარში შევატყვე რომ ინდოეთის და ინდური ფილმების მიმართ გულგრილი ნამდვილად არ იყო.
სტუმრებს "ინდური სახლისაგან" სახსოვრად გადაეცათ "ინდური სახლის" მიერ გამოცემული ჟურნალები და სხვადასხვა სუვენიერები.
სიუჟეტი სავარაუდოდ 22 ნოემბერს ტ/კ "რუსთავი 2"–ის დილის ეთერში გავა სამ ნაწილად, ხუთწუთიან სიუჟეტებად და გასვლის შემდეგ საიტებზეც დაიდება, თუმცა მანამდე გთავაზობთ ინდურ სახლში გადაღებულ ფოტოებს.

ინდური დილა – "ინდურ სახლში"


ნახეთ სიუჟეტი
პირველი ჩართვა

მეორე ჩართვა

მესამე ჩართვა

კატრინა კეიფი ახალ ფილმში "Tees Maar Khan"

კატრინა კეიფმა გადაწყვიტა ყველა გააკვირვოს თავისი ნომრით "sheila ki jawani", ფილმში "tees maar khan", რომელშიც ის თამაშობს თავის საუკეთესო პარტნიორთან, აქშაი კუმართან ერთად.
ფილმი რომელიც შექმნილია ფარა ქჰანის მიერ, გულგრილს არავის დატოვებს.
ეს მისი მესამე ფილმია და ფილმის გამოსვლა ეკრანებზე დაგეგმილია 2010 წლის 24 დეკემბერს.
თუმცა ამჯერად საუბარი არა ფილმზე, არამედ სიმღერაზე – "sheila ki jawani", რომელსაც ასევე უწოდებენ "katrina ki jawani".
ფარა შეეცადა ეს ნომერი გაეხადა რაც შეძლება ცოცხალი და სექსუალური.
კატრინას თქმით ფარამ აიძულა ის ეკეთებინა ისეთი რამეები რაც ადრე არ უკეთებია და მსახიობს ეს მოეწონა.
ფარამ ეს ნომერი "twitter"- ის გვერდზე დადო და თავადაც განცვიფრდა იმდენი კომპლიმენტი მიიღო.
მას კოლეგებიც კი ურეკავდნენ და ულოცავდნენ ასეთ ქმნილებას.

საინტერესოა, ვნახოთ ეს მუსიკალური ნომერი ფილმიდან "tees maar khan".

ზინათ ამანი 58 წლის გახდა

ზინათ ამანი – 70–ანი და 80–ანი წლების ერთ–ერთი ყველაზე მბრწყინავი ვარსკვლავი, ერთ–ერთი პირველთაგანი, ვინც დასავლური ტალღა შემოიტანა ჰინდი კინოში, 19 ნოემბერს 58 წლის გახდა.
კინოს სამყაროში მისი დამკვიდრება დევ ანანდის დამსახურებაა, რომელმაც ის მიიწვია ფილმში "Hare Rama Hare Krishna", თუმცა ზინათს ბავშვობიდანვე ჰქონდა შეხება ამ სამყაროსთან, რადგან მამამისი ამანულა იყო ცნობილი კინოსცენარისტი.
მისი გმირები კინოში არ იყო ყველა ერთნაირად დადებითი და ისეთი როგორიც მიღებული იყო მაშინდელ ინდურ კინოში - მთავარი გმირი ქალი უნდა ყოფილიყო გამოკვეთილად იდეალური ქალის ნიმუში.
თავის დროზე მსახიობს მოუხდა ეთამაშა თითქმის ყველა ვარსკვლავის გვერდით. მათ შორის მანოჯ კუმარის, დევ ანანდის, სანჯივ კუმარის, რაჯეშ ქჰანას, დჰარმენდრას, ჯიტენდრას, შაში კაპურის და განსაკუთრებით ავღნიშნავ ამიტაბჰ ბაჩანის გვერდით. მათი წყვილი პირადად მე ძალიან მომწონდა ყოველთვის.
ბოლო წლებში მსახიობი ისევ გამოჩნდა სხვადსხვა შოუებსა თუ ბოლივუდურ თავყრილობებზე. მონაწილეობა მიიღო რამდენიმე ფილმშიც.
განსაკუთრებით აღსანიშნავია ფილმი "dunno y na jaane kyun", რომელიც სულ მალე გამოვა ეკრანებზე და რომელიც ეხება საკმაოდ სკანდალურ თემას. ფილმში მოთხრობილია ორი გეის შესახებ.
გთავაზობთ ამ ფილმის სარეკლამო ვიდეოს და მსახიობის რამდენიმე ფოტოს, რომელიც სწორედ ამ ფილმის სარეკლამო ღონისძიებაზეა გადაღებული.

სიახლეები ბოლივუდიდან

78 წლის რეჟისორმა, იაშ ჩოპრამ, რომელიც "იაშ რაჯ ფილმსის" დამაარსებელია, განაცხადა რომ, 2011 წელს ის შეუდგება თავისი ახალი ფილმის გადაღებას. გადაღებები შედგება შვეიცარიაში.
ოქტომბრის თვეში შვეიცარიის მთავრობამ დააჯილდოვა ის "Swiss Ambassadors Award 2010", ინდოეთსა და შვეიცარიას შორის არსებული კავშირების გაფართოებაში ჩადებული წვლილისათვის.
იაშ ჩოპრას ფილმებმა განაპირობეს ის, რომ შვეიცარიაში ბევრი შეძლებული ინდოელი ოჯახი ჩადის დასასვენებლად თუ თაფლობისთვის გასატარებლად.

მსახიობი და მოდელი სელინა ჯაეტლი ეგვიპტის ტურისტული სააგენტოს ოფიციალური სახეა და აქტიურად არეკლამებს ეგვიპტის კურორტებს ინდოელ ტურისტებს შორის.
მსახიობს თავადაც ძალიან მოსწონს დასვენება ეგვიპტეში.
გასულ საერთაშორისო ფესტივალზე ქაიროში ის დასახელდა საუკეთესო მსახიობად როლისათვის "Love Has No Language".
წელს კი სელინა ამ ფესტივალზე მიიწვიეს ჟიურის ერთ–ერთ წევრად.

სანჯაი დატი ორი ტყუპის მამა გახდა

მსახიობ სანჯაი დატის მეუღლემ, მანიატა დატმა ორი ტყუპი გააჩინა: ვაჟი და ქალიშვილი.
რათქმაუნდა სანჯაი უზომოდ გახარებულია, რადგან დივალის დღესასწაულთან დაკავშირებით ეს მართლაც სასიამოვნო სიურპრიზია. სანჯაის მეგობრებმა კინოინდუსტრიიდან მილოცვის წერილები გაუგზავნეს მსახიობს.
სანჯაი აპირებს რაც შეიძლება მეტი დრო დაუთმოს ბავშვებს და დაეხმაროს მეუღლეს მათ აღზრდაში.
მანიატას თქმით, ის თანახმაა ისწავლოს საფენების გამოცვლა ბავშვებისათვის.
–მე დამჭირდება დახმარება რადგან ისინი ორნი არიან. სანჯუმ დამპირდა, რომ ყველაფერს გააკეთებს რათა მათზე ზრუნვა გამიადვილოს.

ბოლივუდი საქართველოში

ჰოლივუდის შემდეგ საქართველოთი ინდური კინოკომპანია – ბოლივუდიც დაინტერესდა.
კინოპროდიუსერებს და მსახიობებს საქართველოში უახლოეს მომავალში ელოდებიან.
საქმიანი ვიზიტით ბოლივუდში საქართველოს ეკონომიკისა და მდგრადი განვითარების მინისტრი ვერა ქობალია იმყოფებოდა ქართულ დელეგაციასთან ერთად.
შეხვედრები შედგა კინოპროდიუსერებსა და მსახობებთან.
ბოლივუდის ერთ–ერთ ყველაზე მნიშვნელოვან ფიგურასთან, მსახიობ ამირ ქჰანთან ქართული დელეგაციის შეხვედრა მსახიობის სახლში შედგა.
უშუალო მიღება საქმიან მოლაპარაკებებში მალე გადაიზარდა.
–მე არასოდეს ვყოფილვარ საქართველოში– განაცხადა მსახიობმა და ჩვენს ქვეყანაში ჩამოსვლის სურვილი გამოთქვა.
ქართულ დელეგაციასთან შეხვედრებისას საქართველოში ჩამოსვლის სურვილი არა მხოლოდ ამირ ქჰანმა გამოთქვა.
ქართველი მინისტრი ბოლივუდის პროდიუსერებსა და კინოსტუდიების ხელმძღვანელებს შეხვდა. მოლაპარაკებების შედეგად რამდენიმე მათგანი საქართველოში ჩამოსვლით და კინოწარმოებაში ქართული გარემოს გამოყენებით დაინტერესდა.
საქართველოში ქართული დელეგაცია სიმბოლური საჩუქრებითა და კონკრეტული წინადადებებით დაბრუნდა. თანამშრომლობა ბოლივუდთან უკვე გადაწყვეტილია, ინდოელი მსახიობებისა და პროდიუსერების ვიზიტი კი უკვე დაგეგმილია, თუმცა ჯერ–ჯერობით უცნობია სად ან როგორი სიუჟეტის ფილმს გადაიღებს ჯგუფი.
–შევხვდით ყველაზე დიდი კინოკომპანიის ხელმძღვანელებს, მათ ვინც გადაიღო, "მილიონერი გარეუბნიდან".
აქვთ სერიოზული ინტერესი რომ ჩამოვიდნენ და ნახონ რა პირობებია საქართველოში– განაცხადა მინისტრმა.
–უკვე მოვილაპარაკეთ რომ დეკემბრის ბოლოს ან იანვარში ჩამოვლენ ჩვენს ქვეყანაში.
მინისტრმა ასევე აღნიშნა რომ ჯგუფები 1000 კაციანი შემადგენლობით თვეების განმავლობაში იმუშავებს საქართველოში ამ პროექტებზე და ეს ყველაფერი დადებითად აისახება ჩევნს ეკონომიკაზე.
როგორც ინდური კინოს მოყვარულებისათვის უკვე არის ცნობილი (ამაზე არაერთხელ დავწერე საიტებზე და ფოტომასალაც დევს) ეს ბოლივუდელ პროდიუსერებთან მოლაპარაკებების პირველი მცდელობა არ არის.
დაახლოებით სამი წლის წინ საქართველოში პროდისერ დავით ბეჟიტაშვილის მოწვევით იმყოფებოდა რამდენიმე პროდიუსერი .
შედგა მოლაპარაკება ქართველ მოდელთან ნათია ნებიერიძესთან და სამწლიანი კონტრაქტიც დაიდო, თუმცა 2008 წლის აგვისტოს მოვლენებმა ეს პროექტი უვადოდ გადადო.
პროდიუსერი ამჯერადაც არ გამორიცხავს რომ შესაძლოა ინდოელი პროდიუსერები ისევ დაინტერსდნენ ქართველი მსახიობებით.
ვფიქრობ საინტერესო მოვლენები გველოდება.
წარმატებები ვუსურვოთ ქართულ–ბოლივუდურ ურთიერთობებს და მივადევნოთ თვალი სიახლეებს

შაჰრუჰ ქჰანი იუბილეს ბერლინში შეხვდა

ბოლივუდის ვარსკვლავი 45 წლის გახდა!
თავის იუბილეს ის ბერლინში შეხვდა, სადაც ფილმ "დონი 2" –ს გადაღებებზითაა დაკავებული.
მისმა მეგობრებმა კინოს სამყაროდან მიულოცეს მსახიობს დაბადების დღე. გთავაზობთ რამდენიმე მილოცვის ტექსტს:
კარან ჯოჰარი – ჩემთვის ის არა მხოლოდ მსახიობი და პროდიუსერია, არამედ ძმაც, მეგობარიც, ყველაფერი ერთად. მიყვარხარ ჩემო ძმაო!
დიპიკა პადუკონი – შაჰრუჰთან ერთად შედგა ჩემი პირველი დებიუტი ფილმში "Om Shanti Om". ის უდიდესი მსახიობია და ამასთან ერთად უდიდესი ადამიანიც. მე დიდ პატივს ვცემ შაჰრუჰს და მის დაბადების დღეს მე ვლოცულობ მისი ბედნიერებისა და წარმატებებისათვის.
კარინა კაპური – ის ერთ–ერთი ჩემი საყვარელი მსახიობი და მეგობარია. მე მიყვარს მასთან მუშაობა. მე მისი დიდი თაყვანისმცემელი ვარ როგორც პატარა ბავშვი. დღეს მე ვთხოვ ღმერთს რომ შეისმინოს და ახდეს მისი ყველა ლოცვა. ჯენელია დე სუზა – რამდენიც არ უნდა ვისაუბროთ შაჰრუჰზე, საკმარისი არ იქნება. მე ვულოცავ მას დაბადების დღეს და დარწმუნებული ვარ ის მხიარულადაა ბერლინში. სადაც შაჰრუჰია, იქ მხიარულებაა.
რიტეშ დეშმუქჰი – შაჰრუჰი ერთ–ერთი ჩემი საყვარელი მსახიობთაგანია. უბრალოდ მის გარემოცვაში ყოფნა ეს ნიშნავს სწავლების პროცესს. რა შემიძლია ვთქვა? ვუსურვებ კიდევ 100 დაბადების დღეს.
არჯუნ რამპალი – შაჰრუჰი ჩემთვის იგივე ძმაა. მე ძალიან მინდა რომ ამ დღეს ის აქ იყოს მუმბაიში, ჩვენ რათქმაუნდა აღვნიშნავდით ერთად, მაგრამ შემდეგ, როგორც კი დაბრუნდება... ყოველი წუთი გატარებული შაჰრუჰთან დღესასწაულია.
დია მირზა – მე მას ვუსურვებ წარმატებებს მის დაბადების დღეს. ყოველი წლის მატებასთან ერთად ის გამოიყურება უფრო ახალგაზრდად და ენერგიულად.

ვივეკ ობეროის ქორწილი

ბოლივუდის ვარსკვლავმა ვივეკ ობეროიმ თავისი ბედი სამუდამოდ დაუკავშირა მენეჯმენტის კურსდამთავრებულ პრიანკა ალვა
ბრწყინვალე საქორწინო ცერემონიალზე, რომელშიც ტრადიციული პენჯაბური სტილი შერეული იყო სხვადასხვა ინდურ ტრადიციებთან, 34 წლის ობეროიმ და 28 წლის პრიანკამ საქორწინო გირლიანდები გაცვალეს.
პრიანკას მამა – ჯივარაჯი გარდაცვლილია. ადრე იგი მინისტრის თანამდებობას იკავებდა, ხოლო დედა – ნანდინი, ცნობილი მოცეკვავეა.
ოჯახთან დაახლოებული წყარო იუწყება, რომ საქორწინო ცერემონიალმა ინდური ტრადიციების დაცვით ჩაიარა. მას 2000 –ზე მეტი სტუმარი ესწრებოდა. მათ შორის თეატრის, ცირკის, კოინდუსტრიისა და ხელოვნების სხვადსხვა სფეროების წარმომადგენლები.
პრიანკა, ყოველი რიტუალისათვის შესაფერის ჩაცმულობას ირგებდა, უძვირფასესი საგვარეულო სამკაულების ჩათვლით.
ერთ–ერთი სტუმართაგანი აღნიშნავს რომ გარემო მთლიანად ინდური იყო.
700 ლოტოსის ყვავილი ჩამოიტანეს ტაილანდიდან აუზის მოსართავად. საქორწინო მანდაპი მოთული იყო 2000 სვაროვსის თვლით.
პრიანკამ ვივეკს ქვებით მორთული ხმალი აჩუქა, რადგან ტრადიციების მიხედვით ვივეკის კასტის წარმომადგენლისათვის ხმლის ტარება აუცილებელია. მან ქორწილშივე მოირგო საჩუქარი ძვირფას საქორწინო ტანსაცმელზე.
არჯუნსა და პრიანკას დიზაინერ ტარუნ ტაჰილიანის მიერ შექმნილი ტანსაცმელი ემოსათ.
სტუმრებიდან ბევრი ცნობილი ადამიანი აღნიშნავდა რომ ქორწილში კარგად ერწყმოდა ერთმანეთს ჩრდილოეთისა და სამხრეთის ტრადიციები თავისი სამზარეულოთი და დესერტებით.
წინა ღამით კი პრიანკასა და ვივეკის ნათესავებმა, ვივეკის უკანასკნელი ფილმის "Rakth Charitra"–სა და სხვა ბოლივუდური ფილმებიდან ჰიტების მელოდიებზე ცეკვაში გაათენეს. მათ ვივეკის მეგობარი, პოპულარული დრამერი, შივამანი აძლევდა რიტმს.
საქორწინო კავშირმა კიდევ უფრო გაამყარა ალვასა და პრიანკას ოჯახებს შორის დიდი ხნის მეგობრობა.

Read more at: http://movies.ndtv.com/movie_story.aspx?Section=Movies&ID=ENTEN20100158406&subcatg=MOVIESINDIA&keyword=bollywood&nid=63310?trendingnow&cp