კარინა კაპური და საიფ-ალი ქჰანი - ბოლივუდის ერთ-ერთი ყველაზე პოპულარული და მაღალანაზღაურებადი წყვილი

რომანტიული ურთიერთობა ამ წყვილს შორის დაიწყო ფილმის " Tashan" გადაღებებისას. ამის შემდეგ წყვილს ხშირად ხედავდნენ ერთად საზოგადოებაში. თუმცა ისინი არ აღიარებდნენ არავითარ რომანს და ამბობდნენ რომ კარგი მეგობრები არიან.
დიზაინერ მანიშ მალჰოტრას საფინალო შოუს დროს, როცა ისინი ერთად მოაბიჯებდნენ პოდიუმზე, ყველაფერი უსიტყვოდ ითქვა. კარინამ უცერემონიოდ მიატოვა შაჰიდ კაპური.
მათი თაყვანისმცემლები იმედს იტოვებდნენ რომ წყვილი აუცილებლად შერიგდებოდა, თუმცა ასე არ მოხდა. ისინი ერთმანეთს უკანასკნელად შეხვდნენ 2007 წლის 30 სექტემბერს, სტუდიაში, მათ ერთობლივ ფილმთან - "Jab We Met" დაკავშირებით.
ბოლივუდისათვის შაჰიდისა და კარინას წყვილი ჩანაცვლდა საიფ-ალი ქჰანისა და კარინას ასევე წარმატებული წყვილით. მართალია ამ შოუზე საიფისა და კარინას წყვილი ბედნიერად გამოიყურებოდა, თუმცა არანაკლებ ბედნიერად გამოიყურებოდა კარინასა და შაჰიდის წყვილი იმავე დიზაინერის წინა შოუზე.

ფილმი "მსხვერპლი", რომლის თბილისური პრემიერაც გაიმართება
28 თებერვალს კ/თ საქართველოში, ამ წყვილის ბოლო ერთობლივი ნამუშევარია.