სასიყვარულო სამკუთხედები: ამირი, რინა და პუჯა

ამირი პირველ მეუღლესთან, რინასთან ერთადპუჯა ბჰატიამირ ქჰანი ბოლივუდში ერთ-ერთი ყველაზე ნიჭიერი და ჭკვიანი მსახიობია, თუმცა ამ ინდუსტრიაში მუშაობის პირობები ისეთია რომ ძალიან ძნელია გაექცეთ ცდუნებას. გარშემოტყმული ხართ ლამაზმანებით, ულამაზეს ადგილებში. თითქოს ყველაფერი მოწყობილია ცდუნებისათვის და ამირის გულმაც გაიმარჯვა გონებაზე. მხლოდ ერთხელ ის გაიტაცა ახალგაზრდა მსახიობმა ქალმა.
ჟურნალ "stardust" -ში ის ამბობს, რომ სურს გაემგზავროს საყვარელ ადამიანთან ერთად სამოგზაუროდ. მას ეს წარმოედგინა როგორც რომანტიკული მომენტი, თუმცა ისე, სურდა ეცხოვრა დიდხანს და ბედნიერად თავის ოჯახთან ერთად.
ეს იყო მისი იდეა ბედნიერებაზე.

მას შეუყვარდა გოგონა რომელიც მეზობელ სახლში ცხოვრობდა. ის მუსულმანი იყო, გოგონა კი ინდუსი. მშობლები ორივე მხრიდან წინააღმდეგები იყვნენ.
ერთ-ერთ ინტერვიუში ამირი ყვება:
-რინა ცხოვრობდა მეზობლად. ჩვენ გავიცანით თუ არა, ერთმანეთი მოგვეწონა. თუმცა იძულებულები ვიყავით ჩუმად შევხვედროდით ერთმანეთს, რადგან მის მშობლებს არ მოვწონდი. მათ უნდოდათ რომ რინას აღარ ვენახე, მაგრამ ეს უკვე შეუძლებელი იყო, რამდენადაც ჩვენ ძალიან მივეჩვიეთ ერთმანეთს და ხშირადაც ვხვდებოდით. მე ძალიან მიყვარდა ის და მეშინოდა დაკარგვის. როცა ჩვენ დავშორდით რაღაც დროით მე ძალიან მეშინოდა რომ მშობლები მას ძალით გაათხოვებდნენ ვინმე სხვაზე. ამიტომ გავხდი თუ არა 21 წლის ჩვენ საწრაფოდ შევიტანეთ განცხადება და დავქორწინდით. ჩვენ ძალიან გვინდოდა რომ ჩვენი მშობლები ყოფილიყვნენ იმ წუთში ჩვენს გვერდით, მაგრამ ეს შეუძლებელი იყო. მხოლოდ ჩემმა ძმამ და მისმა დამ იცოდნენ ჩვენი ქორწინების შესახებ. ის განაგრძობდა თავის სახლში ცხოვრებას, მე კი ჩემს სახლში. ერთხელაც კი მისმა დამ რაღაც მიზეზის გამო ყველაფერი მოუყვა მის მშობლებს... ისინი რათქმაუნდა ძალიან გაბრაზდნენ. ძალიან ნაწყენნი იყვნენ ჩემი მშობლებიც. ჩვენ ამას ველოდით. ეს ძალიან რთული დრო იყო. შემდეგ მე შევხვდი რინას მამას, ვისაუბრეთ და ის დარწმუნდა რომ პატიოსანი განზრახვა მქონდა და არც ისეთი ცუდი ვიყავი როგორც ეგონათ. მოგვიანებით ორივე ჩვენმა ოჯახმა სცნეს ჩვენი ქორწინება, რინა გადმოვიდა ჩვენთან და ყველაფერი თავის ადგილზე დადგა.

აგვისტოში ჩვენ დავიწყეთ ფილმის "განაჩენი" გადაღება და რადგან ეს ჩემი სადებიუტო ფილმი იყო მე მირჩიეს რომ ჩემი ქორწინება დამემალა. მე რათქმაუნდა არ მომწონდა ტყუილის თქმა, მაგრამ მესმოდა რომ ეს აუცილებელი იყო. მე ვერ ვიფიქრებდი მარტო ჩემს თავზე. უნდა მეფიქრა ჩემს ოჯახზეც. ამ ფილმში დიდი ფული იყო ჩადებული, ყველაფერი დამოკიდებული იყო ჩემზე და მეც შევურიგდი. როგორც მითხრეს ფილმი იყო სიყვარულზე და მაყურებელი უბრალოდ ვერ აიტანდა მთავარ გმირს ცოლიანს. რინა არ იყო წინააღმდეგი. მე არ მინდოდა მისი დამალვა, მაგრამ რინა ამას დიდი გაგებით მოეკიდა.
-ერთხელ რინას წერილი მივწერე სისხლით, მაშინ როცა ერთმანეთს ვხვდებოდით. აი, ასე ძლიერად მიყვარდა და მიყვარს ახლაც. მე არა მგონია როდესმე მას ვუღალატო. ეს შეუძლებელია რადგან მე არ შემიძლია მიყვარდეს ორი ადამიანი ერთდროულად. დაუჯერებელია რომ როდესმე გადავიყვარო რინა. მე ძალიან ძლიერად მიყვარს ის და არა ვარ იმ ტიპის ადამიანი რომ რომანები გავაჩაღო.

თუმცა ეს მაინც მოხდა ერთ-ერთი ფილმის გადაღებისას.
-პუჯა საოცარი გოგონაა. მას სჯერა გრძნობების თუმცა ამბობს რომ აღფრთოვანებულია მამამისით და ჯერ-ჯერობით ვერცერთი მისი ნაცნობი მამაკაცი ვერ შეედრება მას.
პუჯა მართლაც ყოველთვის ეძებდა თუნდაც მცირე მაჰეშ ბჰატს ყველა მამაკაცში, თუმცა ვერცერთი ვერ აღწევდა მის სტანდარტებს. მხოლოდ ერთადერთი მამაკაცი ვისზეც მას შეეძლო ესაუბრა ისეთივე აღელვებით იყო ამირ ქჰანი.
1991 წლის ოქტომბერში პუჯამ თავის ინტერვიუში აღიარა:
-მე და ამირს საინტერესო ურთიერთობა გვაქვს. მე მას ვაღმერთებ თავიდან ბოლომდე. ჩვენ ყოველთვის ვიცინით და ვხუმრობთ ერთმანეთზე. თუ ჩვენ არ ვკამათობთ რომელიმე დღეს ე.ი. რაღაც ისე არ არის. ის მე მსუქანას მეძახის, მე კი მას ნამცეცას. როცა მე ის პირველად ვნახე საერთოდ არ მომეწონა, მაგრამ როცა უკეთესად გავიცანი, ახლა უფრო და უფრო მომწონს. მე ბევრი ვისწავლე მისგან. დღეისათვის მე თუ რაიმეს მივაღწიე, მე მადლობელი ვარ მამაჩემის და მისი.
პუჯას შეუყვარდა ამირი და მას არ შეეძლო ამის დამალვა. მას ყოველთვის ასწავლიდა მამა რომ ყოფილიყო პატიოსანი ურთიერთობებში.
ერთ-ერთ ინტერვიუში ის ყვება:
-მამა ყოველთვის ამბობს: იცხოვრე, გაიღიმე და გიყვარდეს! ნუ იდარდებ რას იფიქრებს ამაზე ხალხი.
იმ დროისათვის ყველა ჟურნალი წერდა ამირისა და პუჯას რომანის შესახებ.
ამირმა აღარ იცოდა სად წასულიყო, აღარ იცოდა რა ეპასუხა.
სწორედ იმ დღეებში რინამ შესჩივლა ახლობელს: მე ვგრძნობ რომ ვკარგავ ამირს. ის არ მესაუბრება, არ მპასუხობს კითხვებზე.
ამირი უკვე აღარაფერში იყო დარწმუნებული. მეგობრები ამბობდნენ, რომ მისი გრძნობები პუჯას მიმართ იმდენად ღრმა იყო რომ ის სულის სიღრმემდე იყო შეძრული. მან აღარ იცოდა როგორ მოქცეულიყო.
თვეების შემდეგ ამირმა მაინც იპოვა თავში ძალა გაეწყვიტა ურთიერთობა პუჯასთან. მას არ უნდოდა გაერისკა რეალობა რინასთან, - პუჯასთან ფანტაზიის გამო. მან გადაწყვიტა დარჩენილიყო მეუღლესთან და მიეძღვნა თავი ოჯახისათვის. არანაირი სულისშემძვრელი განშორების სცენები არ ყოფილა და არც შეიძლებოდა ყოფილიყო.
პუჯას ძალიან უმძიმდა და ყოველივე ცუდი თუ რამ თქვა მან ამირის შესახებ იმ დღეებში იყო ამ ტკივილის გამოძახილი. ის დაუბრუნდა ყოფილ მეგობარს მხოლოდ იმიტომ რომ სამაგიერო გადაეხადა ამირისათვის.
როცა ჭრილობების მოშუშების შემდეგ პუჯამ ინტერვიუში განაცხადა რომ, მისი ურთიერთობები ამირთან იყო საუკეთესო მის ცხოვრებაში, რინა უკვე ორსულად იყო პირველ ბავშვზე.
1991 წლის მაისში ამირმა განაცხადა:
-დიახ, მეც მომდის შეცდომები. ყოველ შემთხვევაში ეს იყო ჩემი პირადი შეცდომა და მე ის გამოვასწორე ჩემი ხელით.
10 წლის შემდეგ, 2001 წელს რინამ მიატოვა ამირი და გადავიდა მშობლებთან ორი შვილით. 2002 წლის ბოლოს გახდა ცნობილი რომ ისინი გაიყარნენ. მიზეზი უცნობია. დადიოდა უამრავი ჭორი, თუმცა მხოლოდ რინამ და ამირმა იცის რა მოუვიდა მათ ურთიერთობას და ოჯახს, რომელიც ასეთი წმინდა სიყვარულით შეიქმნა.
ამირ ქჰანი მეორე მეუღლესთან, კირან რაოსთან ერთად