რანი მუქერჯი თაყვანისმცემლებმა ალყაში მოაქციეს

პოპულარობა ძალიან მძიმე ტვირთია და ბოლივუდის მსახიობს, რანი მუქერჯისაც საკუთარ თავზე კიდევ ერთხელ მოუხდა ამის გამოცდა.
არც ისე დიდი ხნის წინ რანი მუქერჯი დელის მაღაზიებში საყიდლებზე დადიოდა იმ იმედით რომ შეუმჩნეველი გახდებოდა. თუმცა მსახიობი მალევე გახდა გარშემორტყმული თაყვანისმცემელთა წრით.

ის მაღაზიაში მძღოლის გარეშე იყო შესული, მაგრამ შეამჩნია რა თაყვანისმცემელთა უზარმაზარი ბრბო და გაიგონა როგორ ყვიროდნენ მის სახელს, მსახიობმა სწრაფადვე დაურეკა მძღოლს, რომელმაც რანი სასტუმროში დააბრუნა.
მსახიობი ამჟამად დელის სასტუმროში ცხოვრობს და დაკავებულია გადაღებებით ფილმში: "No One Killed Jessica ".
ამ ბლოგბასტერში რანი მუქერჯი ვიდია ბალანთან ერთად მონაწილეობს.

რანი მუქერჯი, რომელიც ყოველთვის გამოირჩეოდა თავისი მეგობრული დამოკიდებულებით სხვა მსახიობებთან და სხვადასხვა დროს მეგობრობდა პრიტი ზინტასთან, აიშვარია რაისთან, ასევე იყო ნებისმიერი ქჰანების სასურველი სტუმარი, მოულოდნელად გაქრა საზოგადოებრივი თავშეყრის ადგილებიდან და წვეულებებიდან. გაწყვიტა მეგობრული ურთიერთობები.

ამჟამად კი მსახიობს ისევ დაუბრუნდა ჩვეული ორიგინალობა და როგორც ამბობენ ის შესანისნავად ატარებს დროს გადასაღებ მოედანზე ვიდია ბალანთან ერთად.

საინტერესო ეტაპია მსახიობის პირად ცხოვრებაშიც.
ყველა მცდელობის შემდეგ რასაც რანი მუქერჯიმ და ადიტია ჩოპრამ მიმართეს რათა მათი რომანი საიდუმლოდ შეენახათ ინფორმაციის მასობრივი საშუალებებისაგან - ახლა უკვე მათ საზოგადოებაში გამოსვლა გადაწყვიტეს.
კარან ჯოჰარის მიერ ორგანიზებულ საღამოზე რანი და ადიტია როგორც ჩვეულებრივ წყვილი ისე იქცეოდნენ.
ძალიან თავშეკავებული რანი საზოგადოებაში პირველად დაინახეს კავალერთან ხელჩაკიდებული. ისინი ერთად მოვიდნენ და მთელი საღამო ერთად გაატარეს. მაგიდასთანაც ერთმანეთის გვერდიგვერდ დასხდნენ. ეს ადიტიას მიერ აშკარად ხაზგასმა იყო იმის რომ ისინი ერთად არიან.
საღამოზე მყოფი სტუმრები აშკარად კმაყოფილები იყვნენ რანისა და ადიტიას ურთიერთობაში მომხდარი ცვლილებების გამო. ბოლო სამი წლის მანძილზე ცნობილი იყო რომ ისინი ხვდებოდნენ, თუმცა ადიტია არასოდეს ჩნდებოდა ღიად საზოგადოებაში რანისთან ერთად.