შაჰრუჰ ქჰანი - მსახიობი, რომელმაც წითელ ხალიჩაზე ლეონარდო დიკაპრიოც კი დაჩრდილა

"ჩემი სახელია ქჰანი" - ბერლინის კინოფესტივალზე
კინოფესტივალის ყველაზე მკაცრ კინოკრიტიკოსებსაც კი მოუწიათ ეღიარებინათ რომ ქჰანი მხოლოდ მუმბაის ვარსკვლავი არ არის. კარან ჯოჰარია ახალი ფილმის "ჩემი სახელია ქჰანი", რომელშიც მთავარ როლებს ბოლივუდის ვარსკვლავები შაჰრუჰ ქჰანი და კაჯოლი თამაშობენ, ბილეთები ბერლინში, ონლაინ აუქციონზე თითო 1000 ევროდ გაიყიდა. ორგანიზატორები ამბობენ რომ ფესტივალის ისტორიაში მსგავსი არაფერი ახსოვთ. წითელ ხალიჩაზე ქჰანის გამოჩენამ თავად ლეონარდო დიკაპრიოც კი დაჩრდილა.
-არანაირი აგრესია, არანაირი პრობლემა. ამ ფილმით მინდა რომ ყველა გაერთოს და დარწმუნებული ვარ ასეც იქნება. ხალხს მოსწყინდა პრობლემები. როცა პოლიტიკოსი გავხდები ბრძოლა მაშინაც მეყოფა. ახლა კი 44 წლის ვარ, კარგი აღნაგობის და რა გასაკვირია რომ მიხაროდეს ცხოვრება განაცხადა მსახიობმა.
ფილმი "ჩემი სახელია ქჰანი", ინდოელი მუსულმანის, რიზან ქჰანის ისტორიაა. ის აუტიზმის მსუბუქი ფორმითაა დაავადებული, ამიტომ საცხოვრებლად გადადის სანფრანსისკოში ძმასთან და რძალთან. იქ კი მანდირა უყვარდება. 2001 წლის 11 სექტემბრამდე ოჯახი ბედნიერად ცხოვრობს, შემდეგ კი ურთიერთობები იძაბება. ქჰანი საყვარელი ქალის დასაბრუნებლად ამერიკაში მოგზაურობს.
ვნახოთ ვიდეომასალა კარან ჯოჰარის, შაჰრუჰ ქჰანისა და კაჯოლის ბერლინში ვიზიტის შესახებ